ಬೆನ್ನು ನೋವು ಖತರ್ನಾಕ್ ಕಾಯಿಲೆ!! ಯಾವುದಕ್ಕೂ ಹುಷಾರಾಗಿರಿ...

ಒತ್ತಡ

ಮಾನಸಿಕ ಒತ್ತಡದಿಂದ ಸ್ನಾಯುಗಳು ಮತ್ತು ಅಂಗಾಂಶಗಳು ಬಿಗಿಗೊಳ್ಳುತ್ತವೆ. ವಿಶೇಷವಾಗಿ ಭುಜ ಮತ್ತು ಸೊಂಟದ ಸ್ನಾಯುಗಳು ಅತಿ ಹೆಚ್ಚು ಪ್ರಭಾವಿತವಾಗುತ್ತವೆ. ಒತ್ತಡದ ಸಮಯದಲ್ಲಿ ಮೆದುಳಿಗೆ ಅತಿ ಹೆಚ್ಚು ರಕ್ತದ ಅಗತ್ಯವಿರುವ ಕಾರಣ ಅನಿವಾರ್ಯವಾಗಿ ಹೃದಯ ತಲೆಗೆ ಹೆಚ್ಚು ರಕ್ತವನ್ನು ಪೂರೈಸುವ ಕಾರಣ ಹೆಚ್ಚು ಭಾರ ಹೊರುವ ಸ್ನಾಯು ಮತ್ತು ಭುಜಗಳಿಗೆ ಕಡಿಮೆಯೇ ರಕ್ತ ಲಭಿಸುತ್ತದೆ. ಪರಿಣಾಮವಾಗಿ ಇವು ಕುಗ್ಗುತ್ತವೆ ಹಾಗೂ ನೋವು ಕಾಣಿಸಿಕೊಳ್ಳುತ್ತದೆ.

ಒತ್ತಡ

ಮಾನಸಿಕ ಒತ್ತಡದಿಂದ ಸ್ನಾಯುಗಳು ಮತ್ತು ಅಂಗಾಂಶಗಳು ಬಿಗಿಗೊಳ್ಳುತ್ತವೆ. ವಿಶೇಷವಾಗಿ ಭುಜ ಮತ್ತು ಸೊಂಟದ ಸ್ನಾಯುಗಳು ಅತಿ ಹೆಚ್ಚು ಪ್ರಭಾವಿತವಾಗುತ್ತವೆ. ಒತ್ತಡದ ಸಮಯದಲ್ಲಿ ಮೆದುಳಿಗೆ ಅತಿ ಹೆಚ್ಚು ರಕ್ತದ ಅಗತ್ಯವಿರುವ ಕಾರಣ ಅನಿವಾರ್ಯವಾಗಿ ಹೃದಯ ತಲೆಗೆ ಹೆಚ್ಚು ರಕ್ತವನ್ನು ಪೂರೈಸುವ ಕಾರಣ ಹೆಚ್ಚು ಭಾರ ಹೊರುವ ಸ್ನಾಯು ಮತ್ತು ಭುಜಗಳಿಗೆ ಕಡಿಮೆಯೇ ರಕ್ತ ಲಭಿಸುತ್ತದೆ. ಪರಿಣಾಮವಾಗಿ ಇವು ಕುಗ್ಗುತ್ತವೆ ಹಾಗೂ ನೋವು ಕಾಣಿಸಿಕೊಳ್ಳುತ್ತದೆ.

ಅತಿ ಹೆಚ್ಚು ಕುಳಿತುಕೊಳ್ಳುವುದು

ನಮ್ಮ ದೇಹ ಕುಳಿತುಕೊಂಡಿರುವುದಕ್ಕಾಗಿಯೇ ಸರ್ವಥಾ ನಿರ್ಮಿಸಲಾಗಿಲ್ಲ. ಬದಲಿಗೆ ನಡೆಯುವುದು, ಹತ್ತುವುದು, ಓಡುವುದು ಮೊದಲಾದ ಶ್ರಮದಾಯಕ ಕೆಲಸಗಳಿಗಾಗಿಯೇ ನಿರ್ಮಿಸಲಾಗಿದೆ. ಹೀಗಿರುವಾಗ ದಿನವಿಡೀ ಹೆಚ್ಚಿನ ಸಮಯ ಕುಳಿತೇ ಇದ್ದರೆ ಇದು ಬೆನ್ನಿನ ಸ್ನಾಯುಗಳ ಮೇಲೆ ಒಂದೇ ಕಡೆ ಸತತವಾಗಿ ಭಾರ ಹಾಕುವ ಮೂಲಕ ಒತ್ತಡದಲ್ಲಿಯೇ ಇರಿಸುತ್ತದೆ. ಕಂಪ್ಯೂಟರ್ ಹಾಗೂ ಫೋನ್ ಆಧಾರಿತ ಉದ್ಯೋಗಗಳಲ್ಲಿರುವವರಿಗೆ ಕುಳಿತುಕೊಳ್ಳುವುದು ಅನಿವಾರ್ಯವಾದರೂ ದಿನದ ಎಂಟು ಗಂಟೆಗೂ ಹೆಚ್ಚು ಕುಳಿತುಕೊಳ್ಳುವವರ ಬೆನ್ನಿನ ಸ್ನಾಯುಗಳು ಸತತ ಭಾರದಿಂದ ಸಂಕುಚಿತಗೊಂಡಿದ್ದು ಇದು ವಿಕಸಿತಗೊಳ್ಳಲು ಸಮಯಾವಕಾಶ ನೀಡದಿರುವುದೇ ಈ ನೋವಿಗೆ ಕಾರಣವಾಗಿದೆ.

ತಪ್ಪಾದ ಪಾದರಕ್ಷೆ

ನಮ್ಮ ಪಾದಗಳು ನೆಲಕ್ಕೆ ಚಪ್ಪಟೆಯಾಗಿಯೇ ನೆಲಕ್ಕೆ ತಾಕಿ ನಡೆಯುವಂತೆ ರಚಿಸಲಾಗಿದೆ. ಒಂದು ವೇಳೆ ಪಾದರಕ್ಷೆ ತೀರಾ ಬಿಗಿಯಾಗಿದ್ದರೆ ಅಥವಾ ಹಿಮ್ಮಡಿ ತೀರಾ ಹೆಚ್ಚಾಗಿದ್ದರೆ ಇದು ಪಾದಗಳ ಮೇಲಿನ ಸ್ನಾಯುಗಳಿಗೆ ಹೆಚ್ಚಿನ ಒತ್ತಡ ನೀಡುತ್ತದೆ. ಅಲ್ಲದೇ ಈ ಮೂಲಕ ಬದಲಾಗುವ ನಡಿಗೆಯ ಮೂಲಕ ದೇಹದ ಸಮತೋಲನ ಕಾಯ್ದಿರಿಸಲು ಸೊಂಟ ಕೊಂಚವೇ ಹಿಮ್ಮುಖವಾಗಿ ಬಾಗಬೇಕಾಗುತ್ತದೆ. (ಮಹಿಳೆಯರಿಗೆ ಹೀಗೆ ಆಗಬೇಕೆಂದೇ ಹೈ ಹೀಲ್ಡ್ ಮತ್ತು ಚೂಪಾದ ತುದಿಯ ಹಿಮ್ಮಡಿಯ ಚಪ್ಪಲಿಗಳನ್ನು ತೊಡಿಸಿ ಈ ಹಿಂಬದಿ ಬಳುಕುವಂತೆ ಮಾಡಲಾಗುತ್ತದೆ). ಆದರೆ ಈ ವಿಧಾನದಿಂದ ಪಾದಗಳು ಹಾಗೂ ಸೊಂಟಕ್ಕೆ ಅತಿ ಹೆಚ್ಚಿನ ಒತ್ತಡ ಬಿದ್ದು ನೋವು ಈಗಲ್ಲದಿದ್ದರೂ ಮುಂದಿನ ದಿನಗಳಲ್ಲಿ ಕಾಡಲಿದೆ ಹಾಗೂ ಕೊಂಚ ಸಮತೋಲನ ತಪ್ಪಿದರೂ ಉಳುಕುವ, ಗಾಯವಾಗುವ ಸಾಧ್ಯತೆ ಇದೆ.

ಸ್ನಾಯುಗಳಲ್ಲಿ ಅಸಮತೋಲನ

ಒಂದು ವೇಳೆ ಬೆನ್ನುನೋವು ತೀರಾ ಹೆಚ್ಚಾಗಿದ್ದು ಸತತವಾಗಿ ಮರುಕಳಿಸುತ್ತಿದ್ದರೆ ಇದು ಸ್ನಾಯುಗಳಲ್ಲಿ ಅಸಮತೋಲನ (muscular imbalance disorder) ಎಂಬ ತೊಂದರೆಯ ಸ್ಪಷ್ಟ ಸಂಕೇತವಾಗಿದ್ದು ಇದು ಬೆನ್ನುಹುರಿಯ ಸಹಿತ ಇಡಿಯ ನರವ್ಯವಸ್ಥೆಯನ್ನೇ ಕುಸಿಯುವ ಸಾಧ್ಯತೆ ಇದೆ.

ಬೆನ್ನುಮೂಳೆಯ ಭಾಗದಲ್ಲಿ ಬಿರುಕು

ನಮ್ಮ ಬೆನ್ನುಮೂಳೆ 23 ಭಾಗಗಳಿದ್ದು ಪ್ರತಿಭಾಗವೂ ದುಂಡಗಿನ ಬಿಲ್ಲೆಯಂತಿರುತ್ತದೆ. (disc). ಈ ಬಿಲ್ಲೆಗಳು ಒಂದರ ಮೇಲೊಂದು ಕುಳಿತು ಬೆನ್ನು ಬಾಗಲು ನೆರವಾಗುತ್ತವೆ. ಒಂದು ವೇಳೆ ಕೆಳಭಾಗದ ಬಿಲ್ಲೆಗಳಲ್ಲಿ ಬಿರುಕು ಬಂದಿದ್ದರೆ ಅಥವಾ ಕೊಂಚವೇ ಜಾರಿ ಪಕ್ಕಕ್ಕೆ ಸರಿದಿದ್ದರೆ (slip disc) ಪರಿಣಾಮವಾಗಿ ಇದರೊಳಗಿನಿಂದ ಹಾದು ಹೋಗಿರುವ ನರವನ್ನು ಜಜ್ಜುತ್ತದೆ. ಇದು ಅತ್ಯಂತ ಅಪಾಯಕಾರಿಯಾಗಿದ್ದು ತಕ್ಷಣವೇ ಚಿಕಿತ್ಸೆ ಅಥವಾ ಶಸ್ತ್ರಚಿಕಿತ್ಸೆಯ ಅಗತ್ಯವಿದೆ.

ಮೂಳೆಯ ಕ್ಯಾನ್ಸರ್

ಒಂದು ವೇಳೆ ಬೆನ್ನುನೋವು ಸೂಜಿ ಚುಚ್ಚಿದಂತೆ ಒಂದೆಡೆ ಕೇಂದ್ರೀಕೃತವಾಗಿದ್ದು ಸತತವಾಗಿ ಕಾಡುತ್ತಾ ಇದ್ದರೆ ಇದು ಮೂಳೆಯ ಕ್ಯಾನ್ಸರ್ ನ ಕಾರಣವಾಗಿರಬಹುದು. ಈ ಕ್ಯಾನ್ಸರ್ ಬೆನ್ನುಮೂಳೆ ಮತ್ತು ಸ್ನಾಯುಗಳು ಅಂಟಿಕೊಂಡಿರುವ ಭಾಗವನ್ನು ರೋಗಪೀಡಿತವಾಗಿಸಿ ಚುಚ್ಚಿದಂತಹ ನೋವಿಗೆ ಕಾರಣವಾಗುತ್ತದೆ.

ಕ್ರೀಡೆಯ ಸಮಯದಲ್ಲಿ ಆದ ಗಾಯ

ಆಟದ ಸಮಯದಲ್ಲಿ ಕ್ರೀಡಾಪಟುಗಳು ಬೀಳುವುದು ಸಾಮಾನ್ಯ. ಒಂದು ವೇಳೆ ವ್ಯಾಯಾಮ ಅಥವಾ ಕ್ರೀಡೆಯ ಸಮಯದಲ್ಲಿ ಪ್ರಷ್ಠಭಾಗ ನೆಲಕ್ಕೆ ಗುದ್ದುವಂತೆ ಬಿದ್ದರೆ ಆ ಕ್ಷಣದಲ್ಲಿ ಕೊಂಚ ನೋವಾಗಿದ್ದರೂ ಕೊಂಚ ವಿಶ್ರಾಂತಿಯ ಬಳಿಕ ನೋವು ಕಡಿಮೆಯಾಗಿರುವುದರಿಂದ ಎಲ್ಲಾ ಸರಿಹೋಯಿತು ಎಂಬಂತೆ ಕ್ರೀಡಾಪಟುಗಳು ತಮ್ಮ ಕೆಲಸ ಮುಂದುವರೆಸುತ್ತಾರೆ. ಆದರೆ ಈ ಆಘಾತದಿಂದ ಬೆನ್ನುಮೂಳೆ, ಹುರಿ ಅಥವಾ ಸ್ನಾಯುಗಳಲ್ಲಿ ಸೂಕ್ಷ್ಮವಾದ ಬಿರುಕು ಮೂಡಿಸಿದ್ದು ಆ ಕ್ಷಣಕ್ಕೆ ಏನೂ ಆಗದೇ ಇದ್ದರೂ ನಿಧಾನವಾಗಿ ಈ ಭಾಗದಲ್ಲಿ ರಕ್ತಸ್ರಾವ, ಸೋಂಕು ಆಗುವ ಮೂಲಕ ನೋವು ಕಾಣಿಸಿಕೊಳ್ಳುತ್ತದೆ. ಹೆಚ್ಚಿನ ಸಮಯದಲ್ಲಿ ಈ ನೋವು ಅತಿ ತೀಕ್ಷ್ಣವಾಗಿರದೇ ಯಾವುದೋ ಒಂದು ಭಂಗಿಯಲ್ಲಿ ಮಾತ್ರವೇ ನೀಡುತ್ತದೆ.