Just In
- 4 hrs ago ಮೀನ ರಾಶಿಯಲ್ಲಿ ರಾಹು-ಮಂಗಳ ಯುತಿಯಿಂದ ಅಂಗಾರಕ ಯೋಗ: 12 ರಾಶಿಗಳ ಮೇಲಿರಲಿದೆ ಈ ನಕರಾತ್ಮಕ ಪರಿಣಾ
- 5 hrs ago ಈ ಕಾರಣಕ್ಕೆ ನೀವು ಮಾವಿನ ಹಣ್ಣನ್ನು ನೀರಿನಲ್ಲಿ ನೆನೆಹಾಕಿಯೇ ತಿನ್ನಬೇಕು, ಅದು ನಿಮ್ಮ ತೋಟದಲ್ಲಿ ಬೆಳೆದಿದ್ದೇ ಆಗಿರಲಿ
- 5 hrs ago ಪುರುಷರಲ್ಲಿ ಹೆಚ್ಚಾಗುತ್ತಿದೆ ಬಂಜೆತನ: ಪುರುಷರು ಈ ಆಹಾರ ಸೇವಿಸಿದರೆ ಸಂತಾನೋತ್ಪತ್ತಿ ಸಾಮರ್ಥ್ಯ ಹೆಚ್ಚುವುದು
- 6 hrs ago ಏಪ್ರಿಲ್ 24 ದಿನ ಭವಿಷ್ಯ: ಬುಧವಾರದ ಈ ದಿನ ನಿಮ್ಮ ರಾಶಿಫಲ ಹೇಗಿದೆ?
Don't Miss
- Movies 'KGF-2' ಚಿತ್ರದಿಂದ ಸಿಕ್ಕಿದ್ದು 200 ಕೋಟಿ ರೂ.; 'ಟಾಕ್ಸಿಕ್', 'ರಾಮಾಯಣ'ಕ್ಕೆ ಯಶ್ 50-50 ಡೀಲ್!
- Sports CSK vs LSG IPL 2024: ಮಾರ್ಕಸ್ ಸ್ಟೋಯಿನಿಸ್ ಆರ್ಭಟಕ್ಕೆ ಸಿಎಸ್ಕೆ ಥಂಡಾ; ಚೆನ್ನೈಗೆ ನೀರು ಕುಡಿಸಿದ ಲಕ್ನೋ
- News ಮಂಡ್ಯದಲ್ಲಿ ಕಾಂಗ್ರೆಸ್ ಅಭ್ಯರ್ಥಿ ಪರ ಪ್ರಚಾರ: ಕಾರಣ ತಿಳಿಸಿದ ಚಾಲೆಂಜಿಂಗ್ ಸ್ಟಾರ್ ದರ್ಶನ್
- Automobiles ಪ್ರತಿ ಕಿ.ಮೀ ಚಲಿಸಲು 3.3 ರೂ. ವೆಚ್ಚ: 10 ಜನರು ಪ್ರಯಾಣಿಸುವ ಟಾಟಾ ಮ್ಯಾಜಿಕ್ ಬೈ-ಫ್ಯೂಯಲ್ ಲಗ್ಗೆ
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಪ್ಪಿತಪ್ಪಿಯೂ ದಿನಕ್ಕೆ ನಾಲ್ಕು ಕಪ್ಗಿಂತ ಜಾಸ್ತಿ 'ಗ್ರೀನ್ ಟೀ' ಕುಡಿಯಬೇಡಿ!
ಹಸಿರು ಟೀ ಅಥವಾ ಗ್ರೀನ್ ಟೀ ಆರೋಗ್ಯಕರವೇ ಆಗಿದ್ದರೂ ದಿನಕ್ಕೆ ನಾಲ್ಕು ಕಪ್ಗಿಂತ ಹೆಚ್ಚು ಕುಡಿದರೆ ಇದೂ ವಿಷಕರವಾಗುತ್ತದೆ ಎಂದು ತಜ್ಞರು ಎಚ್ಚರಿಸುತ್ತಾರೆ.
ಇತ್ತೀಚೆಗೆ ಭಾರತದಲ್ಲಿಯೂ ಹೆಚ್ಚಿನ ಜನಪ್ರಿಯತೆ ಪಡೆದುಕೊಳ್ಳುತ್ತಿರುವ ಹಸಿರು ಟೀ ಅಥವಾ ಗ್ರೀನ್ ಟೀ ತೂಕ ಇಳಿಸಿಕೊಳ್ಳುವವರಿಗೆ ಹಾಗೂ ದೇಹದಿಂದ ಕಲ್ಮಶಗಳನ್ನು ಹೊರಹಾಕಬಯಸುವವರಿಗೆ ವರದಾನವಾಗಿದೆ. ಯಾವಾಗ ಈ ವಾಕ್ಯಗಳಿಗೆ ಭಾರತೀಯರು ಹೆಚ್ಚಿನ ಪ್ರಾಧಾನ್ಯತೆ ನೀಡತೊಡಗಿದರೋ ಆಗಿನಿಂದ ಮಾರುಕಟ್ಟೆಯಲ್ಲಿ ಹಲವು ವಿಧದ ಹಸಿರು ಟೀಗಳು ಲಗ್ಗೆಯಿಟ್ಟಿವೆ.
ಚೀನಾದಲ್ಲಿ ಸಾವಿರಾರು ವರ್ಷಗಳಿಂದ ಇದರ ಬಳಕೆಯಿದ್ದರೂ ಭಾರತದಲ್ಲಿ ಇದರ ಬಳಕೆಗೆ ಇತ್ತೀಚಿಗಷ್ಟೇ ಹೆಚ್ಚಿನ ಬಲ ಬರಲು ಕಾರಣ ಇದರಲ್ಲಿ ಮಧುಮೇಹದ ವಿರುದ್ಧ ಹೋರಾಡುವ, ಮೆದುಳನ್ನು ಸವೆತದಿಂದ ರಕ್ಷಿಸುವ, ಕೊಬ್ಬನ್ನು ಕರಗಿಸುವ, ಒಟ್ಟಾರೆ ಆರೋಗ್ಯ ಮತ್ತು ಮನೋಭಾವವನ್ನು ಉತ್ತಮಗೊಳಿಸುವ ಗುಣಗಳಿವೆ ಎಂಬ ನಂಬಿಕೆ.
ಬ್ಯೂಟಿ ಟಿಪ್ಸ್: ಮುದ್ದು ಮುಖಕ್ಕೆ 'ಗ್ರೀನ್ ಟೀ' ಫೇಸ್ ಪ್ಯಾಕ್
ಆದರೆ ಅತಿಯಾದರೆ ಅಮೃತವೂ ವಿಷವೆಂದು ಕನ್ನಡದ ಗಾದೆಮಾತಿದೆ. ಹಸಿರು ಟೀ ಸಹಾ ಆರೋಗ್ಯಕರವೇ ಆಗಿದ್ದರೂ ದಿನಕ್ಕೆ ನಾಲ್ಕು ಕಪ್ಗಿಂತ ಹೆಚ್ಚು ಕುಡಿದರೆ ಇದೂ ವಿಷಕರವಾಗುತ್ತದೆ ಎಂದು ತಜ್ಞರು ಎಚ್ಚರಿಸುತ್ತಾರೆ. ಅದರಲ್ಲೂ ಈ ಕೆಳಗೆ ವಿವರಿಸಿದ ಆರೋಗ್ಯದ ತೊಂದರೆಗಳಿರುವ ವ್ಯಕ್ತಿಗಳು ಹಸಿರು ಟೀ ಸೇವಿಸಲೇಬಾರದು. ಏಕೆ ಎಂಬುದನ್ನು ತಿಳಿಯಲು ಮುಂದೆ ಓದಿ....
ಮಧುಮೇಹಿಗಳು
ಮಧುಮೇಹಿಗಳು ಹಸಿರು ಟೀಯನ್ನು ಅಲ್ಪ ಪ್ರಮಾಣದಲ್ಲಿ ಸೇವಿಸಿದರೂ ಇದರ ಪರೋಕ್ಷ ಪರಿಣಾಮ ಮಧುಮೇಹದ ಮೇಲೆ ಅಗಿಯೇ ಆಗುತ್ತದೆ. ವಿಶೇಷವಾಗಿ ದೇಹದಲ್ಲಿರುವ ರಕ್ತ ಮತ್ತು ಸಕ್ಕರೆಯ ಸಮತೋಲನದ ಮೇಲೆ ಪ್ರಭಾವ ಬೀರುವ ಮೂಲಕ ತಲೆ ತಿರುಗುವಿಕೆ, ಎದೆಯುರಿ ಮತ್ತು ವ್ಯಾಕುಲತೆಯನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಮಧುಮೇಹಿಗಳು ಹಸಿರು ಟೀ ಹೆಸರೆತ್ತದೇ ಇರುವುದೇ ಒಳ್ಳೆಯದು.
ಗರ್ಭಿಣಿಯರು
ಒಂದು ವೇಳೆ ನೀವು ಗರ್ಭಿಣಿಯಾಗಿದ್ದರೆ ಅಥವಾ ಗರ್ಭ ಧರಿಸುವ ತಯಾರಿ ನಡೆಸುತ್ತಿದ್ದರೆ ಹಸಿರು ಟೀ ಸೇವನೆಯನ್ನು ಆದಷ್ಟು ಕಡಿಮೆ ಮಾಡಿ. ಇದರಲ್ಲಿರುವ ಕೆಫೀನ್ ನಿಮ್ಮ ದೇಹದ ಜೊತೆಗೇ ಗರ್ಭದಲ್ಲಿರುವ ಮಗುವಿನ ರಕ್ತಕ್ಕೂ ಧಾವಿಸುತ್ತದೆ. ಕೆಫೀನ್ ಒಂದು ಪ್ರಚೋದಕವಾಗಿದ್ದು ಇದರ ಪ್ರಚೋದನೆಯಿಂದ ಪ್ರಭಾವಿತಗೊಳ್ಳುವ ಜೀವರಾಸಾಯನಿಕ ಕ್ರಿಯೆಯನ್ನು ಮಗುವಿನ ಸೂಕ್ಷ್ಮ ದೇಹಕ್ಕೆ ವಯಸ್ಕ ದೇಹದಂತೆ ತಡೆಯಲು ಸಾಧ್ಯವಿಲ್ಲ.
ತ್ವಚೆಯ ಕಾಂತಿ ಹೆಚ್ಚಿಸಲು ಬಳಸಿ ಗ್ರೀನ್ ಟೀ ಫೇಸ್ ಪ್ಯಾಕ್!
ಅಧಿಕ ರಕ್ತದ ಒತ್ತಡವಿರುವ ವ್ಯಕ್ತಿಗಳು
ಹಸಿರು ಟೀ ಸೇವನೆಯ ಬಳಿಕ ರಕ್ತದಲ್ಲಿ ಅಡ್ರಿನಲಿನ್ ಎಂಬ ರಸದೂತ ಬಿಡುಗಡೆಯಾಗಿ ಹೃದಯದ ಬಡಿತದ ವೇಗವನ್ನು ಹೆಚ್ಚಿಸುತ್ತದೆ. ಈಗಾಗಲೇ ಹೃದಯದ ಒತ್ತಡ ಹೆಚ್ಚಿರುವ ವ್ಯಕ್ತಿಗಳಿಗೆ ಈ ಹೆಚ್ಚುವರಿ ಬಡಿತದ ಪರಿಣಾಮ ಅಪಾಯಕಾರಿಯಾಗಬಹುದು.
ಮಕ್ಕಳು
ಹಸಿರು ಟೀ ಮಕ್ಕಳಿಗೆ ಸರ್ವಥಾ ಹೇಳಿಸಿದ್ದಲ್ಲ. ಇದರಲ್ಲಿರುವ ಟ್ಯಾನಿನ್ ಮಕ್ಕಳ ಎಳೆಯ ಜೀರ್ಣಾಂಗಗಳು ಪ್ರೋಟೀನುಗಳು ಮತ್ತು ಕೊಬ್ಬನ್ನು ಹೀರಿಕೊಳ್ಳದಂತೆ ಅಡ್ಡಿಪಡಿಸುತ್ತದೆ. ಆದರೆ ಈ ವಿಷಯವನ್ನು ಇನ್ನೂ ಖಚಿತಪಡಿಸಬೇಕಿದ್ದು ಮುಂದಿನ ದಿನಗಳ ಸಂಶೋಧನೆಗಳು ದೃಢೀಕರಿಸಲಿವೆ. ಅಲ್ಲಿಯವರೆಗೂ ಮಕ್ಕಳಿಗೆ ಹಸಿರು ಟೀ ಕೊಡುವುದು ಬೇಡ. ಅಷ್ಟೇ ಅಲ್ಲ, ಇದರಲ್ಲಿರುವ ಕೆಫೀನ್ ಮಕ್ಕಳ ಬೆಳವಣಿಗೆಗೆ ಪೂರಕವಾದ ಕೆಲವು ರಸದೂತಗಳು ಅಗತ್ಯಕ್ಕೂ ಹೆಚ್ಚು ಸ್ರವಿಸಲು ಕಾರಣವಾಗಿ ಅವರ ಬೆಳವಣಿಗೆಯ ಮೇಲೆ ಪ್ರಭಾವ ಬೀರಬಹುದು. ಆದ್ದರಿಂದ ಇವರ ಬೆಳವಣಿಗೆ ಪೂರ್ಣಮಟ್ಟಕ್ಕೆ ಬರುವವರೆಗೂ ಹಸಿರು ಟೀ ಬೇಡ.
ರಕ್ತಹೀನತೆಯಿಂದ ಬಳಲುತ್ತಿರುವ ವ್ಯಕ್ತಿಗಳು
ಕಬ್ಬಿಣದ ಕೊರತೆಯಿಂದ ಬಳಲುತ್ತಿರುವ ವ್ಯಕ್ತಿಗಳಿಗೆ ಹಸಿರು ಟೀ ಸಲ್ಲದು. ಏಕೆಂದರೆ ಕಬ್ಬಿಣದ ಕೊರತೆಯಿಂದ ರಕ್ತದ ಕೊರತೆಯೂ ಉಂಟಾಗುತ್ತದೆ.2001ರಲ್ಲಿ ನಡೆಸಿದ ಸಂಶೋಧನೆಯೊಂದರ ಪ್ರಕಾರ ಹಸಿರು ಟೀ ಸೇವನೆಯಿಂದ ಆಹಾರದಲ್ಲಿದ್ದ ಕಬ್ಬಿಣವನ್ನು ಹೀರಿಕೊಳ್ಳಲು ಹಸಿರು ಟೀ ಅಡ್ಡಿಪಡಿಸುತ್ತದೆ. ಈ ವ್ಯಕ್ತಿಗಳು ಹೆಚ್ಚು ಹೆಚ್ಚು ಹಸಿರು ಟೀ ಕುಡಿದಷ್ಟೂ ಹೆಚ್ಚು ಹೆಚ್ಚಾಗಿ ರಕ್ತಹೀನತೆಯಿಂದ ಬಳಲುತ್ತಾರೆ.
ನಿದ್ರಾಹೀನತೆಯಿಂದ ಬಳಲುತ್ತಿರುವ ವ್ಯಕ್ತಿಗಳು
ನಿದ್ದೆ ಆವರಿಸಲು ಮೆದುಳಿಗೆ ಕೆಲವು ರಾಸಾಯನಿಕಗಳು ತಲುಪಬೇಕು. ಹಸಿರು ಟೀ ಸೇವನೆಯಿಂದ ಈ ರಾಸಾಯನಿಕಗಳು ಮೆದುಳನ್ನು ತಲುಪದೇ ನಿದ್ದೆ ಆವರಿಸುವುದು ಕಠಿಣವಾಗುತ್ತದೆ. ಆದ್ದರಿಂದ ನಿದ್ರಾಹೀನತೆಗೆ ಚಿಕಿತ್ಸೆ ಪಡೆಯುತ್ತಿರುವ ವ್ಯಕ್ತಿಗಳು ಅಥವಾ ನಿದ್ದೆ ಆವರಿಸಲು ಕಷ್ಟವಾಗುತ್ತಿರುವ ವ್ಯಕ್ತಿಗಳಿಗೆ ಹಸಿರು ಟೀ ಸೇವನೆ ಸಲ್ಲದು.
ಹೃದಯದ ಬಡಿತ ಕ್ರಮಬದ್ಧವಿಲ್ಲದ ವ್ಯಕ್ತಿಗಳು
ಹಸಿರು ಟೀಯಲ್ಲಿ ಸೋಸಲ್ಪಟ್ಟಿರುವ ಕೆಫೀನ್ ಇದೆ. ಇದು ಹೃದಯಬಡಿತದ ವೇಗವನ್ನು ಏರುಪೇರಾಗಿಸಬಹುದು. ಅಲ್ಲದೇ ವಿಶ್ರಾಂತಿಯ ಸಮಯದಲ್ಲಿ ಹೃದಯದ ಸ್ನಾಯುಗಳಿಗೆ ಪ್ರಚೋದನೆ ನೀಡುವ ಮೂಲಕ ಅಗತ್ಯವೇ ಇಲ್ಲದೆ ಹೃದಯದ ಬಡಿತವನ್ನು ಹೆಚ್ಚಿಸುತ್ತದೆ. ಆದ್ದರಿಂದ ಈ ವ್ಯಕ್ತಿಗಳಿಗೂ ಹಸಿರು ಟೀ ಸಲ್ಲದು.