ನೆನಪಿಡಿ 'ತಿನ್ನುವ ಕಾಯಿಲೆ' ಅತಿಯಾದರೆ ಚಿಕಿತ್ಸೆ ಅತ್ಯಗತ್ಯ

By: Vani Naik
Subscribe to Boldsky

ಇಂದು ಹಲವರು, ಆಹಾರ ಸೇವನೆಯ ಪದ್ಧತಿಯಲ್ಲಿ ಹಲವಾರು ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಅತಿಯಾಗಿ ಆಹಾರ ಸೇವನೆ, ಭಾವನಾತ್ಮಕ ಕಾರಣಗಳಿಂದ ಆಹಾರ ಸೇವನೆ, ರಾತ್ರಿ ಹೊತ್ತಿನಲ್ಲಿ ಆಹಾರ ಸೇವನೆ, ಆಹಾರ ಸೇವನೆಯನ್ನೇ ಒಂದು ಚಟವನ್ನಾಗಿಸಿಕೊಳ್ಳುವಿಕೆ.. ಇದಕ್ಕೆ ಈಟಿಂಗ್ ಡಿಸಾರ್ಡರ್ (ತಿನ್ನುವ ಕಾಯಿಲೆ) ಎಂದು ಕರೆಯುತ್ತಾರೆ.  ಇನ್ನೂ ಹಲವಾರು ಸಮಸ್ಯೆಗಳ ಪಟ್ಟಿ ಮುಂದುವರೆಯುತ್ತದೆ. ಅವ್ಯವಸ್ಥಿತ ಆಹಾರ ಸೇವನೆಯ ಪದ್ಧತಿ ಪುರುಷರಲ್ಲಿ ಮತ್ತು ಮಹಿಳೆಯರಲ್ಲಿ ಕಂಡು ಬರುತ್ತದೆ. ತಿನ್ನುವ ಕಾಯಿಲೆ ಚಿಕಿತ್ಸೆಗೆ ವಿಧಾನಗಳು

ಇಂದು ನಾವು ಪುರುಷರಲ್ಲಿ ಅವ್ಯವಸ್ಥಿತ ಆಹಾರ ಸೇವನೆ ಬಗ್ಗೆ ತಿಳಿದುಕೊಳ್ಳೋಣ. ಪುರುಷರಲ್ಲಿ ಇಂತಹ ಸಮಸ್ಯೆಗೆ ಸಾಕಷ್ಟು ಅಂಶಗಳು ಕಾರಣವಾಗುತ್ತದೆ. ಆತ್ಮವಿಶ್ವಾಸದ ಕೊರತೆ ಇರಬಹುದು, ಒಂದು ಸಂಸ್ಥೆ ಅಥವಾ ಒಂದು ತಂಡಕ್ಕೆ ತಮ್ಮನ್ನು ತಾವು ಸರಿದೂಗಿಸಿಕೊಳ್ಳಬೇಕೆಂಬ ಬಯಕೆ ಇರಬಹುದು, ಒತ್ತಡ, ಗಾಯಗಳು ಹಾಗು ಆದರ್ಶವಾಗಿರಬೇಕೆಂಬ ಹಂಬಲ.. ಹೀಗೆ ಹಲವಾರು ಕಾರಣಗಳು ಸಮಸ್ಯೆಗೆ ಕಾರಣವಾಗಬಹುದು.  

Disorders In Men
 

ಆಹಾರ ಸೇವನೆಯಿಂದ ಬಳಲುತ್ತಿರುವವರು ಕೆಲವು ಬಾರಿ ತಮ್ಮ ಜೊತೆಗಿರುವವರನ್ನು ನಿಯಂತ್ರಿಸಬೇಕೆಂಬ ಹಂಬಲ ಹೊಂದಿರುತ್ತಾರೆ ಮತ್ತು ನಿಯಂತ್ರಿಸಲು ಯತ್ನಿಸುತ್ತಾರೆ. ಆದರೆ, ಜೊತೆಗಿರುವವರು ಅವರು ಹೇಳಿದಂತೆ ನಡೆದುಕೊಳ್ಳಲಿಲ್ಲವೆಂದರೆ ಅಥವಾ ಅವರನ್ನು ಒಪ್ಪಿಕೊಳ್ಳಲಿಲ್ಲವೆಂದರೆ ವಿಚಲಿತರಾಗುತ್ತಾರೆ, ಅವರ ಆಹಾರ ಸೇವನೆ ಏರುಪೇರಾಗುತ್ತದೆ.

ಮಹಿಳೆಯರಲ್ಲಿ ಇದು ಸರ್ವೇಸಾಮಾನ್ಯ. ಇತ್ತೀಚಿನ ದಿನಗಳಲ್ಲಿ ಪುರುಷರು ಕೂಡ ಈ ನ್ಯೂನತೆಯಿಂದ ಬಳಲು ಆರಂಭಿಸಿದ್ದಾರೆ. ಆದರೆ, ಪುರುಷರು ತಮ್ಮ ಸಮಸ್ಯೆಯನ್ನು ಮುಕ್ತವಾಗಿ ಹಂಚಿಕೊಳ್ಳುವುದಿಲ್ಲವಾದ್ದರಿಂದ, ಮಹಿಳೆಯರಿಗೆ ಹೋಲಿಸಿದರೆ ಪುರುಷರ ಸಮಸ್ಯೆ ಕುರಿತು ಹೆಚ್ಚಿನ ಮಾಹಿತಿ ಲಭ್ಯವಾಗುವುದಿಲ್ಲ. ಮೊದಲು ಇದನ್ನು ಮಹಿಳೆಯರ ಸಮಸ್ಯೆ ಎಂದೇ ಪರಿಗಣಿಸಲಾಗಿತ್ತು.

ಏಕೆಂದರೆ, ಪುರುಷರು ಸಮಾಜದಲ್ಲಿ ಅವಮಾನ ಎದುರಿಸಬೇಕಾಗುತ್ತದೆ ಎಂಬ ಕಾರಣದಿಂದ ಮುಕ್ತವಾಗಿ ಹೇಳಿಕೊಳ್ಳುತ್ತಿರಲಿಲ್ಲ ಮತ್ತು ಚಿಕಿತ್ಸೆಯನ್ನೂ ಪಡೆಯುತ್ತಿರಲಿಲ್ಲ. ಈಗ ಕಾಲ ಬದಲಾಗಿದೆ. ಪುರುಷರು ಕೂಡ ಆಹಾರ ಸೇವನೆ ಸಮಸ್ಯೆ ಬಗ್ಗೆ ಹೇಳಿಕೊಳ್ಳಲು ಮುಂದೆ ಬರುತ್ತಿದ್ದಾರೆ.

Disorders In Men
 

ಪುರುಷರಲ್ಲಿ ಸಾಮಾನ್ಯವಾಗಿ ಕಾಣಿಸುವ ಸಮಸ್ಯೆಗಳೆಂದರೆ, ಅನೋಕ್ಸೇರಿಯಾ ನರ್ವೋಸಾ, ಬುಲಿಮಿಯಾ ನರ್ವೋಸಾ ಮತ್ತು ಬಿಂಜ್. ಆಹಾರ ಸೇವನೆಯ ಸಮಸ್ಯೆಯನ್ನು ತಡೆಗಟ್ಟಲು ಮಾಡಬೇಕಾದ ಮೊಟ್ಟಮೊದಲ ಕ್ರಮವೆಂದರೆ ಪ್ರಾರಂಭದ ಹಂತದಲ್ಲಿಯೇ ಈ ಸಮಸ್ಯೆಯ ಇರುವಿಕೆಯನ್ನು ಕಂಡುಹಿಡಿಯುವುದು. ಇದನ್ನು ಕಂಡುಹಿಡಿಯಲು ಕುಟುಂಬದ ಸದಸ್ಯರು ಸಹಕರಿಸಬಹುದು. ಇದಕ್ಕೆ ಚಿಕಿತ್ಸೆ ಕೊಡಿಸಬಹುದು ಅರಿತುಕೊಳ್ಳುವುದು ಮುಂದಿನ ಹಂತ.

ಕೆಲ ಪುರುಷರು ಸಮಾಜದಲ್ಲಿ ಎದುರಿಸಬೇಕಾದ ಮುಜುಗರದಿಂದ ಚಿಕಿತ್ಸೆ ಪಡೆಯಲು ಹಿಂದೇಟು ಹಾಕುವುದರಿಂದ ಅವರ ಕುಟುಂಬದವರು, ಸ್ನೇಹಿತರು, ಇತರ ಬಂಧುಗಳು ಅವರು ಚಿಕಿತ್ಸೆ ಪಡೆಯಲು ಮನವೊಲಿಸಬೇಕು ಮತ್ತು ಆರೋಗ್ಯ ಮರಳಿ ಪಡೆಯಲು ಒತ್ತಾಸೆಯಾಗಿರಬೇಕು.

ಹೋಲಿಕೆ ಮಾಡಿ ನೋಡಿ ಹಾಗೂ ಅತ್ಯುತ್ತಮ ಆರೋಗ್ಯ ವಿಮಾ ಪಾಲಿಸಿಗಳನ್ನು ಖರೀದಿಸಿ

Story first published: Tuesday, September 27, 2016, 15:00 [IST]
English summary

What Are The Eating Disorders In Men?

Today people have been found to suffer from problems like compulsive overeating, emotional eating, night time eating, addictive eating, binge eating, food addiction, orthorexia nervosa and the list goes on. Eating disorders affect both men and women alike but today we shall discuss eating disorders in men.
Please Wait while comments are loading...
Subscribe Newsletter