ಮಲಬದ್ಧತೆ ನಿವಾರಣೆಗೆ ಇಲ್ಲಿದೆ ನೋಡಿ ನೈಸರ್ಗಿಕ ಜ್ಯೂಸ್

By: Arshad
Subscribe to Boldsky

ಇತ್ತೀಚಿನ ದಿನಗಳಲ್ಲಿ ವಾರದ ಕೆಲವು ಹೊತ್ತಾದರೂ ಹೊರಗಿನ ಊಟ ಮಾಡಬೇಕಾಗಿ ಬರುತ್ತದೆ. ಮನೆಯಲ್ಲಿಯೂ ಕೆಲವಾರು ಆಹಾರಗಳು ಮೈದಾ ಆಧಾರಿತವಾಗಿದ್ದು ಇದರಿಂದ ಮಲಬದ್ಧತೆ ಕರೆಯದೇ ಬಂದುಬಿಡುತ್ತದೆ. ಇದರೊಂದಿಗೆ ಹೊಟ್ಟೆಯುಬ್ಬರ, ಹುಳಿತೇಗು, ವಾಕರಿಕೆ, ಚಡಪಡಿಕೆ ಇತ್ಯಾದಿಗಳು ಬೋನಸ್ ರೂಪದಲ್ಲಿ ಪುಕ್ಕಟೆಯಾಗಿ ದೊರಕುತ್ತವೆ.

constipation
 

ಮೈದಾ ಹಾಗೂ ನಾರು ರಹಿತ ಇತರ ಯಾವುದೇ ಆಹಾರ ಸೇವಿಸಿದವರಿಗೆ ಈ ತೊಂದರೆ ಸಾಮಾನ್ಯವಾಗಿದೆ. ಒಂದು ವೇಳೆ ಈ ತೊಂದರೆ ನಿಮ್ಮನ್ನೂ ಆಗಾಗ ಕಾಡುತ್ತಿದ್ದರೆ ಇದಕ್ಕೆ ಪರಿಹಾರವಾಗಿ ಸುಲಭವಾದ ಪೇಯವೊಂದಿದೆ. ಇದನ್ನು ಕುಡಿದ ಕೊಂಚವೇ ಸಮಯದ ಬಳಿಕ ಮಲಬದ್ಧತೆ ಇಲ್ಲವಾಗುತ್ತದೆ.

ಈ ತೊಂದರೆಗೆ ನಾರು ರಹಿತ ಆಹಾರದ ಹೊರತಾಗಿ ಅತಿಹೆಚ್ಚಾಗಿ ತಿನ್ನುವುದು, ಆಹಾರದಲ್ಲಿ ಅನಾರೋಗ್ಯಕರ ಸಾಮಾಗ್ರಿಗಳ ಮಿಶ್ರಣ, ಕಡಿಮೆ ನೀರು ಕುಡಿಯುವುದು, ಮಾನಸಿಕ ಒತ್ತಡ, ದಿನದಲ್ಲಿ ಯಾವುದೋ ಹೊತ್ತಿನಲ್ಲಿ ಆಹಾರ ಸೇವಿಸುವುದು ಇತ್ಯಾದಿಗಳು ಕಾರಣವಾಗಿವೆ. ಸಾಮಾನ್ಯವಾಗಿ ಹೊಟ್ಟೆಯುಬ್ಬರಿಕೆ ಮತ್ತು ಮಲಬದ್ಧತೆ ಉಂಟಾದ ತಕ್ಷಣ ಇದನ್ನು ಕಡಿಮೆಗೊಳಿಸಲು ಸಿದ್ಧರೂಪದ ಔಷಧಿಗಳನ್ನು ಸೇವಿಸುತ್ತಾರೆ. ಆ ಕ್ಷಣಕ್ಕೆ ಕೊಂಚ ಪರಿಹಾರ ದೊರಕಿದರೂ ಇದರ ಪರೋಕ್ಷ ಪರಿಣಾಮಗಳು ಬಳಿಕ ತೊಂದರೆ ನೀಡಬಹುದು.  ಮಲಬದ್ಧತೆ ಉಂಟುಮಾಡುವ 7 ಆಹಾರಗಳು  

constipation
 

ಇದರ ಬದಲಿಗೆ ನೈಸರ್ಗಿಕ ಸಾಮಾಗ್ರಿಗಳನ್ನು ಬಳಸುವ ಮೂಲಕ ಯಾವುದೇ ಅಡ್ಡಪರಿಣಾಮವಿಲ್ಲದೇ ಮಲಬದ್ಧತೆಗೆ ಪರಿಹಾರ ಪಡೆಯಬಹುದು. ಮಲಬದ್ಧತೆ ಗಂಭೀರ ರೂಪದ ಕಾಯಿಲೆಯಂತೂ ಅಲ್ಲ. ಆದರೆ ಇದರ ಅಡ್ಡಪರಿಣಾಮಗಳಾಗಿ ಮೂಲವ್ಯಾಧಿ, ಕರುಳಿನ ಹುಣ್ಣು, ಕರುಳಿನ ಮತ್ತು ಹೊಟ್ಟೆಯ ಕ್ಯಾನ್ಸರ್ ಇತ್ಯಾದಿಗಳಿಗೆ ಕಾರಣವಾಗಬಹುದು. ಬನ್ನಿ, ಈ ತೊಂದರೆಯನ್ನು ನಿವಾರಿಸಲು ಈ ಸುಲಭ ಪೇಯವನ್ನು ಹೇಗೆ ಮಾಡಬಹುದೆಂಬುದನ್ನು ನೋಡೋಣ:

Apple vinegar
 

ಅಗತ್ಯವಿರುವ ಸಾಮಾಗ್ರಿಗಳು:
*ಸೇಬಿನ ಶಿರ್ಕಾ (apple cider vinegar) ಎರಡು ದೊಡ್ಡ ಚಮಚ
*ಜೇನು: ಎರಡು ದೊಡ್ಡ ಚಮಚ
*ಉಗುರು ಬೆಚ್ಚನೆಯ ನೀರು : ಒಂದು ಲೋಟ

ಸೇಬಿನ ಶಿರ್ಕಾದಲ್ಲಿ Acetobacter ಎಂಬ ಬ್ಯಾಕ್ಟೀರಿಯಾವಿದೆ. ಇದೊಂದು ಆರೋಗ್ಯಸ್ನೇಹಿ ಬ್ಯಾಕ್ಟೀರಿಯಾವಾಗಿದ್ದು ಹೊಟ್ಟೆಯಲ್ಲಿ ಆಹಾರವನ್ನು ಇನ್ನಷ್ಟು ಚಿಕ್ಕಗಾಗಿ ಒಡೆಯಲು ನೆರವಾಗುತ್ತದೆ. ಇದರಿಂದ ಮಲಬದ್ಧತೆಯಿಂದ ಪರಿಹಾರ ದೊರಕುತ್ತದೆ. ಆದರೆ ಈ ಶಿರ್ಕಾವನ್ನು ಹಸಿಯಾಗಿಯೇ ಅಂದರೆ ಬಿಸಿ ಮಾಡದೇ ಮತ್ತು ಶೋಧಿಸದೇ ಸೇವಿಸಬೇಕು.

ಜೇನು
ಇದರಲ್ಲಿರುವ ಯೂಗ್ಯನಾಲ್ ಎಂಬ ಪೋಷಕಾಂಶ ಹೊಟ್ಟೆಯಲ್ಲಿರುವ ಆರೋಗ್ಯಸ್ನೇಹಿ ಬ್ಯಾಕ್ಟೀರಿಯಾದ ಕ್ಷಮತೆ ಹೆಚ್ಚಿಸಲು ನೆರವಾಗುತ್ತದೆ. ಇದರಿಂದ ಹೊಟ್ಟೆಯಲ್ಲಿರುವ ಆಹಾರ ಪೂರ್ಣವಾಗಿ ಜೀರ್ಣಗೊಳ್ಳಲು ತನ್ಮೂಲಕ ಮಲಬದ್ದತೆಯಾಗದಿರಲು ನೆರವಾಗುತ್ತದೆ.  ಮಲಬದ್ಧತೆ ಸಮಸ್ಯೆ ಬೆನ್ನು ಬಿಡದೆ ಕಾಡುತ್ತಿದೆಯೇ? ಕಾರಣ ತಿಳಿದುಕೊಳ್ಳಿ   

Honey
 

ಪೇಯ ತಯಾರಿಸುವ ವಿಧಾನ:
೧) ಒಂದು ಲೋಟ ನೀರನ್ನು ಉಗುರುಬೆಚ್ಚಗಾಗುವಷ್ಟು ಬಿಸಿಮಾಡಿ
೨) ಇದಕ್ಕೆ ಶಿರ್ಕಾ ಮತ್ತು ಜೇನು ಬೆರೆಸಿ ಕಲಕಿ.
೩) ಈ ದ್ರವವನ್ನು ಚೆನ್ನಾಗಿ ಕಲಕಿ ಪ್ರತಿದಿನ ಬೆಳಿಗ್ಗೆ ಕುಡಿಯಿರಿ. ಅಲ್ಲದೇ ಕೊಂಚ ಕೊಂಚವಾಗಿ ಇಡಿಯ ದಿನ ಕುಡಿಯುತ್ತಿರಿ. ಒಂದು ವೇಳೆ ಊಟದ ಬಳಿಕ ಹೊಟ್ಟೆಯುಬ್ಬರಿಕೆ ಕಂಡುಬಂದರೆ ತಕ್ಷಣ ಈ ಪೇಯವನ್ನು ಒಂದು ಲೋಟದಷ್ಟು ಕುಡಿಯಿರಿ. ಮಲಬದ್ಧತೆ ಇದ್ದಾಗಲೂ ಈ ಪೇಯವನ್ನು ಕುಡಿಯಬಹುದು ಹಾಗೂ ತಕ್ಷಣ ಒತ್ತಡದಿಂದ ಪಾರಾಗಬಹುದು.

ಹೋಲಿಕೆ ಮಾಡಿ ನೋಡಿ ಹಾಗೂ ಅತ್ಯುತ್ತಮ ಆರೋಗ್ಯ ವಿಮಾ ಪಾಲಿಸಿಗಳನ್ನು ಖರೀದಿಸಿ

Story first published: Wednesday, November 2, 2016, 10:21 [IST]
English summary

this one natural drink helps relieve constipation instantly

Constipation, along with a feeling of bloating, nausea and uneasiness, really makes you uncomfortable. All that you want is to get rid of it immediately. If you have been suffering from this condition every now and then, then there is one drink prepared from natural ingredients that helps to relieve constipation instantly.
Please Wait while comments are loading...
Subscribe Newsletter