For Quick Alerts
ALLOW NOTIFICATIONS  
For Daily Alerts

ಮದ್ಯಪಾನದಿಂದ ಸ್ತನ ಕ್ಯಾನ್ಸರ್ ಬರುವುದು ನಿಶ್ಚಿತ...

|

ಒಮ್ಮೆ ಯೋಚಿಸಿ. ನಿಮ್ಮ ಬಂಗಾರವಾದ ಬದುಕಿನಲ್ಲಿ ಬಿರುಗಾಳಿ ಎದ್ದರೆ ಅದರಿಂದ ನಿಮ್ಮ ಬದುಕಿನಲ್ಲಿ ಸಂಭವಿಸಬಹುದಾದ ಅತ್ಯಂತ ಘೋರವಾದ ಆಘಾತ. ಇದರಿಂದ ನೀವು ಅನುಭವಿಸಬೇಕಾದ ಯಾತನೆ. ನಿಮ್ಮನ್ನೇ ನಂಬಿರುವ ಕುಟುಂಬ ಸದಸ್ಯರ ರೋಧನೆ ನಿಜಕ್ಕೂ ಹೇಳತೀರದು. ಹೌದು, ನಾವು ಇಂದು ನಿಮಗಾಗಿ ಸ್ತನ ಕ್ಯಾನ್ಸರ್ ಸಂಭವಿಸುವಿಕೆಯ ಕೆಲವು ಕಾರಣದ ಸಂಗತಿಯನ್ನು ನಿಮ್ಮೊಂದಿಗೆ ಹಂಚಿಕೊಳ್ಳುತ್ತಿದ್ದೇವೆ. ಮದ್ಯಪಾನದಿಂದ ಸಿಗುವ ಕ್ಷಣಿಕ ಸುಖಕ್ಕೆ ನಿಮ್ಮ ಇಡೀ ಬದುಕನ್ನು ದು:ಖಕ್ಕೆ ತಳ್ಳಿದಂತಾಗುತ್ತದೆ ಎಂದು ಸಾಮಾನ್ಯ ಅರಿವು ಹೆಚ್ಚಿನವರಿಗೆ ಇರುವುದಿಲ್ಲ. ಕೆಲವರಿಗೆ ಈ ಸಂಬಂಧ ತಿಳಿದಿದ್ದರೂ

ಸಹ ಮದ್ಯದ ಚಟದಿಂದ ದೂರವಾಗದೇ ಅನೇಕ ದೈಹಿಕ ಮತ್ತು ಮಾನಸಿಕ ತೊಂದರೆಗಳನ್ನು ಅನುಭವಿಸುತ್ತಿರುವುದು ಇತ್ತೀಚಿನ ದಿನಗಳಲ್ಲಿ ಸಾಮಾನ್ಯವಾಗಿ ಕಂಡು ಬರುತ್ತಿದೆ. ಮನುಷ್ಯ ಜೀವನ ದೇವರು ಕೊಟ್ಟಿರುವ ವರ. ಈ ಸುಂದರ ಜೀವನವನ್ನು ಮಧ್ಯದ ಕೈಯಿಗೆ ನೀಡದೆ ಜಾಗೃತಿಗೊಂಡು ನಿಮ್ಮ ಬದುಕನ್ನು ಹಸನಾಗಿರಿಸಿ ಆನಂದದಿಂದ ಸಹಬಾಳ್ವೆ ಮಾಡಿ. ಪುರುಷರೇ ವಯಸ್ಸು ಮೂವತ್ತಾಯಿತೇ?, ಮದ್ಯಪಾನ ಬಿಟ್ಟು ಬಿಡಿ!

Does Alcohol Cause Breast Cancer?

ಹೌದು, ಇತ್ತೀಚಿನ ಅಧ್ಯಯನವೊಂದು ಮದ್ಯಪಾನ ಹಾಗೂ ಸ್ತನ ಕ್ಯಾನ್ಸರ್ ಬಗ್ಗೆ ಬೆಳಕು ಚೆಲ್ಲಿದೆ. ವಾಸ್ತವವಾಗಿ ಈ ನಿಟ್ಟಿನಲ್ಲಿ ಮಹಿಳೆಯರು ಹೆಚ್ಚು ಜಾಗೃತಿಗೊಳ್ಳಬೇಕು. ಕ್ರಮವಾದ ಮದ್ಯದ ಸೇವನೆಯಿಂದ ಮಾರಣಾಂತಿಕ ಕಾಯಿಲೆಯಾದ ಸ್ತನ ಕ್ಯಾನ್ಸರ್ ಗೆ ತುತ್ತಾಗಬೇಕಾಗುತ್ತದೆ ಹಾಗೂ ಬೊಜ್ಜು ಸಹ ಹೆಚ್ಚಾಗಿ ಅಪಾಯಕ್ಕೆ ಎಡೆಮಾಡಿಕೊಡುತ್ತದೆ ಎಂದು ಹೆಚ್ಚಿನ ಮಹಿಳೆಯರಿಗೆ ಅರಿವಿರುವುದಿಲ್ಲ.

ಈ ಅಧ್ಯಯನವು ಮದ್ಯಪಾನದಿಂದ ದೂರವಿದ್ದರೆ ಸ್ತನ ಕ್ಯಾನ್ಸರ್ ಬರದಂತೆ ತಡೆಯುತ್ತದೆ ಹಾಗೂ ದೇಹದ ತೂಕವು ಸಹ ಸುಸ್ಥಿತಿಯಲ್ಲಿದ್ದು ಸ್ತನ ಕ್ಯಾನ್ಸರ್ ಬರಲು ಅವಕಾಶ ನೀಡದಂತೆ ತಡೆಯುತ್ತದೆ ಎಂದು ತಿಳಿಸಿದೆ. ಅಧ್ಯಯನದ ಒಂದು ಭಾಗವಾಗಿ, ವಿಜ್ಞಾನಿಗಳು ಈ ನಿಟ್ಟಿನಲ್ಲಿ 200 ಮಹಿಳೆಯರನ್ನು ಪ್ರಶ್ನಿಸಿದ್ದಾರೆ. ಅದರಲ್ಲಿ ಶೇಖಡಾ 50ರಷ್ಟು ಮಹಿಳೆಯರು ಸ್ತನ ಕ್ಯಾನ್ಸರ್ ನಿಂದ ಬಳಲುತ್ತಿರುವುದಾಗಿ ಕಂಡುಬಂದಿದೆ. ಸುಮಾರು ಶೇಖಡಾ 50ರಷ್ಟು ಭಾಗವಹಿಸಿದರಿಗೆ ಮದ್ಯಪಾನ ನಿಲ್ಲಿಸಿದರೆ ಸ್ತನ ಕ್ಯಾನ್ಸರ್ ನ ಸಂಭವ ಬರುವುದಿಲ್ಲವೆಂಬ ಅರಿವಿನ ಕೊರತೆಯಿದೆ.

ಇನ್ನೊಂದು ಪೂರಕವಾದ ಅಂಶವೆಂದರೆ ಮೂರನೆಯ ಒಂದು ಭಾಗದಷ್ಟು ಭಾಗವಹಿಸಿದ ಮಹಿಳೆಯರಿಗೆ ಬೊಜ್ಜು ಹೆಚ್ಚಾಗಿ ಸ್ತನ ಕ್ಯಾನ್ಸರ್ ಸಂಭವಿಸುತ್ತದೆ ಎಂದು ತಿಳಿದೇ ಇಲ್ಲ. ಮತ್ತೊಂದು ಅಚ್ಚರಿಯ ಸಂಗತಿಯೇನೆಂದರೆ, ಈ ಅಧ್ಯಯನದಲ್ಲಿ ಪಾಲ್ಗೊಂಡಿರುವ ಅನೇಕ ಮಹಿಳೆಯರಿಗೆ ಒಂದು ಗ್ಲಾಸಿನ ವೈನ್ ಅಥವಾ ಬಿಯರ್ ನಲ್ಲಿ ಇರಬಹುದಾದ ಮದ್ಯದ ಪ್ರಮಾಣದ ಬಗ್ಗೆ ಕಿಂಚಿತ್ತೂ ಅರಿವಿಲ್ಲ. ಆದರೆ ಅವರೆಲ್ಲರೂ ಆಗಾಗ್ಗೆ ಮದ್ಯ ಸೇವಿಸುವುದಾಗಿ ಒಪ್ಪಿಕೊಂಡಿರುತ್ತಾರೆ.

ವಿಷಾಧನೀಯ ಸಂಗತಿಯೇನೆಂದರೆ ಮದ್ಯದ ಸೇವನೆಯನ್ನೇ ತಮ್ಮ ಜೀವನದ ಭಾಗವಾಗಿಸಿಕೊಂಡಿರುವ ಮಹಿಳೆಯರ ಸಂಖ್ಯೆ ಕಳೆದೆ ಕೆಲವು ವರ್ಷಗಳಿಂದ ಕ್ರಮೇಣವಾಗಿ ಹೆಚ್ಚುತ್ತಿರುವುದು. ಸಂಶೋಧಕರು ಈ ನಿಟ್ಟಿನಲ್ಲಿ ಮದ್ಯದಿಂದ ಸ್ತನ ಕ್ಯಾನ್ಸರ್ ಸಂಭವ ಹೆಚ್ಚಿರುತ್ತದೆ ಎಂದು ಮಹಿಳೆಯರಲ್ಲಿ ಜಾಗೃತಿ ಮೂಡಿಸುವ ಕಾರ್ಯದಲ್ಲಿ ತೊಡಗಿದ್ದಾರೆ. ಇದು ಮಹಿಳೆಯರನ್ನು ಮಾತ್ರ ಕಾಡದೆ ಪುರುಷರನ್ನೂ ಸಹ ಖಂಡಿತವಾಗಿ ತೊಂದರೆಯನ್ನುಂಟು ಮಾಡುತ್ತದೆ. ಮದ್ಯದ ದಾಸರಾದರೆ ಆರೋಗ್ಯಕ್ಕೆ ನಿಶ್ಚಿತವಾಗಿ ಕುತ್ತು ಬರುತ್ತದೆ. ಸರ್ವ ಕೆಡುಕುಗಳ ಮೂಲ ಮದ್ಯಪಾನದಿಂದ ಮುಕ್ತಿ ಹೇಗೆ?

ಆದರೆ ಸಂಶೋಧಕರು ಮದ್ಯಕ್ಕೂ ಸ್ಥನ ಕ್ಯಾನ್ಸರ್‌ಗೂ ಇರುವ ಸಂಬಂಧವನ್ನು ಹುಡುಕಲು ಅನೇಕ ರೀತಿಯ ಅಧ್ಯಯನಗಳನ್ನು ಕೈಗೊಂಡಿದ್ದಾರೆ. ಸ್ತನ ಕ್ಯಾನ್ಸರ್ ಹೊಂದಿದ ಮಹಿಳೆಯರನ್ನು ಈ ಅಧ್ಯಯನಕ್ಕೆ ಬಳಸಲಾಗಿದೆ. ಅಚ್ಚರಿಯೆಂಬಂತೆ ಇದರ ಸೇವನೆಯಿಂದ ಉಂಟಾಗುವ ಅಡ್ಡಪರಿಣಾಮದಿಂದ ಸ್ತನ ಕ್ಯಾನ್ಸರ್ ಸಂಭವ ಹೆಚ್ಚಿರುತ್ತದೆ ಎಂದು ಅಭಿಪ್ರಾಯಕ್ಕೆ ಬಂದಿದ್ದಾರೆ.

English summary

Does Alcohol Cause Breast Cancer?

A recent study claims that alcohol and breast cancer are related. In fact, women need to be aware that consuming alcohol can significantly increase the risk of suffering breast cancer. And then, obesity also increases the risk.
X
Desktop Bottom Promotion