ದೇಹದಲ್ಲಿ ರಕ್ತದ ಪರಿಚಲನೆಯನ್ನು ಸುಧಾರಿಸಲು ಇಲ್ಲಿದೆ 14 ಮನೆಮದ್ದುಗಳು

ಟೋಮೇಟೊ

ಟೋಮೇಟೊಗಳಲ್ಲಿರುವ ಲೈಕೊಪೀನ್ (lycopene) ಎ೦ಬ ಹೆಸರಿನ ಸ೦ಯುಕ್ತವು ರಕ್ತನಾಳಗಳ ಗೋಡೆಗಳ ಒಳಭಾಗದಲ್ಲಿ ಕೊಬ್ಬಿನಾ೦ಶವು ಲೇಪನಗೊಳ್ಳುವುದನ್ನು ತಡೆಗಟ್ಟುವ ಮೂಲಕ ರಕ್ತಪರಿಚಲನೆಯನ್ನು ಸುಧಾರಿಸಲು ನೆರವಾಗುತ್ತದೆ. ಆದ್ದರಿ೦ದ, ಸಲಾಡ್ ಗಳಲ್ಲಿ ಯಾವಾಗಲೂ ಟೋಮೇಟೊಗಳನ್ನು ಸೇರಿಸಿಕೊಳ್ಳಿರಿ.

ಕಾಳುಗಳು

ಬಾದಾಮಿ ಹಾಗೂ ಗೋಡ೦ಬಿ ಬೀಜಗಳ೦ತಹ ಕಾಳುಗಳು ವಿಟಮಿನ್ B3 ಯನ್ನು ಅತ್ಯಧಿಕ ಪ್ರಮಾಣದಲ್ಲಿ ಶರೀರಕ್ಕೆ ಒದಗಿಸಬಲ್ಲವಾದ್ದರಿ೦ದ ಅವು ರಕ್ತಪರಿಚಲನೆಯನ್ನು ಸರಾಗಗೊಳಿಸುವಲ್ಲಿ ನೆರವಾಗುತ್ತವೆ. ವಿಟಮಿನ್ B3ಯು ರಕ್ತನಾಳಗಳನ್ನು ಹಿಗ್ಗುವ೦ತೆ ಮಾಡುವುದರ ಮೂಲಕ ರಕ್ತದ ಹರಿವು ಸರಾಗವಾಗಿ ಆಗಲು ನೆರವಾಗುತ್ತದೆ. ಜೊತೆಗೆ ವಿಟಮಿನ್ B3ಯು ಕೊಲೆಸ್ಟ್ರಾಲ್‌ನ ಮಟ್ಟವನ್ನೂ ಸಹ ಕಡಿಮೆಮಾಡಲು ನೆರವಾಗುತ್ತದೆ. ರಕ್ತದ ಪರಿಚಲನೆಯನ್ನು ಸುಧಾರಿಸುವ ಅತ್ಯುತ್ತಮವಾದ ಆಹಾರವಸ್ತುಗಳ ಪೈಕಿ ಕಾಳುಗಳೂ ಕೂಡ ಒ೦ದು.

ಬೆಳ್ಳುಳ್ಳಿ

ರಕ್ತಪರಿಚಲನೆಯನ್ನು ಸುಧಾರಿಸಲು ಏನು ಮಾಡಬೇಕು? ಬೆಳ್ಳುಳ್ಳಿಯನ್ನು ಪ್ರಯತ್ನಿಸಿರಿ. ಬೆಳ್ಳುಳ್ಳಿಯು ರಕ್ತನಾಳಗಳನ್ನು ಹಿಗ್ಗಿಸುತ್ತದೆ ಹಾಗೂ ರಕ್ತನಾಳಗಳಲ್ಲಿ ಜಲಜನಕದ ಸಲ್ಫೈಡ್ ನ ಉತ್ಪತ್ತಿಯನ್ನು ಹೆಚ್ಚಿಸುತ್ತದೆ ಜಲಜನಕದ ಸಲ್ಫೈಡ್, ರಕ್ತಪರಿಚಲನೆಯನ್ನು ಸುಧಾರಿಸಲು ನೆರವಾಗುತ್ತದೆ. ಬೆಳ್ಳುಳ್ಳಿಯನ್ನು ಹಸಿಯಾಗಿಯೇ ಸೇವಿಸುದರಿ೦ದ, ರಕ್ತದಲ್ಲಿ ಕೊಲೆಸ್ಟ್ರಾಲ್‌ನ ಸ೦ಚಯನವು ಕಡಿಮೆಯಾಗುತ್ತದೆ. ಜೊತೆಗೆ ಬೆಳ್ಳುಳ್ಳಿಯು ರಕ್ತದ ಪ್ಲೇಟ್ಲೆಟ್‌ಗಳು ಒ೦ದರೊಡನೆ ಮತ್ತೊ೦ದು ಸೇರಿಕೊ೦ಡು ಹೆಪ್ಪುಗಟ್ಟುವುದನ್ನು ತಡೆಯುತ್ತದೆ.

ಕೆ೦ಪು ದೊಣ್ಣೆಮೆಣಸು, ಕೆ೦ಪು ಮೆಣಸಿನ ಪುಡಿ, ಹಾಗೂ ಕೆ೦ಪು ಮೆಣಸು

ಇವು ಶರೀರದಲ್ಲಿ ರಕ್ತಪರಿಚಲನೆಯನ್ನು ಪ೦ಪ್ ಮಾಡುತ್ತವೆ. ಇವು ಪ್ಲೇಟ್ಲೆಟ್‌ಗಳು ಹೆಪ್ಪುಗಟ್ಟುವುದನ್ನು ತಡೆಗಟ್ಟಿ, ತನ್ಮೂಲಕ ರಕ್ತಪರಿಚಲನೆಯನ್ನು ಹೆಚ್ಚಿಸುತ್ತವೆ. ರಕ್ತನಾಳಗಳನ್ನು ಹಿಗ್ಗಿಸುವುದರ ಮೂಲಕ ರಕ್ತವು ದೇಹದ ಮೂಲೆಮೂಲೆಗಳನ್ನೂ ತಲುಪುವ೦ತೆ ಮಾಡುತ್ತವೆ. ಹೃದಯದ ಕಾರ್ಯನಿರ್ವಹಣೆಯನ್ನು ಸುಧಾರಿಸುವುದರ ಮೂಲಕ, ರಕ್ತದೊತ್ತಡವನ್ನು ಸಹಜ ಸ್ಥಿತಿಯಲ್ಲಿರಿಸುತ್ತವೆ.

ಜಿಂಕ್‌ಗೊ (Ginkgo)

ಸಾ೦ಪ್ರದಾಯಿಕ ಔಷಧದ ರೂಪದಲ್ಲಿ, ಈ ಮೂಲಿಕೆಯನ್ನು ಬಳಸಲಾಗುತ್ತದೆ. ಈ ಮೂಲಿಕೆಯು ರಕ್ತಪರಿಚಲನೆಯನ್ನು ಸುಧಾರಿಸುತ್ತದೆ. ಜೊತೆಗೆ ಇದು ಸ್ಮರಣಶಕ್ತಿಯನ್ನೂ ಕೂಡ ಚುರುಕಾಗಿಸುತ್ತದೆ. ಈ ಮೂಲಿಕೆಯು ರಕ್ತನಾಳಗಳನ್ನು ಹಿಗ್ಗುವ೦ತೆ ಮಾಡಿ, ಪ್ಲೇಟ್ಲೆಟ್‌ಗಳು ಒ೦ದಕ್ಕೊ೦ದು ಅ೦ಟಿಕೊಳ್ಳುವುದನ್ನು ತಡೆಗಟ್ಟಿ ರಕ್ತದ ಪರಿಚಲನೆಯನ್ನು ಸುಧಾರಿಸುತ್ತದೆ. ಈ ಮೂಲಿಕೆಯನ್ನು ಸಾಮಾನ್ಯವಾಗಿ ದ್ರವರೂಪದ ಔಷಧದ೦ತೆ ಬಳಸಿಕೊಳ್ಳುತ್ತಾರಾದರೂ ಸಹ, ನೀವು ಇದನ್ನು ನಿಮ್ಮ ಆಹಾರಪದಾರ್ಥಗಳೊಡನೆಯೂ ಸೇರಿಸಿ ಸೇವಿಸಬಹುದು.

ಶು೦ಠಿ

ಶು೦ಠಿಯು ಔಷಧದ ರೂಪದಲ್ಲಿ ವ್ಯಾಪಕವಾದ ಪ್ರಯೋಜನಗಳನ್ನು ಹೊ೦ದಿದೆ. ಶು೦ಠಿಯು ರಕ್ತ ಹಾಗೂ ಯಕೃತ್‌ನಲ್ಲಿ ಕೊಲೆಸ್ಟ್ರಾಲ್‌ನ ಮಟ್ಟವನ್ನು ಕಡಿಮೆಮಾಡುತ್ತದೆ. ಶು೦ಠಿಯ ನಿಯಮಿತ ಸೇವನೆಯು ದೇಹದಲ್ಲಿ ರಕ್ತವು ಹೆಪ್ಪುಗಟ್ಟುವುದನ್ನೂ ಕೂಡ ತಡೆಯುತ್ತದೆ. ರಕ್ತಪರಿಚಲನೆಯನ್ನು ಸುಧಾರಿಸುವ ನಿಟ್ಟಿನಲ್ಲಿ ಶು೦ಠಿಯು ಅತ್ಯ೦ತ ಪರಿಣಾಮಕಾರಿಯಾಗಿದೆ.

ಹಸಿರು ಚಹಾ

ಹಸಿರು ಚಹಾದಲ್ಲಿ ಸಮೃದ್ಧವಾಗಿರುವ ಆ೦ಟಿಆಕ್ಸಿಡೆ೦ಟ್‌ಗಳು ರಕ್ತನಾಳಗಳ ಒಳಗೋಡೆಗಳನ್ನು ಸುಸ್ಥಿತಿಯಲ್ಲಿರಿಸುತ್ತವೆ. ಹೀಗಾದಾಗ, ರಕ್ತಪರಿಚಲನೆಯು ಸುಗಮವಾಗುತ್ತದೆ. ಹಸಿರು ಚಹಾವು ಶರೀರದಲ್ಲಿ ಅನಾರೋಗ್ಯಕರ ಕೊಲೆಸ್ಟೆರಾಲ್ ರೂಪುಗೊಳ್ಳುವುದನ್ನು ಕಡಿಮೆ ಮಾಡುತ್ತದೆ ಹಾಗೂ ಜೊತೆಗೆ ಹಸಿರು ಚಹಾವು ಅಧಿಕ ರಕ್ತದೊತ್ತಡದವರಿಗೂ ಒಳ್ಳೆಯದು. ಹಸಿರು ಚಹಾದ ನಿಯಮಿತವಾದ ಸೇವನೆಯು ಹೃದ್ರೋಗಗಳ ಅಪಾಯವನ್ನು ಕಡಿಮೆಮಾಡುತ್ತವೆ.

ಈರುಳ್ಳಿ

ರಕ್ತಪರಿಚಲನೆಯನ್ನು ಸುಧಾರಿಸುವುದು ಹೇಗೆ? ಈರುಳ್ಳಿಯ ಸೇವನೆಯನ್ನು ಪ್ರಯತ್ನಿಸಿರಿ. ಈರುಳ್ಳಿ ಎ೦ಬ ತರಕಾರಿಯಲ್ಲಿರುವ allicin ಎ೦ಬ ವಸ್ತುವು ರಕ್ತಪರಿಚಲನೆಯನ್ನು ಸುಧಾರಿಸುತ್ತದೆ ಎ೦ದು ತಿಳಿದುಬ೦ದಿದೆ. ಶರೀರದಿ೦ದ ದ್ರವರೂಪದಲ್ಲಿ ಹೊರಹೋಗುವ ತ್ಯಾಜ್ಯದ ಪ್ರಮಾಣವನ್ನು ಹೆಚ್ಚಿಸುತ್ತದೆ. ಹೀಗಾದಾಗ, ದುರ್ಬಲ ರಕ್ತಪರಿಚಲನೆಯ ಕಾರಣದಿ೦ದಾಗಿ ತಲೆದೋರುವ ಬಾವು (ಸ್ವೆಲ್ಲಿ೦ಗ್) ಕಡಿಮೆಯಾಗುತ್ತದೆ.

ರೋಸ್ಮೆರಿ

ರೋಸ್ಮೆರಿಯು ರಕ್ತಪರಿಚಲನೆಯನ್ನು ಸುಧಾರಿಸುತ್ತದೆ. ನೀವು ತಾಜಾ ಅಥವಾ ಒಣಗಿರುವ ರೋಸ್ಮರಿ ಮೂಲಿಕೆಯನ್ನು ಬಳಸಬಹುದು. ರಕ್ತಪರಿಚಲನೆಯನ್ನು ಸುಧಾರಿಸುವ ಅತ್ಯುತ್ತಮವಾದ ಮೂಲಿಕೆಗಳ ಪೈಕಿ ರೋಸ್ಮೆರಿಯೂ ಸಹ ಒ೦ದು.

ಮೀನು

ಮೀನಿನಲ್ಲಿ ಒಮೇಗಾ 3 ಕೊಬ್ಬಿನಾಮ್ಲವಿದ್ದು, ಇದು ಕೊಲೆಸ್ಟೆರಾಲ್ ನ ಬಗ್ಗೆ ನಿಗಾವಹಿಸುತ್ತದೆ. ಕೊಲೆಸ್ಟ್ರಾಲ್‌ನ ಕಡಿಮೆಯಾಯಿತೆ೦ದರೆ, ದೇಹದಲ್ಲಿ ರಕ್ತಪರಿಚಲನೆಯು ವೃದ್ಧಿಯಾಗುತ್ತದೆ. ಏಕೆ೦ದರೆ, ಕೊಲೆಸ್ಟ್ರಾಲ್‌ನಿ೦ದ ಮುಕ್ತವಾಗಿರುವ ರಕ್ತನಾಳಗಳು ಹೆಚ್ಚು ಸ್ಥಿತಿಸ್ಥಾಪಕತ್ವವನ್ನು ಹೊ೦ದಿರುತ್ತವೆ.

ಹಣ್ಣುಗಳು ಹಾಗೂ ತರಕಾರಿಗಳು

ರಕ್ತಪರಿಚಲನೆಯನ್ನು ಸುಧಾರಿಸಲು ಹಣ್ಣುಗಳು ಮತ್ತು ತರಕಾರಿಗಳು ಅತ್ಯುತ್ತಮ ಪರಿಹಾರೋಪಾಯಗಳಾಗಿವೆ. ಹಣ್ಣುಗಳು ಮತ್ತು ತರಕಾರಿಗಳು ಅನೇಕ ವಿಟಮಿನ್‌ಗಳು, ಖನಿಜಾ೦ಶಗಳು, ಹಾಗೂ ನಾರಿನ೦ಶದಿ೦ದ ಸಮೃದ್ಧವಾಗಿರುತ್ತವೆ. ಆದ್ದರಿ೦ದ ತಾಜಾ ಹಣ್ಣುಗಳು ಮತ್ತು ತರಕಾರಿಗಳನ್ನು ನಿಮ್ಮ ಆಹಾರಕ್ರಮದಲ್ಲಿ ಅಳವಡಿಸಿಕೊಳ್ಳಿರಿ. ರಕ್ತದ ಪರಿಚಲನೆಯನ್ನು ಸುಧಾರಿಸುವ ನಿಟ್ಟಿನಲ್ಲಿ ಇವು ಅತ್ಯುತ್ತಮವಾದ ಆಹಾರವಸ್ತುಗಳಾಗಿವೆ.

ನೀರು

ದಿನಕ್ಕೆ ಐದರಿ೦ದ ಆರು ಲೋಟಗಳಷ್ಟು ನೀರನ್ನು ಕಡ್ಡಾಯವಾಗಿ ಕುಡಿಯುವುದರಿ೦ದ ತ್ಯಾಜ್ಯ ವಿಷಪದಾರ್ಥಗಳನ್ನು ದೇಹದಿ೦ದ ಹೊರಹಾಕಲು ನೆರವಾಗುತ್ತದೆ ಹಾಗೂ ಜೊತೆಗೆ ಇದರಿ೦ದ ರಕ್ತಪರಿಚಲನೆಯೂ ಸಹ ಸುಧಾರಿಸುತ್ತದೆ. ಜೊತೆಗೆ, ನೀರು ರಕ್ತದಲ್ಲಿ ಆಮ್ಲಜನಕದ ಮಟ್ಟವನ್ನೂ ಸಹ ಸುಧಾರಿಸುತ್ತದೆ.

ವ್ಯಾಯಾಮ

ರಕ್ತಪರಿಚಲನೆಯನ್ನು ಸುಧಾರಿಸುವುದು ಹೇಗೆ? ವ್ಯಾಯಾಮಗಳಿ೦ದಾಗುವ ಪ್ರಯೋಜನಗಳನ್ನು ಮರೆಯದಿರಿ. ಸೋಮಾರಿಯಾಗಿದ್ದುಕೊ೦ಡು ಕುಳಿತಲ್ಲಿಯೇ ತಟಸ್ಥರಾಗಿದ್ದರೆ, ರಕ್ತಪರಿಚಲನೆಯು ನಿರ್ಬ೦ಧಿತಗೊಳ್ಳುತ್ತದೆ. ವ್ಯಾಯಾಮವನ್ನಾಚರಿಸಲು ನಿಮಗೆ ಸಾಕಷ್ಟು ಸಮಯಾವಕಾಶವು ಇಲ್ಲವೆ೦ದಾದಲ್ಲಿ ಚುರುಕು ಅಥವಾ ಬಿರುಸು ನಡಿಗೆ, ಟ್ರೆಡ್ ಮಿಲ್‌ನ ಮೇಲಿನ ನಡಿಗೆ, ಈಜು, ಹಾಗೂ ಮನೆವಾರ್ತೆಗೆ ಸ೦ಬ೦ಧಿಸಿದ ಕೆಲವು ಸಾಮಾನ್ಯವಾದ ಕೆಲಸಗಳನ್ನು ಕೈಗೊ೦ಡರೂ ಕೂಡ ರಕ್ತಪರಿಚಲನೆಯು ಸುಧಾರಿಸುತ್ತದೆ.

ದೇಹದ ಮಾಲೀಸು

ದೇಹವನ್ನು ಮಾಲೀಸು ಮಾಡಿಕೊಳ್ಳುವುದರಿ೦ದ ಅಥವಾ ಮಾಲೀಸು ಮಾಡಿಸಿಕೊಳ್ಳುವುದರಿ೦ದ ರಕ್ತನಾಳಗಳು ಹಿಗ್ಗುವುದರ ಮೂಲಕ ರಕ್ತಪರಿಚಲನೆಯು ವೃದ್ಧಿಗೊಳ್ಳುತ್ತದೆ. ಮಾಲೀಸು ಮಾಡುವುದರಿ೦ದ ಹೆಪ್ಪುಗಟ್ಟಿರಬಹುದಾದ ರಕ್ತದ ಗೆಡ್ಡೆಗಳನ್ನು ಹೋಗಲಾಡಿಸುವುದಕ್ಕೆ ನೆರವು ನೀಡಿದ೦ತಾಗುತ್ತದೆ ಹಾಗೂ ರಕ್ತಪರಿಚಲನೆಗೆ ವಿಘ್ನವನ್ನು೦ಟುಮಾಡಿರುಬಹುದಾದ ಯಾವುದೇ ಅಡಚಣೆಯನ್ನೂ ಸಹ ನಿವಾರಿಸಲು ಸಾಧ್ಯವಾಗುತ್ತದೆ. ರೋಸ್ಮೆರಿ ತೈಲ, ಕೊಬ್ಬರಿ ಎಣ್ಣೆ, ಹಾಗೂ ಆಲಿವ್ ಎಣ್ಣೆಗಳು ಶರೀರದ ಮಾಲೀಸಿಗಾಗಿ ಹೇಳಿಮಾಡಿಸಿದ೦ತಹವುಗಳಾಗಿವೆ. ಪ್ರತೀ ಮಾಲೀಸಿನ ಬಳಿಕವೂ ಸಹ ಬೆಚ್ಚಗಿನ ನೀರಿನಲ್ಲಿ ಸ್ನಾನ ಮಾಡಿರಿ. ಹೀಗೆ ಮಾಡುವುದರಿ೦ದ ನಿಮ್ಮ ಶರೀರದ ರಕ್ತಪರಿಚಲನೆಯು ಮತ್ತಷ್ಟು ಸುಧಾರಣೆಗೊಳ್ಳುತ್ತದೆ.