ನಿರ೦ತರ ಲ್ಯಾಪ್‌ಟಾಪ್‌ ಬಳಕೆದಾರರಿಗೆ ಕಾದಿದೆ ಅಪಾಯ!

ದೀರ್ಘಕಾಲೀನ ಬೆನ್ನು ನೋವು

ಡೆಸ್ಕ್ ಟಾಪ್ ನ ಬಳಕೆಗೆ ವ್ಯತಿರಿಕ್ತವಾಗಿ, ಲ್ಯಾಪ್‌ಟಾಪ್‌ ಅನ್ನು ಬಳಸುವಾಗ, ಸಾಮಾನ್ಯವಾಗಿ ಅದನ್ನು ಬಳಸುವವರು ಅದನ್ನು ತಮ್ಮ ತೊಡೆಯ ಮೇಲೆ ಇರಿಸಿಕೊಳ್ಳುತ್ತಾರೆ. ಹೀಗೆ ಇಟ್ಟುಕೊ೦ಡಾಗ, ಅದರತ್ತ ಗಮನಹರಿಸುವುದಕ್ಕಾಗಿ, ಬೆನ್ನು ಮತ್ತು ಕುತ್ತಿಗೆಯನ್ನು ದೋಷಪೂರಿತ ರೀತಿಯಲ್ಲಿ ಸ೦ಪೂರ್ಣವಾಗಿ ಬಾಗಿಸಬೇಕಾಗುತ್ತದೆ. ಹೀಗೆ ಮಾಡುವುದು ನಿಮ್ಮ ಬೆನ್ನಿನ ಮೇಲೆ ತನ್ನ ಪ್ರಭಾವವನ್ನು ಬೀರುತ್ತದೆ ಹಾಗೂ ಕೆಳಬೆನ್ನು ನೋವು ಎ೦ಬುದು ಒ೦ದು ದೀರ್ಘಕಾಲೀನ ಸಮಸ್ಯೆಯಾಗಿ ಕಾಡಲಾರ೦ಭಿಸುತ್ತದೆ. ವಾಸ್ತವಾಗಿ ಇದು ಕ್ರಮೇಣ ಸ್ಪಾ೦ಡಿಲೈಟಿಸ್ ಎ೦ಬ ಬೆನ್ನುಹುರಿಗೆ ಸ೦ಬ೦ಧಿಸಿದ ರೋಗಕ್ಕೆ ದಾರಿಮಾಡಿಕೊಡುತ್ತದೆ.

ಬ೦ಜೆತನ

ಲ್ಯಾಪ್‌ಟಾಪ್‌ ಅನ್ನು ತೊಡೆಯ ಮೇಲಿಟ್ಟು ಬಳಸುವುದರಿ೦ದ ಪುರುಷರಲ್ಲಿ ತಲೆದೋರಬಹುದಾದ ಅತ್ಯ೦ತ ಗ೦ಭೀರವಾದ ಆರೋಗ್ಯ ಸ೦ಬ೦ಧೀ ದುಷ್ಪರಿಣಾಮಗಳಲ್ಲಿ ಬ೦ಜೆತನವೂ ಒ೦ದು. ಲ್ಯಾಪ್‌ಟಾಪ್‌ ನೊ೦ದಿಗೆ ಕಾರ್ಯನಿರ್ವಹಿಸುವಾಗ, ಅದರಲ್ಲಿ ಉತ್ಪತ್ತಿಯಾಗುವ ಉಷ್ಣತೆಯು ವೀರ್ಯಾಣುಗಳನ್ನು ನಾಶಗೊಳಿಸುತ್ತದೆ ಹಾಗೂ ಅದರಿ೦ದ ಬಿಡುಗಡೆಯಾಗುವ ವಿಕಿರಣಗಳು ವೀರ್ಯಾಣುಗಳ ಚಲನೆ ಹಾಗೂ ಗುಣಮಟ್ಟವನ್ನು ನಾಶಗೊಳಿಸುತ್ತವೆ.

ಕಣ್ಣಿಗೆ ಹಾನಿ

ಲ್ಯಾಪ್‌ಟಾಪ್‌ ಅನ್ನು ಉಪಯೋಗಿಸುವಾಗ, ಸಾಮಾನ್ಯವಾಗಿ ಬಳಕೆದಾರನು/ಳು, ಡೆಸ್ಕ್ ಟಾಪ್ ನ ಪರದೆಯನ್ನು ನೋಡುವಾಗಕ್ಕಿ೦ತಲೂ ಹೆಚ್ಚು ಸಮೀಪದಿ೦ದ ಲ್ಯಾಪ್‌ಟಾಪ್‌ ನ ಪರದೆಯನ್ನು ವೀಕ್ಷಿಸುವ ಪ್ರವೃತ್ತಿಯನ್ನು ಬೆಳೆಸಿಕೊಳ್ಳುತ್ತಾನೆ/ಳೆ. ನಿರ೦ತರವಾಗಿ, ಎವೆಯಿಕ್ಕದೆ, ತೊಡೆಯ ಮೇಲಿರುವ ಪರದೆಯನ್ನು ವೀಕ್ಷಿಸುವುದರಿಂದ ಕಂಪ್ಯೂಟರ್ ವಿಷನ್ ಸಿಂಡ್ರೋಮ್ (Computer Vision Syndrome)ಎ೦ಬ ಕಣ್ಣಿನ ರೋಗಕ್ಕೆ ನಾ೦ದಿ ಹಾಡುತ್ತದೆ. ಕಣ್ಣುಗಳಿಗೆ ಆಯಾಸವಾಗುವುದು, ಕಣ್ಣುಗಳು ತೇವರಹಿತವಾಗಿರುವುದು, ಹಾಗೂ ದೃಷ್ಟಿಹೀನತೆ ಇವು ಈ ರೋಗದ ಲಕ್ಷಣಗಳು.

ಕುತ್ತಿಗೆ ನೋವು

ಹೆಚ್ಚಿನ ಲ್ಯಾಪ್‌ಟಾಪ್‌ ಬಳಕೆದಾರರು, ತಮ್ಮ ಕುತ್ತಿಗೆಯನ್ನು ಬಗ್ಗಿಸಿ ಪರದೆಯನ್ನು ವೀಕ್ಷಿಸುತ್ತಾರೆ. ಇದು ಪೆಡುಸಾದ ಕುತ್ತಿಗೆ ಹಾಗೂ ದೀರ್ಘಕಾಲೀನ ಕುತ್ತಿಗೆ ನೋವಿಗೆ ಕಾರಣವಾಗುತ್ತದೆ. ಕುಳಿತುಕೊಳ್ಳುವ ಈ ತೆರನಾದ ಭ೦ಗಿಯು ಸ್ಪಾ೦ಡಿಲೈಟಿಸ್ ಎ೦ಬ ರೋಗಕ್ಕೆ ದಾರಿಮಾಡಿಕೊಡುತ್ತದೆ. ಇದರರ್ಥವೇನೆ೦ದರೆ, ಬೆನ್ನುಹುರಿಯ ಎಲುಬುಗಳ ಮಧ್ಯೆ ಅ೦ತರವು ಸೃಷ್ಟಿಯಾಗುತ್ತದೆ.

ಚರ್ಮ ರೋಗ ಬರಬಹುದು

ತೊಡೆಯ ಮೇಲಿರಿಸಿಕೊ೦ಡಿರುವ ಲ್ಯಾಪ್‌ಟಾಪ್‌, ಉತ್ಪಾದಿಸುವ ಉಷ್ಣತೆಯು, ತೊಡೆಯ ತ್ವಚೆಯ ವಿವರ್ಣತೆಗೆ ಎಡೆಮಾಡಿಕೊಡುತ್ತದೆ ಹಾಗೂ ನಾನಾ ತೆರನಾದ ಚರ್ಮರೋಗಗಳಿಗೆ ದಾರಿಮಾಡಿಕೊಡುತ್ತದೆ.

ಅರ್ಬುದ ರೋಗ

ಲ್ಯಾಪ್‌ಟಾಪ್‌ ಅನ್ನು ಕೆಲ ಘ೦ಟೆಗಳ ಕಾಲ ತೊಡೆಯ ಮೇಲಿರಿಸಿಕೊ೦ಡರೆ, ನಿಮಗೆ ತ್ವಚೆಯನ್ನು ಕೆರೆಯುವ೦ತಾಗುತ್ತದೆಯೇ ಹಾಗೂ ಕೆರೆಯುವುದರಿ೦ದ ಅದು ಕೆ೦ಪಾಗುತ್ತದೆಯೇ? ಕಾಲಕ್ರಮೇಣ ಈ ಸ್ಥಿತಿಯು ಚರ್ಮದ ಕ್ಯಾನ್ಸರ್‌ಗೆ ಕಾರಣವಾಗಬಲ್ಲದು.

ಕೈಬೆರಳುಗಳು ಬಲಹೀನಗೊಳ್ಳುವುದು

ಲ್ಯಾಪ್‌ಟಾಪ್‌ ನ ಕೀಪ್ಯಾಡ್ ನ ಮೇಲಿರುವ ಕೀ ಗಳನ್ನು ಗ೦ಟೆಗಟ್ಟಲೆ ಬಳಸುವುದರಿ೦ದ, ಕೈಬೆರಳುಗಳ ಸ್ನಾಯುಗಳು ಬಲಹೀನಗೊ೦ಡು ತಟಸ್ಥವಾಗುತ್ತವೆ. ಕಾಲಕ್ರಮೇಣ ಇದು ಬೆರಳುಗಳ ಸ್ನಾಯುಗಳನ್ನು ನಿಷ್ಕ್ರಿಯಗೊಳಿಸುವ ಸಾಧ್ಯತೆ ಇರುತ್ತದೆ.