Just In
- 9 min ago ವಿಶ್ವದ ದುಬಾರಿ ಹಣ್ಣುಗಳಿವು..! ನೀವು ಊಹಿಸದ ಬೆಲೆ ಈ ಹಣ್ಣುಗಳಿಗಿದೆ..!
- 48 min ago ಶನಿಯ ನಕ್ಷತ್ರ ಬದಲಾವಣೆ: ಅಕ್ಟೋಬವರೆಗೆ ಈ 3 ರಾಶಿಯವರು ಇದರ ಉತ್ತಮ ಫಲ ಪಡೆಯುವಿರಿ
- 6 hrs ago ಒಂದು ಸೌತೆಕಾಯಿ ಹಾಕಿ ಮಾಡಿ ಮೊಸರು ಹುಳಿ..! ಸಿಕ್ಕಾಪಟ್ಟೆ ರುಚಿ ರೆಸಿಪಿ
- 13 hrs ago ವರ್ಷದ ಮೊದಲ ಸೂರ್ಯಗ್ರಹಣ ಏಪ್ರಿಲ್ನಲ್ಲಿ ಯಾವಾಗ ಸಂಭವಿಸಲಿದೆ? ಇದರ ಸೂತಕ ಭಾರತಕ್ಕಿದೆಯೇ?
Don't Miss
- Automobiles ಯುಗಾದಿ ಜಾತ್ರೆ: ಶ್ರೀಶೈಲ ಮಲ್ಲಿಕಾರ್ಜುನನ ಭಕ್ತರಿಗೆ ಸಿಹಿಸುದ್ದಿ.. NWKRTCಯಿಂದ ವಿಶೇಷ ಬಸ್ ಸೇವೆ
- News Surya Grahan 2024: 54 ವರ್ಷಗಳ ನಂತರ ಸಂಪೂರ್ಣ ಸೂರ್ಯಗ್ರಹಣ: ಈ 3 ರಾಶಿಯವರ ಜೀವನ ಸೂರ್ಯನಂತೆ ಹೊಳೆಯುತ್ತೆ....
- Technology OnePlus: ಒನ್ಪ್ಲಸ್ ನಾರ್ಡ್ CE 4 ಫೋನ್ನ ಭಾರತದ ಬೆಲೆ ಮಾಹಿತಿ ಲೀಕ್! ಲಾಂಚ್ಗೆ ನಾಲ್ಕೇ ದಿನ ಬಾಕಿ
- Finance ಬೆಂಗಳೂರಿನಲ್ಲಿ ನೀರಿನ ಬಿಕ್ಕಟ್ಟು: ಐಟಿ ಕಂಪೆನಿಗಳನ್ನು ಕೇರಳಕ್ಕೆ ಆಹ್ವಾನಿಸಿದ ಸಚಿವ
- Movies ಲೋಕಸಭೆ ಚುನಾವಣೆ: ಬಿಜೆಪಿ 7ನೇ ಪಟ್ಟಿಯಲ್ಲಿ ದರ್ಶನ್ ಜೊತೆ ನಟಿಸಿದ್ದ ನಟಿಗೂ ಸಿಕ್ತು ಟಿಕೆಟ್
- Sports IPL 2024: 14 ವರ್ಷಗಳ ಹಿಂದಿನ ಬೃಹತ್ ಐಪಿಎಲ್ ದಾಖಲೆಯನ್ನು ಮುರಿದ SRH vs MI ಪಂದ್ಯ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಈ ಲಕ್ಷಣಗಳು ಕಂಡು ಬಂದರೆ ರಕ್ತಹೀನತೆ ಇರಬಹುದು
ಅನಿಮಿಯಾ (ರಕ್ತಹೀನತೆ) ಅಂದರೆ ದೇಹದಲ್ಲಿ ರಕ್ತಕಣಗಳು ಕಡಿಮೆಯಾಗಿ ಕಂಡು ಬರುವ ಅನಾರೋಗ್ಯ. ದೇಹದಲ್ಲಿ ರಕ್ತಕಣಗಳು ಕಡಿಮೆಯಾದಾಗ ಹಿಮೋಗ್ಲೋಬಿನ್ ಕಡಿಮೆಯಾಗುತ್ತದೆ. ಈ ರೀತಿ ಪೋಷಕಾಂಶಗಳ ಕೊರತೆ, ಮಾನಸಿಕ ಒತ್ತಡ, ವಂಶ ಪಾರಂಪರ್ಯವಾಗಿ , ಇತರ ಕಾಯಿಲೆಗಳು ಹೀಗೆ ಅನೇಕ ಕಾರಣಗಳಿಂದ ಉಂಟಾಗುತ್ತದೆ.
ಅರಿಶಿಣ ಕಾಮಲೆ, ಕ್ಯಾನ್ಸರ್, ಎಚ್ ಐ ವಿಯಂತಹ ಕಾಯಿಲೆಗಳಿದ್ದರೂ ರಕ್ತಹೀನತೆ ಉಂಟಾಗುತ್ತದೆ. ರಕ್ತ ಹೀನತೆಯನ್ನು ಕೆಲವೊಂದು ಲಕ್ಷಣಗಳಿಂದ ಗುರುತಿಸಬಹುದು. ರಕ್ತ ಹೀನತೆ ಉಂಟಾದರೆ ಈ ಕೆಳಗಿನ ಲಕ್ಷಣಗಳು ನಮ್ಮ ದೇಹದಲ್ಲಿ ಕಂಡು ಬರುತ್ತದೆ:
ಬಿಳುಚಿಕೊಂಡ ಕಣ್ಣುಗಳು
ಕಣ್ಣುಗಳು ತುಂಬಾ ಮಂಕಾಗಿ ಕಾಣುತ್ತದೆ. ಕಣ್ಣನ್ನು ಪರೀಕ್ಷಿಸಿದರೆ ಕಣ್ಣುಗಳು ಬಿಳುಚಿಕೊಂಡಿರುತ್ತದೆ.
ತಲೆಸುತ್ತು
ಎಲ್ಲಾ ದಿನಾ ಸುಸ್ತು, ತಲೆಸುತ್ತು ಅನಿಸಿದರೆ ರಕ್ತ ಕಣಗಳು ಕಮ್ಮಿಯಾಗಿವೆ ಎಂದರ್ಥ. ದೇಹದಲ್ಲಿ ಕೆಂಪು ರಕ್ತ ಕಣಗಳು ಕಡಿಮೆಯಾದರೆ ಎದ್ದು ನಡೆಯುವುದು ಕೂಡ ಕಷ್ಟ. ರಕ್ತ ಕಣಗಳನ್ನು ಹೆಚ್ಚಿಸುವ ಆಹಾರ ತಿಂದರೆ ರಕ್ತ ಕಣಗಳು ಕಡಿಮೆಯಾಗದಂತೆ ನೋಡಿಕೊಳ್ಳಬಹುದು.
ವಾಂತಿ
ರಕ್ತ ಕಣಗಳು ತುಂಬಾ ಕಮ್ಮಿಯಾದರೆ ಬೆಳಗ್ಗೆ ವಾಂತಿ ಬಂದಂತೆ ಅನಿಸುವುದು, ಊಟ ಸರಿಯಾಗಿ ಸೇರುವುದಿಲ್ಲ.
ತಲೆನೋವು
ಆಗಾಗ ತಲೆನೋವಿನ ಸಮಸ್ಯೆ ಇದ್ದರೆ ರಕ್ತ ಪರೀಕ್ಷೆ ಮಾಡಿಸಿಕೊಳ್ಳುವುದು ಒಳ್ಳೆಯದು. ಏಕೆಂದರೆ ದೇಹದಲ್ಲಿ ರಕ್ತ ಕಣಗಳು ಕಡಿಮೆಯಾಗಿ, ಮೆದುಳಿಗೆ ಅಗತ್ಯವಿರುವಷ್ಟು ಆಮ್ಲಜನಕದ ಪೂರೈಕೆಯಾಗದಿದ್ದಾಗ ತಲೆನೋವು ಉಂಟಾಗುತ್ತದೆ.
ಸುಸ್ತು
ದೇಹದಲ್ಲಿ ರಕ್ತ ಕಣಗಳು ಕಡಿಮೆಯಾದರೆ, ಆಮ್ಲಜನಕ ಕೂಡ ಕಡಿಮೆಯಾಗುತ್ತದೆ. ಇದರಿಂದ ದಿನನಿತ್ಯದ ಕೆಲಸ ಮಾಡಲು ಕೂಡ ಕಷ್ಟವಾಗುತ್ತದೆ.
ಜೋರಾದ ಹೃದಯ ಬಡಿತ
ದೇಹದಲ್ಲಿ ರಕ್ತ ಕಣಗಳು ಕಡಿಮೆಯಾದರೆ, ಆಮ್ಲಜನಕ ಕಡಿಮೆ ದೊರೆಯುವುದರಿಂದ ಹೃದಯ ಜೋರಾಗಿ ಬಡಿದುಕೊಳ್ಳಲಾರಂಭಿಸಿದೆ. ಹೃದಯದ ಬಡಿತ ನಮಗೆ ಕೇಳುವಷ್ಟು ಜೋರಾಗಿ ಬಡಿದುಕೊಳ್ಳುತ್ತದೆ.
ಬಿಳುಚಿದ ತ್ವಚೆ
ರಕ್ತ ಹೀನತೆ ಉಂಟಾದರೆ ತ್ವಚೆ ಬಿಳುಚಿಕೊಳ್ಳುತ್ತದೆ. ಮುಖ ಕಾಂತಿರಹಿತವಾಗುತ್ತದೆ. ಇದರಿಂದ ಸುಲಭದಲ್ಲಿಯೇ ರಕ್ತ ಹೀನತೆ ಉಂಟಾಗಿದೆಯೆಂದು ತಿಳಿಯಬಹುದು.
ಕೂದಲು ಉದುರುವುದು
ಕೂದಲು ಉದುರುವುದು ಸೌಂದರ್ಯದ ಸಮಸ್ಯೆ ಮಾತ್ರವಲ್ಲ, ಆರೋಗ್ಯದ ಸಮಸ್ಯೆ ಕೂಡ. ತುಂಬಾ ಕೂದಲು ಉದುರುತ್ತಿದ್ದು, ಸುಸ್ತು ಕಂಡು ಬಂದರೆ ಅದರ ರಕ್ತಹೀನತೆಯಿಂದ ಇರಬಹುದು.
ಆಗಾಗ ಕಾಯಿಲೆ ಬೀಳುವುದು
ಕೆಂಪು ರಕ್ತಕಣಗಳು ಕಡಿಮೆಯಾದರೆ, ಕಾಯಿಲೆ ವಿರುದ್ಧ ಹೋರಾಡುವ ಬಿಳಿ ರಕ್ತ ಕಣಗಳು ಕೂಡ ಕಡಿಮೆಯಾಗುತ್ತದೆ. ರಕ್ತ ಹೀನತೆಯನ್ನು ಸರಿಯಾದ ಆಹಾರ ಹಾಗೂ ಚಿಕಿತ್ಸೆಯಿಂದ ಗುಣ ಪಡಿಸಬಹುದು.