ಮಲಗಿದ ತಕ್ಷಣ ನಿದ್ದೆ ಬರಬೇಕೆ? ಈ ಆಹಾರಗಳನ್ನು ತಿನ್ನಿ

ಮೀನು

ಮೀನಿನಲ್ಲಿ ವಿಟಮಿನ್ ಬಿ6 ಮತ್ತು ಒಮೆಗಾ 3 ಕೊಬ್ಬಿನಂಶ ಇರುವುದರಿಂದ ನಿದ್ರಾಹೀನತೆ ಸಮಸ್ಯೆ ಹೋಗಲಾಡಿಸುವಲ್ಲಿ ತುಂಬಾ ಪರಿಣಾಮಕಾರಿಯಾಗಿದೆ.

ಬಾದಾಮಿ

ಬಾದಾಮಿಯಲ್ಲಿ ಮೆಗ್ನಿಷ್ಯಿಯಂ ಇದ್ದು ಇದು ನಿಮಗೆ ವಿಶ್ರಾಂತಿಯ ಅನುಭವ ನೀಡುವುದರ ಜೊತೆಗೆ ಮಲಗಿದ ತಕ್ಷಣ ನಿದ್ದೆ ಬರುವಂತೆ ಮಾಡುತ್ತದೆ.

ಟೀ

ಟೀ ಕುಡಿದರೆ ನಿದ್ದೆ ಬರಲ್ಲ ಅಂತಾರೆ, ಇದೇನಪ್ಪಾ ಇವರು ಟೀ ಕುಡಿದರೆ ನಿದ್ದೆ ಬರುತ್ತದೆ ಎಂದು ಹೇಳುತ್ತಿದ್ದಾರಲ್ಲ ಎಂದು ಆಶ್ಚರ್ಯಪಡಬೇಡಿ. ಕ್ಯಮೊಮೈಲ್ ಟೀ ಅಥವಾ ಗ್ರೀನ್ ಟೀ ನಿಮ್ಮ ನಿದ್ರಾಹೀನತೆ ಸಮಸ್ಯೆ ಹೋಗಲಾಡಿಸುವಲ್ಲಿ ಸಹಕಾರಿಯಾಗಿದೆ.

ಬಾಳೆಹಣ್ಣು

ಬಾಳೆಹಣ್ಣಿನಲ್ಲಿ ಮೆಗ್ನಿಷ್ಯಿಯಂ ಮತ್ತು ಪೊಟಾಷ್ಯಿಯಂ ಅಧಿಕವಿದ್ದು ಇವು ನಿದ್ದೆ ತರುವಂತಹ ಹಾರ್ಮೋನ್ ಗಳ ಬಿಡುಗಡೆಗೆ ಸಹಾಯ ಮಾಡುತ್ತದೆ.

ಮೊಸರು

ಇದು ಒತ್ತಡವನ್ನು ಕಡಿಮೆ ಮಾಡುತ್ತದೆ ಹಾಗೂ ಬೇಗನೆ ನಿದ್ದೆ ತರುತ್ತದೆ. ಮಲಗುವ 10 ನಿಮಿಷ ಮೊದಲು ಮೊಸರು ತಿಂದು ಮಲಗಿದರೆ ಬೇಗನೆ ನಿದ್ದೆ ಬರುವುದು.

ಓಟ್ ಮೀಲ್ಸ್

ಓಟ್ ಮೀಲ್ಸ್ ನಲ್ ರಂಜಕ ಮತ್ತು ಸಿಲಿಕಾನ್, ಪೊಟಾಷ್ಯಿಯಂ ಅಂಶ ಅಧಿಕವಾಗಿರುತ್ತದೆ. ಆದ್ದರಿಂದ ಇವು ಕೂಡ ನಿದ್ರಾಹೀನತೆ ಸಮಸ್ಯೆ ಹೋಗಲಾಡಿಸುವಲ್ಲಿ ಸಹಕಾರಿಯಾಗಿದೆ.

ಬೇಯಿಸಿದ ಮೊಟ್ಟೆ

ನಿದ್ದೆ ಬೇಗನೆ ಬರಲು ಮಲಗುವ ಮುಂಚೆ ಬೇಯಿಸಿದ ಒಂದು ಮೊಟ್ಟೆ ಬೇಕಾದರೆ ತಿನ್ನಬಹುದು.

ಅನ್ನ

ಅನ್ನ ಅದರಲ್ಲೂ ಮೊಸರನ್ನ ನಿದ್ದೆ ಬರುವಂತೆ ಮಾಡುತ್ತದೆ. ರಾತ್ರಿ ಡಿನ್ನರ್ ಜೊತೆ ಸ್ವಲ್ಪ ಮೊಸರನ್ನ ತಿನ್ನಿ, ಆಗ ಮಲಗಿದ ತಕ್ಷಣ ನಿದ್ದೆ ಬರುವುದು