Just In
Don't Miss
- News Kalaburagi Rain: ಸೂರ್ಯನಗರಿ ಕಲಬುರಗಿಯಲ್ಲಿ ಭಾರೀ ಗಾಳಿ, ಆಲಿಕಲ್ಲು ಸಮೇತ ದಾರಾಕಾರ ಮಳೆ
- Movies ನಿತೇಶ್ ತಿವಾರಿ 'ರಾಮಾಯಣ' ಚಿತ್ರದಲ್ಲಿ ರಣ್ಬೀರ್ ಅಲ್ಲ, ಯಶ್ ಹೀರೋ? ಏನಿದು ಟ್ವಿಸ್ಟ್!
- Automobiles ಸಣ್ಣ ಕುಟುಂಬಗಳಿಗೆ ಬೆಸ್ಟ್ ಕಾರು... 5.36 ಲಕ್ಷ ರೂ. ಬೆಲೆ... 34 ಕಿ.ಮೀ ಮೈಲೇಜ್!
- Technology ಒಪ್ಪೋ ಸಂಸ್ಥೆಯ ಈ ಫೋನ್ ಬೆಲೆಯಲ್ಲಿ ಭರ್ಜರಿ ಇಳಿಕೆ; ಆಫರ್ಗೆ ಗ್ರಾಹಕರು ಫಿದಾ!
- Sports ಐಪಿಎಲ್ನಿಂದ ದೂರವುಳಿದಿದ್ದ ಟೀಮ್ ಇಂಡಿಯಾ ವೇಗಿ ಟಿ20 ವಿಶ್ವಕಪ್ ಆಡುತ್ತಾರಾ?: ಆಟಗಾರ ಹೇಳಿದ್ದೇನು?
- Finance Bengaluru Rain:ಬಿಸಿಗಾಳಿ ಹೆಚ್ಚಳದಿಂದ ಬೆಂಗಳೂರು ನಗರಕ್ಕೆ ಅಧಿಕ ಮಳೆ, ಐಎಂಡಿ ಹೇಳಿದ್ದೇನು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೈಹಿಕ ಹಾಗೂ ಮಾನಸಿಕ ಸಮಸ್ಯೆಗೆ ಮದ್ದು-ಜಾಗಿಂಗ್
ಜಾಗಿಂಗ್ (ಓಡುವ ವ್ಯಾಯಾಮ) ಮಾಡಿದರೆ ದೇಹದ ತೂಕ ಕಮ್ಮಿಯಾಗುತ್ತೆ ಎನ್ನುವುದು ಎಲ್ಲರಿಗೆ ಗೊತ್ತಿರುವ ಅಂಶ. ಇದನ್ನು ಹೊರತು ಪಡಿಸಿ ಜಾಗಿಂಗ್ ಬಗ್ಗೆ ಹೆಚ್ಚಿನ ಮಾಹಿತಿ ಹೆಚ್ಚಿನವರಿಗೆ ಗೊತ್ತಿರುವುದಿಲ್ಲ. ಜಾಗಿಂಗ್ ವಾಕಿಂಗ್ ಗಿಂತ ಸ್ವಲ್ಪ ಶ್ರಮದಾಯಕವಾದ ಕೆಲಸ. ಹೆಚ್ಚೇನು ದಪ್ಪವಿಲ್ಲದೆ ಫಿಟ್ ನೆಸ್ ಬೇಕೆಂದು ಬಯಸುವವರು ಓಡುವ ಅಗ್ಯತವಿಲ್ಲ. ವೇಗವಾಗಿ ನಡೆಯುವ ವ್ಯಾಯಾಮಮ ಮಾಡಿದರೆ ಸಾಕು. ದೇಹದ ತೂಕ ಕಮ್ಮಿಯಾಗಬೇಕೆಂದು ಬಯಸುವವರು ಓಡುವ ವ್ಯಾಯಾಮ ಮಾಡುವುದು ಒಳ್ಳೆಯದು.
ಜಾಗಿಂಗ್ ಬಗ್ಗೆ ಮತ್ತೊಂದು ಮಾಹಿತಿಯೆಂದರೆ ಈ ವ್ಯಾಯಾಮವನ್ನು ಮಧ್ಯವಯಸ್ಸು ದಾಟಿದ ಮೇಲೆ ಮಾಡುವುದು ಸೂಕ್ತವಲ್ಲ, ಮಧ್ಯವಯಸ್ಸು ದಾಟಿದವರಿಗೆ ಹೆಚ್ಚಿನ ಶ್ರಮದಾಯಕವಲ್ಲದ ನಡೆಯುವ ವ್ಯಾಯಾಮ ಸೂಕ್ತವಾಗಿದೆ. ಯೌವನ ಪ್ರಾಯದವರಿಗೆ ಜಾಗಿಂಗ್ ಉತ್ತಮವಾಗಿದ್ದು, ಯೌವನದಲ್ಲಿ ಜಾಗಿಂಗ್ ಮಾಡಿದರೆ ದೇಹ ಫಿಟ್ ನೆಸ್ ಅನ್ನು ವಯಸ್ಸಾದ ಮೇಲೂ ಕಾಪಾಡಿಕೊಳ್ಳಬಹುದು.
ಅದಲ್ಲದೆ ಜಾಗಿಂಗ್ ಮಾಡಿದರೆ ಈ ಕೆಳಗಿನ ಆರೋಗ್ಯಕರ ಗುಣಗಳನ್ನು ಪಡೆಯಬಹುದು:
1. ಕೊಲೆಸ್ಟ್ರಾಲ್, ಒಬೆಸಿಟಿಯ ಭಯವಿಲ್ಲ
ಜಾಗಿಂಗ್ ಮಾಡಿದರೆ ದೇಹದಲ್ಲಿರುವ ಕೊಬ್ಬಿನಂಶ ಬೇಗನೆ ಕರುಗುತ್ತದೆ. ಸಮತೂಕವನ್ನು ಪಡೆಯಬಹುದು ಹಾಗೂ ಕೊಲೆಸ್ಟ್ರಾಲ್, ಒಬೆಸಿಟಿ ಈ ರೀತಿಯ ಸಮಸ್ಯೆಯಿಂದ ಮುಕ್ತರಾಗಿ ಇರಬಹುದು.
2. ಮಾನಸಿಕ ಒತ್ತಡವನ್ನು ಕಡಿಮೆ ಮಾಡುತ್ತದೆ
ತುಂಬಾ ಮಾನಸಿಕ ಒತ್ತಡವನ್ನು ಅನುಭವಿಸುತ್ತಿದ್ದೀರಾ? ಹಾಗಾದರೆ ಜಾಗಿಂಗ್ ಮಾಡಿ, ನಿಮ್ಮ ಸಮಸ್ಯೆಗೆ ಪರಿಹಾರ ಸಿಗುತ್ತದೆ. ಮನಸ್ಸೆಲ್ಲಾ ಹಗುರವಾಗುತ್ತದೆ. ದಿನಾವಿಡೀ ಚೈತನ್ಯದಿಂದ ಇರುವಿರಿ.
3. ಗುರಿ ಮುಟ್ಟಲು ಶಕ್ತಿ ತುಂಬುತ್ತದೆ
ನಮ್ಮ ಕೆಲಸದ ಮೇಲೆ ಮನಸ್ಸು ತುಂಬಾ ಪ್ರಭಾವ ಬೀಳುತ್ತದೆ. ಪ್ರತೀದಿನ ಓಡುವವ ವ್ಯಾಯಾಮ ಮಾಡುವವರಿಗೆ ಬುದ್ಧಿ ಶಕ್ತಿ, ಛಲ ಕೂಡ ಹೆಚ್ಚಾಗುವುದು. ಈ ಅಭ್ಯಾಸ ನಿಮ್ಮನ್ನು ಜೀವನದಲ್ಲಿ ನಿಮ್ಮ ಗುರಿಯನ್ನು ತಲುಪಲು ಮನೋಬಲ ನೀಡುತ್ತದೆ.
4. ದೇಹಬಲ
ಓಡುವಾಗ ನಾವು ನಮ್ಮ ದೇಹದ ಶಕ್ತಿಯನ್ನು ಮೀರಿ ಓಡುತ್ತೇವೆ. ಇದರಿಂದ ದೇಹ ಬಲ ದೊರೆಯುತ್ತದೆ. ಸ್ನಾಯುಗಳು ಬಲವಾಗುತ್ತದೆ.
5. ರೋಗ ನಿರೋಧಕ ಸಾಮರ್ಥ್ಯ ಹೆಚ್ಚಿಸುತ್ತದೆ
ಜಾಗಿಂಗ್ ಮಾತ್ರವಲ್ಲ, ಯಾವುದೇ ಬಗೆಯ ವ್ಯಾಯಾಮ ಮಾಡಿದರೆ ನಿಮ್ಮಲ್ಲಿ ರೋಗ ನಿರೋಧಕ ಸಾಮರ್ಥ್ಯ ಹೆಚ್ಚಿಸುತ್ತದೆ.
6. ಮೂಳೆಗಳಿಗೆ ಒಳ್ಳೆಯದು
ಜಾಗಿಂಗ್ ಮಾಡಿದರೆ ಸ್ನಾಯುಗಳು ಹಾಗೂ ಮೂಳೆಗಳು ಬಲವಾಗುತ್ತದೆ. ಓಡುವಾಗ ಬರುವ ಬೆವರು ದೇಹದಲ್ಲಿರುವ ಬೇಡದ ರಾಸಾಯನಿಕಗಳನ್ನು ಹೊರಹಾಕುತ್ತದೆ.
7. ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ
ಇದು ದೇಹಕ್ಕೆ ಮಾತ್ರವಲ್ಲ, ನಮ್ಮ ವ್ಯಕ್ತಿತ್ವಕ್ಕೂ ಒಂದು ಶೇಪ್ ಕೊಡುತ್ತದೆ . ಯಾವುದೇ ಕೆಲಸಕ್ಕೆ ಆತ್ಮವಿಶ್ವಾಸ ಅವಶ್ಯಕ. ಜಾಗಿಂಗ್ ನಮ್ಮಲ್ಲಿ ಆತ್ಮವಿಶ್ವಾಸವನ್ನು ತುಂಬುತ್ತದೆ.
8. ರಕ್ತ ಸಂಚಾರ ಹೆಚ್ಚಿಸುತ್ತದೆ
ದೇಹದಲ್ಲಿ ರಕ್ತಸಂಚಾರದ ತೊಂದರೆಯುಂಟಾದರೆ ಕಾಯಿಲೆಗಳು ಉಂಟಾಗುತ್ತದೆ. ಜಾಗಿಂಗ್ ರಕ್ತವನ್ನು ಶುದ್ಧೀಕರಿಸುತ್ತದೆ, ರಕ್ತ ಸಂಚಾರ ಸರಿಯಾಗಿರುವಂತೆ ನೋಡಿಕೊಳ್ಳುತ್ತದೆ. ದೇಹವು ಆಮ್ಲಜನಕವನ್ನು ಹೆಚ್ಚು ಹೀರಿಕೊಂಡು ಆರೋಗ್ಯದ ಸ್ವಾಸ್ಥ್ಯವನ್ನು ಹೆಚ್ಚಿಸುತ್ತದೆ.
9. ಉದ್ವೇಗವನ್ನು ಕಮ್ಮಿ ಮಾಡುತ್ತದೆ
ಯಾವುದಾದರೂ ವಿಷಯಕ್ಕೆ ಬೇಗನೆ ಉದ್ವೇಗಕ್ಕೆ ಒಳಗಾಗುವುದು ಒಳ್ಳೆಯದಲ್ಲ. ಜಾಗಿಂಗ್ ನಮ್ಮ ಮನಸ್ಸನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ.
10. ನಮ್ಮನ್ನು ಸಂತೋಷವಾಗಿ ಇಡುತ್ತದೆ
ಜಾಗಿಂಗ್ ಮಾಡಿದರೆ ಸಂತೋಷವನ್ನು ಉಂಟು ಮಾಡುವ ಹಾರ್ಮೋನ್ ಎಂಡ್ರೋಪೈನ್ಸ್ (endrophins)ಉತ್ಪತ್ತಿಯಾಗುವುದಿಂದ ನಮ್ಮಲ್ಲಿರುವ ಖಿನ್ನತೆಯನ್ನು ಹೋಗಲಾಡಿಸಿ, ಸಂತೋಷವನ್ನಾಗಿ ಇಡುತ್ತದೆ.