ಲ್ಯಾಕ್ಮೆ ಫ್ಯಾಷನ್ ವೀಕ್-ಮಿಂಚು ಹರಿಸಿದ ರೂಪದರ್ಶಿಯರು

By: Arshad
Subscribe to Boldsky

ಈ ಬಾರಿಯ ಲ್ಯಾಕ್ಮೆ ಫ್ಯಾಷನ್ ವೀಕ್ ಸಮ್ಮರ್ 2017ನ ಪ್ರದರ್ಶನದಲ್ಲಿ ಪ್ರಖರ ಬಣ್ಣಗಳ ಅಂತಾರ್-ಅಗ್ನಿ ಸಂಗ್ರಹವೇ ಹೆಚ್ಚು ಗಮನ ಸೆಳೆಯಿತು. ಈ ಸಂಗ್ರಹದಲ್ಲಿ ಬಿಡಿಯಾಗಿ ಧರಿಸಬಲ್ಲ ಉಡುಗೆಗಳಿಗೆ ಹೆಚ್ಚಿನ ಮಹತ್ವ ನೀಡಲಾಗಿತ್ತು. ವಿಶೇಷವಾಗಿ ಗಾಢ ನೀಲಿ ಬಣ್ಣಕ್ಕೆ ಹೆಚ್ಚಿನ ಮಹತ್ವ ನೀಡಿದರೂ ಉಳಿದ ಬಣ್ಣಗಳೂ ತಾವೇನೂ ಕಡಿಮೆ ಇಲ್ಲವೆಂಬಂತೆ ವಿಜೃಂಭಿಸಿದವು.

ಇವುಗಳ ನಡುವೆ ಎದ್ದು ಕಾಣುವಂತಹ ಅಚ್ಚಬಿಳಿಬಣ್ಣದ ಉಡುಗೆಗಳು ಮೆರುಗು ಹೆಚ್ಚಿಸಿದವು. ಆದರೆ ಈ ಉಡುಗೆಗಳಿಗಿಂತಲೂ ಹೆಚ್ಚು ಗಮನ ಸೆಳೆದ ಅಂಶವೆಂದರೆ ರೂಪದರ್ಶಿಯರು ಬದಲಿಸಿದ ತಮ್ಮ ಕೇಶದ ಬಣ್ಣ.

ಮ್ಯಾನ್ ಬನ್, ಗಾಢ ನೀಲಿ, ಬಿಳಿ ಮೊದಲಾದವು ಅವರು ಉಟ್ಟ ಉಡುಗೆಗೆ ಸೂಕ್ತವಾಗಿದ್ದವು. ಅದರಲ್ಲೂ ಪುರುಷ ರೂಪದರ್ಶಿಯರು ಹೆಚ್ಚಿನ ಅಸ್ಥೆ ವಹಿಸಿದ್ದು ಗಾಢ ಬಣ್ಣ-ತಿಳಿ ಬಣ್ಣದ ಜೋಡಿಯ ಉಡುಗೆಗಳನ್ನು ತೊಟ್ಟು ವೇದಿಕೆಯಲ್ಲಿ ಸಂಭ್ರಮಿಸಿದರು. ಬನ್ನಿ, ಈ ಪ್ರದರ್ಶನದ ಬಗ್ಗೆ ಇನ್ನೂ ಕೊಂಚ ವಿವರವಾಗಿ ತಿಳಿಯೋಣ....

lakme fashion week summer resort antar agni collection

ಸಮಗ್ರ ಪೀಚ್ ಬಣ್ಣದ ಉಡುಗೆ
ಪೀಚ್ ಬಣ್ಣ ಅಥವಾ ಕೆಂಪು ಮಿಶ್ರಿತ ಹಳದಿ ಬಣ್ಣದ ಉಡುಗೆ, ಅದರಲ್ಲೂ ಒಂದೇ ಬಟ್ಟೆಯ ದೇಹಪೂರ್ತಿ ಆವರಿಸುವ ಈ ಉಡುಗೆ ಆರಾಮದಾಯಕ ಹಾಗೂ ತೋಳಿಲ್ಲದ ಕಾರಣ ವಿಶೇಷ ಆಕರ್ಷಣೆಯನ್ನು ಪಡೆದಿದ್ದು ಪ್ರತಿಯೊಬ್ಬರೂ ಇದನ್ನೊಮ್ಮೆ ಏಕೆ ಪ್ರಯತ್ನಿಸಬಾರದು ಎಂದು ಯೋಚಿಸುವಂತಿತ್ತು.

lakme fashion week summer resort antar agni collection

ಎತ್ತರದ ಕಾಲರ್ ಹಾಗೂ ತೋಳಿಲ್ಲದ ಉಡುಗೆ
ಸಾಮಾನ್ಯವಾಗಿ ಬೇಸಿಗೆಯಲ್ಲಿ ಕುತ್ತಿಗೆಯ ಭಾಗ ಹೆಚ್ಚಾಗಿ ತೆರೆದಿರುತ್ತದೆ. ಆದರೆ ಇದಕ್ಕೆ ವ್ಯತಿರಿಕ್ತವಾಗಿ ಈ ತೋಳಿಲ್ಲದ, ಪೂರ್ಣವಾಗಿ ಒಂದೇ ಬಟ್ಟೆಯ ಉಡುಗೆಯ ಕಾಲರ್ ಇಡಿಯ ಕುತ್ತಿಗೆಯನ್ನು ಮರೆಮಾಚಿದ್ದು ಹೆಚ್ಚಿನ ಆಕರ್ಷಣೆ ಹೊಂದಿತ್ತು.

lakme fashion week summer resort antar agni collection

ಅರೆಪಾರದರ್ಶಕ ನೀಲಿ
ಪೂರ್ಣ ಬಿಳಿಯಾದ ಸಾಮಾನ್ಯ ಬಟ್ಟೆಗಳನ್ನು ತೊಟ್ಟು ಇದರ ಮೇಲೆ ಒಂದು ಅರೆಪಾರದರ್ಶಕ ಬಟ್ಟೆಯನ್ನು ಹೆಗಲಿನ ಎರಡೂ ಕಡೆಗಳಿಂದ ಸುತ್ತಿ ಎದೆಯ ಮೇಲೆ ಒಂದು ಬಟನ್ ಮೂಲಕ ಬಂಧಿಸಿದರೆ ಎಷ್ಟು ಆಕರ್ಷಣೀಯವಾಗುತ್ತದೆ ಎಂಬುದನ್ನು ಈ ಚತುರ ವಿನ್ಯಾಸಕರು ತೋರಿಸಿದ್ದಾರೆ.

lakme fashion week summer resort antar agni collection

ನಾವೆಷ್ಟು ಮುದ್ದಾಗಿ ಕಾಣುತ್ತಿದ್ದೇವೆ ಅಲ್ಲವೇ
ಕುತ್ತಿಗೆಯನ್ನು ಪೂರ್ತಿ ಮುಚ್ಚಿದರೂ ಹೊಕ್ಕುಳ ಭಾಗವನ್ನು ಕೊಂಚ ತೆರೆದಿರುವ ಮೂಲಕ ಎಷ್ಟು ಮುದ್ದಾಗಿ ಕಾಣುತ್ತಿದ್ದೇವೆ ಅಲ್ಲವೇ?

lakme fashion week summer resort antar agni collection

ಕುತ್ತಿಗೆಯಿಂದ ಪಾದದವರೆಗೂ ಗಾಢನೀಲಿಯೇ ನೀಲಿ
ಬಿಳಿಯ ಕುತ್ತಿಗೆಯ ಕಾಲರ್, ಗಾಢ ನೀಲಿ ಬಣ್ಣದ ಸ್ಕರ್ಟ್ ಮತ್ತು ಇದೇ ಬಣ್ಣದ ಪ್ಯಾಂಟ್, ನೀಳ ತೋಳಿನ ಈ ಉಡುಗೆ ಬಿಸಿಲಿಗೆ ಸೂಕ್ತ ಎನ್ನಿಸದಿರದು.

ಇನ್ನಷ್ಟು ನೀಲಿಯ ಉಡುಗೆಗಳು
ತ್ರಿಕೋಣಾಕೃತಿಯಲ್ಲಿ ಹೊಕ್ಕುಳನ್ನು ಮಾತ್ರ ತೋರುವ ಈ ಉಡುಗೆಯೂ ಪೂರ್ಣವಾಗಿ ಗಾಢ ನೀಲಿಯೇ ಎಂಬುದೊಂದು ವಿಶೇಷ

lakme fashion week summer resort antar agni collection

ಹಳೆಯ ಉಡುಗೆಗೆ ಮತ್ತೊಮ್ಮೆ ಆದ್ಯತೆ
ಕೊಂಚ ಹಿಂದಿನ ಫ್ಯಾಷನ್ ಆಗಿದ್ದ ಕೇಪ್ ಶರ್ಟ್ ಮತ್ತು ಧೋತಿ ಪ್ಯಾಂಟ್ ಗಳು ಈಗ ಮತ್ತೊಮ್ಮೆ ಚರ್ಚಿಗೆ ಬಂದಿವೆ.

English summary

lakme fashion week summer resort antar agni collection

Antar-Agni is all about blues and whites for the summer fashion and you're going to adore this collection.
Please Wait while comments are loading...
Subscribe Newsletter