For Quick Alerts
ALLOW NOTIFICATIONS  
For Daily Alerts

ಬಾಲಿವುಡ್ ಅಂಗಳದಲ್ಲಿ ತಮಾಷಾ ಜೋಡಿಗಳ ರಿಂಗಣ

By Super
|

ರಣಬೀರ್ ಕಪೂರ್ ಮತ್ತು ದೀಪಿಕಾ ಜೋಡಿ ಚಿತ್ರವೆಂದರೆ ಅದಕ್ಕೆ ಯಶಸ್ಸು ಕಟ್ಟಿಟ್ಟ ಬುತ್ತಿ ಎಂಬ ಮಾತಿದೆ. ಅವರು ನಟಿಸಿದ್ದ ಯೇ ಜವಾನಿ ಹೇ ದಿವಾನಿ, ಬಚನಾ ಯೇ ಹಸೀನೊ ಚಿತ್ರದ ಅಭೂತಪೂರ್ವ ಯಶಸ್ಸು ಇದಕ್ಕೆ ಸಾಕ್ಷಿ. ಈಗ ಇದೇ ಜೋಡಿ ನಟಿಸಿರುವ ಇನ್ನೊಂದು ಚಿತ್ರ ತಮಾಷಾ ಶುಕ್ರವಾರ ಬಿಡುಗಡೆಗೊಂಡಿದೆ. ತಮಾಷಾ ಚಿತ್ರವು ಬಿಡುಗಡೆಗೆ ಮುನ್ನವೇ ಸಿನಿ ಅಂಗಳದಲ್ಲಿ ಸದ್ದನ್ನು ಮಾಡಿದ್ದು ಚಿತ್ರ ಗಲ್ಲಾ ಪೆಟ್ಟಿಗೆಯನ್ನು ಬಾಚುವುದು ಖಂಡಿತ ಎಂಬುದಾಗಿ ಬಾಲಿವುಡ್ ಪಂಡಿತರು ಭವಿಷ್ಯ ನುಡಿದಿದ್ದರು.

ರಣಬೀರ್ ಮತ್ತು ದೀಪಿಕಾ ಕೂಡ ಚಿತ್ರದಲ್ಲಿ ಗಮನ ಸೆಳೆಯುವಂತಹ ಪಾತ್ರಗಳನ್ನು ನಿರ್ವಹಿಸಿದ್ದು, ಚಿತ್ರದ ಬಿಡುಗಡೆಯ ಮುಂಚಿನ ಪ್ರಚಾರ ಕಾರ್ಯದಲ್ಲಿ ತಮ್ಮನ್ನು ಅದ್ಭುತವಾಗಿಯೇ ತೊಡಗಿಸಿಕೊಂಡಿದ್ದರು. ಚಿತ್ರದದ ಯಶಸ್ಸು ಅದನ್ನು ಜನರಿಗೆ ನಾವು ಹೇಗೆ ತಲುಪಿಸುತ್ತೇವೆ ಎಂಬುದರ ಮೇಲಿದೆ ಎಂಬ ಸಿದ್ಧಾಂತವನ್ನು ಅನುಸರಿಸಿಕೊಂಡೇ ಈ ಬಾಲಿವುಡ್ ಜೋಡಿಗಳು ಪ್ರಚಾರ ಕಾರ್ಯದಲ್ಲಿ ಕೊಂಚವೂ ಲೋಪ ದೋಷವುಂಟಾಗದಂತೆ ಕಾರ್ಯನಿರ್ವಹಿಸಿದ್ದಾರೆ.

Good-Looking Party: Deepika, Ranbir And Imtiaz At The Promotions Of Tamasha

ಪ್ರಚಾರ ಕಾರ್ಯಕ್ರಮದಲ್ಲಿ ದೀಪಿಕಾ ರಣಬೀರ್ ಜೋಡಿ ಗಮನ ಸೆಳೆಯುವಂತಹ ರೀತಿಯಲ್ಲಿ ಸ್ಫೂರ್ತಿಯ ಸೆಲೆಯಾಗಿದ್ದರು. ಹೆಚ್ಚು ಚಟುವಟಿಕೆಯಿಂದ ತಮ್ಮ ಚಿತ್ರದ ಪ್ರಚಾರದಲ್ಲಿ ಒಂದಿನಿತೂ ಲೋಪವುಂಟಾಗದಂತೆ ಭರ್ಜರಿ ತಯಾರಿ ನಡೆಸಿದ್ದ ಬಾಲಿವುಡ್ ಮಾಜಿ ಪ್ರೇಮಿಗಳು ಸೌಹಾರ್ದಯುತವಾಗಿಯೇ ಚಿತ್ರದ ಪ್ರಮೋಶನ್ ಅನ್ನು ಮಾಡಿದ್ದಾರೆ. ಇನ್ನು ಇವರಿಬ್ಬರ ಜೊತೆ ನಿರ್ದೇಶಕ ಇಮ್ತಿಯಾಜ್ ಆಲಿ ಕೂಡ ಆಕರ್ಷಕವಾಗಿದ್ದರು.

ದೀಪಿಕಾ ಪಡುಕೊಣೆ ಮತ್ತು ಆಕೆಯ ಸೌಂದರ್ಯದ ಕುರಿತಾಗಿ ಏನು ತಾನೇ ಮಾತನಾಡೋಣ. ಆಕೆಯ ಸೌಂದರ್ಯವು ನಮ್ಮನ್ನು ಎಂದಿಗೂ ಮೈಮರೆಯುವಂತೆ ಮಾಡುತ್ತದೆ. ಈ ಸಮಾರಂಭದಲ್ಲಿ ಆಕೆ ಬಿಳಿಯ ಸ್ಕರ್ಟ್ ತೊಟ್ಟ ಗಂಧರ್ವ ಕನ್ಯೆಯಂತೆ ಕಂಡು ಬಂದಿದ್ದರು. ಅವರು ಧರಿಸಿದ್ದ ಸ್ವೆಟರ್-ಸ್ಕರ್ಟ್ ಡ್ರೆಸ್ ಋತುಧಗೆಗೆ ಹೇಳಿ ಮಾಡಿಸಿದಂತ್ತಿತ್ತು. ಸ್ಟೈಲಿಶ್ ಎಂದೆನಿಸಿದ್ದ ಚಪ್ಪಲಿ ಮತ್ತು ನೇತಾಡುವ ಕಿವಿಯಾಭರಣದ ಮೂಲಕ ದಿರಿಸಿಗೆ ದೀಪಿಕಾ ಇನ್ನಷ್ಟು ಫ್ಯಾಷನ್ ಟಚ್ ಅನ್ನು ನೀಡಿದ್ದರು. ಅಲ್ಲದೆ ಆಕೆ ತನ್ನ ಟ್ರೇಡ್ ಮಾರ್ಕ್ ಆಗಿದ್ದ ಬನ್ ಪೆಪ್ಡ್‌ನಿಂದ ಇನ್ನಷ್ಟು ಚೆಂದವಾಗಿದ್ದರು.

ರಣ್‌ಬೀರ್ ಸಹ ರಗಡ್ ಲುಕ್‌ನಲ್ಲಿ ಮಿರಿ ಮಿರಿ ಮಿಂಚುತ್ತಿದ್ದರು. ಡಿಸ್ಟ್ರೆಸ್ ಆಗಿದ್ದ ಡೆನಿಮ್ ಮತ್ತು ಅದಕ್ಕೆ ಒಪ್ಪುವ ಕ್ರ್ಯೂ ನೆಕ್ ಬ್ಲಾಕ್ ಟಿ-ಶರ್ಟ್, ಅದರ ಮೇಲೆ ನೀಲಿ ಬಣ್ಣದ ಜಂಪರ್ ಧರಿಸಿ, ಈ ಸುಂದರಾಂಗ ವೇದಿಕೆಯ ಮೇಲಿನಿಂದ ಎಲ್ಲರ ಕಣ್ಣು ಕುಕ್ಕುತ್ತಿದ್ದರು. ನಿರ್ದೇಶಕ ಇಮ್ತಿಯಾಜ್ ಅಲಿ ಸಹ ರಣ್‌ಬೀರ್ ಧರಿಸಿದ್ದ ಉಡುಗೆಗಳನ್ನು ಅನುಸರಿಸಿದ್ದರು. ಇವರು ಸಹ ನೀಲಿ ಡೆನಿಮ್ ಮತ್ತು ಕಪ್ಪು ಶರ್ಟ್ ಧರಿಸಿದ್ದರು. ಜೊತೆಗೆ

ಕಪ್ಪು ಜಂಪರ್ ಜಾಕೆಟ್ ಅನ್ನು ಧರಿಸಿದ್ದರು. ಒಟ್ಟಿನಲ್ಲಿ ಈ ಮೂವರಲ್ಲಿ ಯಾರಿಗೆ ನಮ್ಮ ಮತವನ್ನು ಹಾಕುವುದು ಎಂಬ ಜಿಜ್ಞಾಸೆ ಕಂಡುಬರುವಂತಿತ್ತು. ಅಂತೂ ಈ ಮೂವರೂ ಸ್ಟೈಲಿಶ್ ದಿರಿಸುಗಳಿಂದಲೇ ತಮ್ಮ ಚಿತ್ರದ ಪ್ರಚಾರವನ್ನು ಮಾಡಿದ್ದರು ಪ್ರೇಕ್ಷಕರನ್ನು ಚಿತ್ರ ನೋಡುವಂತೆ ಆಕರ್ಷಿಸಿದ್ದರು. ಹಾಗಿದ್ದರೆ ನೀವೂ ತಡಮಾಡದೇ ತಮಾಷಾದ ತಮಾಷೆಯನ್ನು ಆಸ್ವಾದಿಸಲು ಸಿದ್ಧರಾಗಿ.

English summary

Good-Looking Party: Deepika, Ranbir At The Promotions Of Tamasha

During the tamasha film promotion programe, We again spotted Deepika Padukone and Ranbir Kapoor, accompanied by the director Imtiaz Ali. Well, what can we say, Deepika Padukone once again swept us off our feet! She looked jaw-dropping gorgeous in her white ensemble.
Story first published: Sunday, November 29, 2015, 12:41 [IST]
X
Desktop Bottom Promotion