Just In
- 13 hrs ago ವೃಷಭ ರಾಶಿಗೆ ಗುರು ಸಂಚಾರ: ಗುರು ನಿಮ್ಮ ಲಗ್ನ ಮನೆಯಲ್ಲಿ ಇರುವುದರಿಂದ ಇದರ ಪ್ರಭಾವ ಹೇಗಿರಲಿದೆ?
- 13 hrs ago ವೃಷಭ ರಾಶಿಗೆ ದೇವಗುರುವಿನ ಸಂಚಾರ: ಮೇಷ ರಾಶಿಗಳಿಗೆ ಇದರ ಪ್ರಭಾವ ಹೇಗಿರಲಿದೆ?
- 14 hrs ago ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- 15 hrs ago ದಿನ ಭವಿಷ್ಯ ಏಪ್ರಿಲ್ 19: ಶುಕ್ರವಾರದ ಈ ಶುಭ ದಿನ ನಿಮ್ಮ ರಾಶಿಗೆ ಹೇಗಿರಲಿದೆ?
Don't Miss
- Automobiles ದೊಡ್ಡ ಸಿಗ್ನಲ್ ಕೊಟ್ಟ ಫೋರ್ಡ್: ಭಾರತಕ್ಕೆ ಬರುತ್ತಿದೆ ಹೊಸ ಎಸ್ಯುವಿ... ಟಾಟಾಗೆ ಆತಂಕ ಶುರು
- Finance Gold rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Movies ಹರ್ಷಿಕಾ ಪೂಣಚ್ಚ- ಭುವನ್ ಪೊನ್ನಣ್ಣ ಹಲ್ಲೆ; "ನಮ್ಮ ಬೆಂಗಳೂರಿನಲ್ಲಿ ನಾವು ಎಷ್ಟು ಸುರಕ್ಷಿತ?" ಎಂದ ನಟಿ
- Sports ಜೈಪುರ ವ್ಯಾಕ್ಸ್ ಮ್ಯೂಸಿಯಂನಲ್ಲಿ ವಿರಾಟ್ ಕೊಹ್ಲಿ ಮೇಣದ ಪ್ರತಿಮೆ; ದಿಗ್ಗಜರ ಸಾಲಿಗೆ ಸೇರಿದ ಶ್ರೇಷ್ಠ ಬ್ಯಾಟರ್
- News Heavy Rain: ಭಾರೀ ಗಾಳಿ, ಮಳೆಗೆ ಧರೆಗುರುಳಿದ ಮರಗಳು, ವಿದ್ಯುತ್ ಕಂಬಗಳು: ಸಿಡಿಲು ಬಡಿದು 25 ಮೇಕೆಗಳ ಸಾವು
- Technology ಇಂದು ಸ್ಯಾಮ್ಸಂಗ್ ಗ್ಯಾಲಕ್ಸಿ F15 5G ಫೋನ್ ಸೇಲ್!..ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಹಲ್ಲುಜ್ಜುವ ಪೇಸ್ಟ್ನಿಂದ ಸೌಂದರ್ಯವನ್ನು ಮರಳಿ ಪಡೆಯಬಹುದೇ?
ಹಲ್ಲುಜ್ಜುವ ಪೇಸ್ಟ್ ಹೆಸರೇ ಹೇಳುವಂತೆ ಹಲ್ಲುಗಳ ಸ್ವಚ್ಛತೆಗಾಗಿ ಇರುವುದು. ಸ್ವಲ್ಪ ಹೆಚ್ಚು ಎಂದರೆ ಮನೆಯ ಬೆಳ್ಳಿಯ ಪಾತ್ರೆಗಳನ್ನು ಸ್ವಚ್ಛಗೊಳಿಸಲು ಉಪಯೋಗಿಸಬಹುದು. ಚರ್ಮದ ಆರೈಕೆಗೆ ಎಂದರೆ? ಹೌದು, ಈ ದ್ರಾವಣದಲ್ಲಿರುವ ವಿವಿಧ ರಾಸಾಯನಿಕಗಳು ಚರ್ಮದ ಹಲವು ತೊಂದರೆಗಳಿಗೆ ನೆರವು ನೀಡಬಲ್ಲುದು. ಕಪ್ಪು ಕಲೆಗಳನ್ನು ತೊಲಗಿಸಲು, ನೆರಿಗೆ ನಿವಾರಿಸಲು, ಮೊಡವೆ, ಕಪ್ಪುಚುಕ್ಕೆ ಮೊದಲಾದ ತೊಂದರೆಗಳನ್ನು ನಿವಾರಿಸಲು ಉಪಯುಕ್ತವಾಗಿವೆ. ಮನೆ ವಸ್ತುಗಳ ಶುಚಿತ್ವದಲ್ಲಿ ಟೂತ್ ಪೇಸ್ಟ್ ಬಳಕೆ!
ಇದರ ಸೂಕ್ತಪ್ರಮಾಣ ಹಾಗೂ ಸರಿಯಾದ ಕ್ರಮದಲ್ಲಿ ಉಪಯೋಗಿಸಿದರೆ ಉತ್ತಮ ಪರಿಣಾಮಗಳನ್ನು ಪಡೆದು ಸೌಂದರ್ಯ ಮತ್ತು ಸಹಜಕಾಂತಿ ಪಡೆಯಬಹುದು. ಸೌಂದರ್ಯದ ವಿಷಯಕ್ಕೆ ಬಂದಾಗ ಇದು ಕೇವಲ ಮಹಿಳೆಯರಿಗೆ ಮಾತ್ರ ಎಂದು ತಿಳಿದುಕೊಂಡಿದ್ದರೆ ಅದು ತಪ್ಪು. ಈ ಸಲಹೆಗಳು ಪುರುಷರ ಗಡಸು ಚರ್ಮಕ್ಕೂ ಅನ್ವಯಿಸುತ್ತದೆ. ಇದರ ಪ್ರಮುಖವಾದ ಉಪಯೋಗ ಮತ್ತು ಸತ್ಪರಿಣಾಮಗಳನ್ನು ಇಲ್ಲಿ ನೀಡಲಾಗಿದೆ.
ಚರ್ಮವನ್ನು ಬೆಳ್ಳಗಾಗಿಸಲು ನೆರವಾಗುತ್ತದೆ
ಸೂರ್ಯನ ಪ್ರಖರ ಬೆಳಕಿನ ಕಾರಣ ಚರ್ಮ ಕಪ್ಪಗಾಗಿದ್ದರೆ ಸಹಜವರ್ಣವನ್ನು ಮರುಪಡೆಯಲು ಟೂಥ್ ಪೇಸ್ಟ್ ನೆರವಾಗುತ್ತದೆ. ಇದಕ್ಕಾಗಿ ಟೂಥ್ ಪೇಸ್ಟ್ ಮತ್ತು ಲಿಂಬೆರಸವನ್ನು ಸಮಪ್ರಮಾಣದಲ್ಲಿ ಬೆರೆಸಿ ಮುಖದ ಚರ್ಮಕ್ಕೆ ಹಚ್ಚಿಕೊಂಡು ಒಣಗಲು ಬಿಡಿ. ಸುಮಾರು ಅರ್ಧಘಂಟೆ (ಉರಿ ಎನಿಸಿದರೆ ಇನ್ನೂ ಮೊದಲೇ) ತಣ್ಣೀರಿನಿಂದ ತೊಳೆದುಕೊಳ್ಳಿ. (ಸೋಪು ಉಪಯೋಗಿಸಬೇಡಿ)
ಮೊಡವೆಗಳನ್ನು ಬುಡಸಹಿತ ನಿವಾರಿಸುತ್ತದೆ
ಹದಿಹರೆಯದವರಿಗೆ ಮೊಡವೆಗಳು ಅತಿ ಹೆಚ್ಚು ತೊಂದರೆ ನೀಡುತ್ತವೆ. ಮೊಡವೆ ಕಂಡ ಮೊದಲ ದಿನ ಚಿವುಟಬೇಡಿ. ಚಿವುಟುವುದರಿಂದ ಈ ತೊಂದರೆ ಇನ್ನಷ್ಟು ಹೆಚ್ಚುತ್ತದೆ. ಬದಲಿಗೆ ರಾತ್ರಿ ಮಲಗುವ ಮುನ್ನ ಈ ಮೊಡವೆಯ ಮೇಲೆ ಟೂಥ್ ಪೇಸ್ಟ್ ಅನ್ನು ನಯವಾಗಿ ಹಚ್ಚಿ ರಾತ್ರಿಯಿಡೀ ಹಾಗೇ ಇರಲು ಬಿಡಿ. ಬೆಳಿಗ್ಗೆ ಮೊಡವೆ ಇಳಿದುಹೋಗುತ್ತದೆ. ಒಳ್ಳೆಯ ಅಂಶವೆಂದರೆ ಕಲೆ ಸಹಾ ಉಳಿಯುವುದಿಲ್ಲ.
ಹಳೆಯ ಕಲೆಗಳನ್ನು ನಿವಾರಿಸುತ್ತದೆ
ಮಾಹಿತಿಯ ಕೊರತೆಯಿಂದಾಗಿ ಹಿಂದಿನ ಮೊಡವೆಗಳನ್ನು ಚಿವುಟಿ ತೆಗೆದಿದ್ದರೆ ಆ ಸ್ಥಳದಲ್ಲಿ ಕಪ್ಪು ಕಲೆಗಳು ಉಳಿದಿರುತ್ತವೆ. ಇದಕ್ಕಾಗಿ ಟೂಥ್ ಪೇಸ್ಟ್ ಮತ್ತು ಹಾಲನ್ನು ಸಮಪ್ರಮಾಣದಲಿಲ್ ಬೆರೆಸಿ ಕಲೆಗಳ ಜಾಗದಲ್ಲಿ ಹಚ್ಚಿ ರಾತ್ರಿಯಿಡೀ ಒಣಗಲು ಬಿಡಿ. ಬೆಳಿಗ್ಗೆ ತಣ್ಣೀರಿನಿಂದ ತೊಳೆದುಕೊಳ್ಳಿ. (ಸೋಪು ಉಪಯೋಗಿಸಬೇಡಿ)
ಚರ್ಮದ ನೆರಿಗೆಗಳನ್ನು ನಿವಾರಿಸುತ್ತದೆ
ಇತ್ತೀಚೆಗೆ ಮೂಡಿರುವ ನೆರಿಗೆಗಳನ್ನು ಟೂಥ್ ಪೇಸ್ಟ್ ನಿವಾರಿಸುತ್ತದೆ. (ಹಳೆಯ ನೆರಿಗೆಗಳು ಹೆಚ್ಚು ಸಮಯ ತೆಗೆದುಕೊಳ್ಳಬಹುದು). ಇದಕ್ಕಾಗಿ ರಾತ್ರಿ ಮಲಗುವ ಮುನ್ನ ಟೂಥ್ ಪೇಸ್ಟ್ ಅನ್ನು ನೀರು ಸೇರಿಸದೇ ಹಾಗೇ ಹಚ್ಚಿ ಮಲಗಿ. ಬೆಳಿಗ್ಗೆ ತಣ್ಣೀರಿನಿಂದ ತೊಳೆದುಕೊಳ್ಳಿ. (ಸೋಪು ಉಪಯೋಗಿಸಬೇಡಿ)
ಕಪ್ಪುಕಲೆಗಳಿಗೆ ಟೊಮೇಟೊ ಮತ್ತು ಟೂಥ್ ಪೇಸ್ಟ್
ಹಳೆಯ ಕಪ್ಪು ಕಲೆಗಳಿಗೆ ಟೂಥ್ ಪೇಸ್ಟ್ ಮತ್ತು ಟೊಮೇಟೊ ಮಿಶ್ರಣವೂ ಉತ್ತಮವಾಗಿದೆ. ಸಮಪ್ರಮಾಣದಲ್ಲಿ ಇವೆರಡನ್ನೂ ಬೆರೆಸಿ ಮುಖವಿಡೀ ಆವರಿಸುವಂತೆ ಮಾಸ್ಕ್ ಮಾಡಿಕೊಳ್ಳಿ. ರಾತ್ರಿಯಿಡೀ ಒಣಗಲು ಬಿಟ್ಟು ಬೆಳಿಗ್ಗೆ ತಣ್ಣೀರಿನಿಂದ ತೊಳೆದುಕೊಳ್ಳಿ. (ಸೋಪು ಉಪಯೋಗಿಸಬೇಡಿ)
ಕಪ್ಪು ಚುಕ್ಕೆಗಳನ್ನೂ ನಿವಾರಿಸುತ್ತದೆ
ಹದಿಹರೆಯದಿಂದ ವೃದ್ದರವರೆಗೂ ಬ್ಲಾಕ್ ಹೆಡ್ ಅಥವಾ ಕಪ್ಪು ತಲೆ ಅಥವಾ ಕಪುಚುಕ್ಕೆಗಳು ಚಿಂತೆಯ ವಿಷಯವಾಗಿದೆ. ಇದಕ್ಕಾಗಿ ಅಕ್ರೋಟಿನ ತಿರುಳನ್ನು ನಯವಾಗಿ ಅರೆದು ಸಮಪ್ರಮಾಣದಲ್ಲಿ ಟೂಥ್ ಪೇಸ್ಟ್ ನೊಂದಿಗೆ ಮಿಶ್ರಣ ಮಾಡಿಕೊಳ್ಳಿ. ಈ ಮಿಶ್ರಣವನ್ನು ಕಪ್ಪುತಲೆ ಇರುವಲ್ಲಿ ಹಚ್ಚಿ ನಯವಾಗಿ ಮಸಾಜ್ ಮಾಡಿ. ರಾತ್ರಿಯಿಡೀ ಒಣಗಲು ಬಿಟ್ಟು ಬೆಳಿಗ್ಗೆ ತಣ್ಣೀರಿನಿಂದ ತೊಳೆದುಕೊಳ್ಳಿ. (ಸೋಪು ಉಪಯೋಗಿಸಬೇಡಿ)
ಕಪ್ಪುಗೆರೆಗಳನ್ನೂ ನಿವಾರಿಸುತ್ತದೆ
ಕೆಲವೊಮ್ಮೆ ಚರ್ಮದಲ್ಲಿ ಕಪ್ಪುಗೆರೆಗಳು ಎದ್ದು ಕಾಣುತ್ತವೆ. ಇದನ್ನು ಮರೆಯಾಗಿಸಲು ನೀರು ಮತ್ತು ಟೂಥ್ ಪೇಸ್ಟ್ ಸಮಪ್ರಮಾಣದಲ್ಲಿ ಬೆರೆಸಿ ಗೆರೆಗಳಿರುವಲ್ಲಿ ಹಚ್ಚಿ. ರಾತ್ರಿಯಿಡೀ ಒಣಗಲು ಬಿಟ್ಟು ಬೆಳಿಗ್ಗೆ ತಣ್ಣೀರಿನಿಂದ ತೊಳೆದುಕೊಳ್ಳಿ. (ಸೋಪು ಉಪಯೋಗಿಸಬೇಡಿ)