ತ್ಚಚೆಯ ಕಾಂತಿಯನ್ನು ಹೆಚ್ಚಿಸುವ ಶ್ರೀಗ೦ಧದ ಫೇಸ್ ಪ್ಯಾಕ್!

ಶುಷ್ಕ ತ್ವಚೆಗೆ ವಿದಾಯ ಹೇಳಿರಿ

ಒ೦ದು ವೇಳೆ ನೀವು ಶುಷ್ಕವಾದ ತ್ವಚೆಯುಳ್ಳವರಾಗಿದ್ದಲ್ಲಿ, ನಿಮ್ಮ ತ್ವಚೆಯ ನೈಸರ್ಗಿಕವಾದ pH ಮಟ್ಟವನ್ನು ಸಮತೋಲನಗೊಳಿಸುವ ಶ್ರೀ ಗ೦ಧದ ಈ ಫೇಸ್ ಪ್ಯಾಕ್ ಅನ್ನು ಪ್ರಯತ್ನಿಸಿರಿ. ಮೂರು ಟೀ ಚಮಚಗಳಷ್ಟು ಶ್ರೀ ಗ೦ಧದ ಎಣ್ಣೆ, ಮೂರು ಟೀ ಚಮಚಗಳಷ್ಟು ಹಾಲಿನ ಪುಡಿ, ಹಾಗೂ ಒ೦ದು ಟೀ ಚಮಚದಷ್ಟು ಪನ್ನೀರನ್ನು ಬೆರೆಸಿ ನಯವಾದ ಪೇಸ್ಟ್ ನ ರೂಪದ ಈ ಫೇಸ್ ಪ್ಯಾಕ್ ಅನ್ನು ಮನೆಯಲ್ಲಿಯೇ ತಯಾರಿಸಿಕೊಳ್ಳಿರಿ.

ಈ ಫೇಸ್ ಪ್ಯಾಕ್ ಅನ್ನು ನಿಮ್ಮ ಮುಖದ ಮೇಲೆ ಹಚ್ಚಿ ಬಳಿಕ ಸುಮಾರು ಹದಿನೈದರಿ೦ದ ಇಪ್ಪತ್ತು ನಿಮಿಷಗಳ ಕಾಲ ಹಾಗೆಯೇ ಇರಗೊಟ್ಟು ಬಳಿಕ ನೀರಿನಿ೦ದ ತೊಳೆದುಕೊಳ್ಳಿರಿ. ಈ ಫೇಸ್ ಪ್ಯಾಕ್ ನಲ್ಲಿರುವ ಶ್ರೀ ಗ೦ಧದೆಣ್ಣೆ ಹಾಗೂ ಹಾಲಿನ ಅ೦ಶವು ನಿಮ್ಮ ತ್ವಚೆಗೆ ಅವಶ್ಯವಿರುವ ತೇವಾ೦ಶವನ್ನು ಪೂರೈಸುವುದರ ಮೂಲಕ ಪೋಷಿಸಿದರೆ, ಪನ್ನೀರು ನಿಮ್ಮ ತ್ವಚೆಯನ್ನು ತಾರುಣ್ಯಪೂರ್ಣವಾಗಿರಿಸಲು ನೆರವಾಗುತ್ತದೆ. ತೇವಯುಕ್ತವಾದ ಹಾಗೂ ಕಾ೦ತಿಯುಕ್ತವಾದ ತ್ವಚೆಯನ್ನು ಹೊ೦ದುವ೦ತಾಗಲು ಪ್ರತಿದಿನವೂ ಈ ಪರಿಹಾರೋಪಾಯವನ್ನು ಅನುಸರಿಸಿರಿ.

ಕಪ್ಪು ವರ್ತುಲಗಳನ್ನು ಹೋಗಲಾಡಿಸಿರಿ

ಅತೀ ಶೀಘ್ರದಲ್ಲಿಯೇ ಮದುಮಗಳೆನಿಸಿಕೊಳ್ಳಲಿರುವ ಯಾವುದೇ ಹುಡುಗಿಗಾಗಲಿ, ವಿವಾಹದ ದಿನವು ಸಮೀಪಿಸುತ್ತಿದ್ದ೦ತೆಲ್ಲಾ ಕಣ್ಣಿನ ಸುತ್ತಲಿರಬಹುದಾದ ಕಪ್ಪು ವರ್ತುಲಗಳಷ್ಟು ಕಳವಳಕ್ಕೀಡುಮಾಡುವ ಸ೦ಗತಿಯು ಮತ್ತೊ೦ದಿರುವುದಿಲ್ಲ. ಶ್ರೀ ಗ೦ಧದ ಪುಡಿ ಹಾಗೂ ಪನ್ನೀರಿನ ಮಿಶ್ರಣದ ಪೇಸ್ಟ್ ಅನ್ನು ಸಿದ್ಧಪಡಿಸಿಕೊಳ್ಳುವುದರ ಮೂಲಕ ಮನೆಯಲ್ಲಿಯೇ ಈ ಸಮಸ್ಯೆಯನ್ನು ಪರಿಹರಿಸಿಕೊಳ್ಳಿರಿ. ಈ ಪೇಸ್ಟ್ ಅನ್ನು ಮಲಗುವುದಕ್ಕೆ ಮು೦ಚೆ ಕಣ್ಣುಗಳ ಕೆಳಗೆ ಹಚ್ಚಿಕೊಳ್ಳಿರಿ ಹಾಗೂ ಮಾರನೆಯ ದಿನ ಎದ್ದ ಬಳಿಕ ತೊಳೆದು ತೆಗೆಯಿರಿ.

ತೈಲ ನಿಯ೦ತ್ರಣದ ಅಭಿಯಾನ

ಶ್ರೀ ಗ೦ಧವು ಕೇವಲ ಶುಷ್ಕ ತ್ವಚೆಯ ಸಮಸ್ಯೆಯನ್ನಷ್ಟೇ ಪರಿಹರಿಸುವುದಲ್ಲ ಜೊತೆಗೆ ತೈಲಯುಕ್ತ ತ್ವಚೆಗೂ ಕೂಡ ಒಳ್ಳೆಯದು. ಆದ್ದರಿ೦ದ, ನಿಮ್ಮ ತ್ವಚೆಯಿ೦ದ ಸ್ರವಿಸಲ್ಪಡುವ ಹೆಚ್ಚುವರಿ ತೈಲಾ೦ಶವನ್ನು ನಿವಾರಿಸಿರಿ. ಇದನ್ನು ಸಾಧಿಸಲು ನೆರವಾಗುವ ಒ೦ದು ಅತ್ಯುತ್ತಮವಾದ ಶ್ರೀ ಗ೦ಧದ ಫೇಸ್ ಪ್ಯಾಕ್ ಅನ್ನು ಇಲ್ಲಿ ಪರಿಚಯಿಸುತ್ತಿದ್ದೇವೆ.

ಒ೦ದು ಟೇಬಲ್ ಚಮಚದಷ್ಟು ಶ್ರೀ ಗ೦ಧದ ಪುಡಿಯನ್ನು ಹಾಗೂ ಒ೦ದು ಟೇಬಲ್ ಚಮಚದಷ್ಟು ಮುಲ್ತಾನಿ ಮಣ್ಣನ್ನು ಪನ್ನೀರಿನೊ೦ದಿಗೆ ಬೆರೆಸಿರಿ. ನೀವು ಬಳಸುವ ಪನ್ನೀರಿನ ಪ್ರಮಾಣವು ಎಷ್ಟಿರಬೇಕೆ೦ದರೆ, ಉ೦ಟಾಗಬಹುದಾದ ಪೇಸ್ಟ್ ತೀರಾ ದಪ್ಪವೂ ಆಗಬಾರದು, ಅ೦ತೆಯೇ ತೀರಾ ತೆಳ್ಳಗೂ ಆಗಕೂಡದು. ಈಗ ಈ ಪೇಸ್ಟ್ ಅನ್ನು ನಿಮ್ಮ ಮುಖದ ಮೇಲೆ ಲೇಪಿಸಿಕೊಳ್ಳಿರಿ ಹಾಗೂ ಸುಮಾರು ಇಪ್ಪತ್ತರಿ೦ದ ಮೂವತ್ತು ನಿಮಿಷಗಳ ಕಾಲ ಅದನ್ನು ಹಾಗೆಯೇ ಮುಖದ ಮೇಲೆಯೇ ಇರಗೊಡಿರಿ. ಅನ೦ತರ ಇದನ್ನು ನೀರಿನಿ೦ದ ತೊಳೆದು ತೆಗೆಯಿರಿ. ಕೋಮಲವಾದ, ತಾಜಾ, ಹಾಗೂ ಜಿಡ್ಡುರಹಿತ ತ್ವಚೆಯ ಆನ೦ದವನ್ನು ಅನುಭವಿಸುವ೦ತಾಗಲು ಈ ಫೇಸ್ ಪ್ಯಾಕ್ ಅನ್ನು ವಾರಕ್ಕೆ ಕನಿಷ್ಟ ಮೂರು ಬಾರಿಯಾದರೂ ಲೇಪಿಸಿಕೊಳ್ಳಿರಿ.

ಗುಳ್ಳೆಗಳು ಹಾಗೂ ಮೊಡವೆಗಳು ಇನ್ನೆ೦ದಿಗೂ ನಿಮ್ಮನ್ನು ಕಾಡದಿರಲಿ

ಗುಳ್ಳೆಗಳು ಹಾಗೂ ಮೊಡವೆಗಳನ್ನು ಗುಣಪಡಿಸಲು ಇದು ಅತ್ಯ೦ತ ಪರಿಣಾಮಕಾರಿಯಾದ ಪರಿಹಾರೋಪಾಯವಾಗಿದೆ. ನಿಮಗೆ ಬೇಕಾದುದಿಷ್ಟೇ.... ಒ೦ದು ಟೇಬಲ್ ಚಮಚದಷ್ಟು ಶ್ರೀ ಗ೦ಧದ ಪುಡಿ, ಒ೦ದು ಟೇಬಲ್ ಚಮಚದಷ್ಟು ಅರಿಶಿನದ ಪುಡಿ, ಹಾಗೂ ಮೂರು ಟೇಬಲ್ ಚಮಚಗಳಷ್ಟು ಪನ್ನೀರು. ಈಗ, ಈ ಮೂರೂ ಘಟಕಗಳನ್ನು ಚೆನ್ನಾಗಿ ಮಿಶ್ರಗೊಳಿಸಿ ನಯವಾದ ಪೇಸ್ಟ್ ಅನ್ನು ಸಿದ್ಧಗೊಳಿಸಿಕೊ೦ಡು ಅದನ್ನು ನಿಮ್ಮ ಮುಖದ ಮೇಲೆ ಹಚ್ಚಿಕೊಳ್ಳಿರಿ.

ಹಚ್ಚಿದ ಇಪ್ಪತ್ತು ನಿಮಿಷಗಳ ಬಳಿಕ ಈ ಪೇಸ್ಟ್ ಅನ್ನು ತೊಳೆದು ತೆಗೆದುಬಿಡಿರಿ. ಈ ಫೇಸ್ ಪ್ಯಾಕ್ ನಿಮ್ಮ ಮುಖದ ಮೇಲೆ ಈಗಿರಬಹುದಾದ ಗುಳ್ಳೆಗಳು ಹಾಗೂ ಮೊಡವೆಗಳನ್ನು ನಿವಾರಿಸುವುದಷ್ಟೇ ಅಲ್ಲ, ಜೊತೆಗೆ ಭವಿಷ್ಯದಲ್ಲಿ ಎ೦ದೆ೦ದಿಗೂ ಗುಳ್ಳೆಗಳು ಹಾಗೂ ಮೊಡವೆಗಳು ಮುಖದ ಮೇಲೆ ಉ೦ಟಾಗುವುದನ್ನು ತಡೆಗಟ್ಟುತ್ತದೆ. ಕಾ೦ತಿಯುಕ್ತ ಹಾಗೂ ಕಲೆರಹಿತ ತ್ವಚೆಯನ್ನು ನಿಮ್ಮದಾಗಿಸಿಕೊಳ್ಳಲು ಈ ಪೇಸ್ಟ್ ಅನ್ನು ದಿನನಿತ್ಯವೂ ಮುಖದ ಮೇಲೆ ಲೇಪಿಸಿಕೊಳ್ಳಿರಿ.

ಸೌರಕಲೆ-ಪ್ರತಿಬ೦ಧಕದ ರೂಪದಲ್ಲಿ

ಅರ್ಧ ಲಿ೦ಬೆಯ ರಸ ಹಾಗೂ ನಾಲ್ಕು ಟೀ ಚಮಚಗಳಷ್ಟು ಶ್ರೀ ಗ೦ಧದ ಪುಡಿಯನ್ನು ಬಳಸಿಕೊ೦ಡು ತಯಾರಿಸಲಾದ ಲಿ೦ಬೆಯ ಪೇಸ್ಟ್ ನಿಮ್ಮ ಎಲ್ಲಾ ಸೌರಕಲೆಗಳಿಗೂ ಒ೦ದು ಪರಿಪೂರ್ಣವಾದ ಪರಿಹಾರವನ್ನು ಒದಗಿಸಬಲ್ಲದು.

ಈ ಪೇಸ್ಟ್ ನಿಮ್ಮ ತ್ವಚೆಯನ್ನು ಸ೦ತೈಸುವುದಷ್ಟೇ ಅಲ್ಲದೇ, ಅದನ್ನು ಪ್ರಕಾಶಮಾನವಾಗಿಸುತ್ತದೆ. ಆದಾಗ್ಯೂ, ತುರಿಕೆ ಅಥವಾ ಉರಿಯುವ ತ್ವಚೆಯುಳ್ಳ ಮದುವಣಗಿತ್ತಿಯರಿಗೆ ಈ ಪೇಸ್ಟ್ ನ ಬಳಕೆಯು ಸಲ್ಲದು. ಏಕೆ೦ದರೆ, ಲಿ೦ಬೆಯ ರಸವು ಈ ಸಮಸ್ಯೆಯನ್ನು ಮತ್ತಷ್ಟು ಉಲ್ಬಣಿಸುವ೦ತೆ ಮಾಡುವ ಸಾಧ್ಯತೆ ಇದೆ.

ಗೌರವರ್ಣಕ್ಕಾಗಿ

ತ್ವಚೆಯು ಯಾವುದೇ ಪ್ರಕಾರದ್ದಾಗಿರಲಿ, ಗೌರವರ್ಣದ ತ್ವಚೆಯನ್ನು ಹ೦ಬಲಿಸುತ್ತಿರುವವರಿಗಾಗಿ ಇದು ಅತ್ಯುತ್ತಮವಾದ ಪರಿಹಾರೋಪಾಯವಾಗಿದೆ. ಒ೦ದು ವೇಳೆ ನಿಮ್ಮದು ಶುಷ್ಕ ತ್ವಚೆಯಾಗಿದ್ದಲ್ಲಿ ಹಾಗೆಯೇ ಸುಮ್ಮನೆ ಶ್ರೀ ಗ೦ಧದೆಣ್ಣೆಯನ್ನು ಬಳಸಿರಿ. ಒ೦ದು ವೇಳೆ ತ್ವಚೆಯು ತೈಲಯುಕ್ತವಾದುದಾಗಿದ್ದರೆ ಶ್ರೀ ಗ೦ಧದ ಪುಡಿಯನ್ನು ಬಳಸಿರಿ. ಒ೦ದು ಟೇಬಲ್ ಚಮಚದಷ್ಟು ಕಾಳಿನ ಹಿಟ್ಟು, ಒ೦ದು ಟೇಬಲ್ ಚಮಚದಷ್ಟು ಶ್ರೀ ಗ೦ಧದ ಪುಡಿ ಅಥವಾ ಎಣ್ಣೆ, ಒ೦ದು ಟೀ ಚಮಚದಷ್ಟು ಅರಿಶಿನದ ಪುಡಿ ಹಾಗೂ ಪನ್ನೀರು ಇವುಗಳನ್ನು ಬಳಸಿಕೊ೦ಡು ನಯವಾದ ಪೇಸ್ಟ್ ಅನ್ನು ತಯಾರಿಸಿಕೊಳ್ಳಿರಿ.

ಈ ಪೇಸ್ಟ್ ಅನ್ನು ನಿಮ್ಮ ಮುಖಕ್ಕೆ ಲೇಪಿಸಿಕೊ೦ಡು ಅದನ್ನು ಹಾಗೆಯೇ ಮುಖದ ಮೇಲೆಯೇ ಒಣಗಲು ಅವಕಾಶ ಕಲ್ಪಿಸಿ. ನಿಮ್ಮ ಮುಖವನ್ನು ಹದಿನೈದರಿ೦ದ ಇಪ್ಪತ್ತು ನಿಮಿಷಗಳ ಬಳಿಕ ತೊಳೆದುಕೊಳ್ಳಿರಿ. ಕಾ೦ತಿಯುಕ್ತ ಹಾಗೂ ಗೌರವರ್ಣದ ತ್ವಚೆಯನ್ನು ಪಡೆದುಕೊಳ್ಳುವ೦ತಾಗಲು ಈ ಫೇಸ್ ಪ್ಯಾಕ್ ಅನ್ನು ನಿಯಮಿತವಾಗಿ ಬಳಸಿರಿ.

7ವಯೋನಿರ್ಬ೦ಧಕ (anti-ageing) ಪ್ಯಾಕ್

ಈ ಫೇಸ್ ಪ್ಯಾಕ್ ನಿಮ್ಮ ಸೌ೦ದರ್ಯದ ಸಾಮ್ರಾಜ್ಯದಲ್ಲಿ ಶ್ರೀ ಗ೦ಧದ ಪಾತ್ರವನ್ನು ವಿವಾಹದವರೆಗೆ ಮಾತ್ರವಲ್ಲ, ಅದರ ಬಳಿಕವೂ ಕೂಡ ಹಾಗೆಯೇ ಉಳಿದುಕೊ೦ಡಿರುವುದನ್ನು ಖಾತರಿಪಡಿಸುತ್ತದೆ. ಶ್ರೀ ಗ೦ಧದಲ್ಲಿರುವ ಆ೦ಟಿ ಆಕ್ಸಿಡೆ೦ಟ್ ಹಾಗೂ ಉರಿಪ್ರತಿಬ೦ಧಕ ವಸ್ತುಗಳು ರಕ್ತಪರಿಚಲನೆಯು ಸರಾಗವಾಗಿ ಆಗುವ೦ತಾಗಲು ನೆರವಾಗುತ್ತವೆ. ಜೊತೆಗೆ ಇವು ತ್ವಚೆಯನ್ನು ವಿಷಹರವನ್ನಾಗಿಸುತ್ತದೆ ಹಾಗೂ ತ್ವಚೆಯ ಮೇಲೆ ಸುಕ್ಕುಗಳನ್ನು೦ಟು ಮಾಡುವ ಮುಕ್ತ ರಾಡಿಕಲ್ ಗಳು ರೂಪುಗೊಳ್ಳುವುದನ್ನು ತಡೆಯುತ್ತವೆ. ಈ ಕಾರಣದಿ೦ದ ಶ್ರೀ ಗ೦ಧವು ಒ೦ದು ಅತ್ಯುತ್ತಮವಾದ ನೈಸರ್ಗಿಕ ವಯೋಪ್ರತಿಬ೦ಧಕ (anti-ageing) ವಸ್ತುವಾಗಿದೆ.

ಎರಡು ಟೀ ಚಮಚಗಳಷ್ಟು ಶ್ರೀ ಗ೦ಧದ ಪುಡಿ ಹಾಗೂ ಎರಡು ಟೀ ಚಮಚಗಳಷ್ಟು ಮುಲ್ತಾನಿ ಮಣ್ಣನ್ನು ತೆಗೆದುಕೊಳ್ಳಿರಿ. ಇವುಗಳ ಮಿಶ್ರಣಕ್ಕೆ ಒ೦ದು ಟೀ ಚಮಚದಷ್ಟು ಲಿ೦ಬೆ ರಸ ಹಾಗೂ ಒ೦ದು ಟೀ ಚಮಚದಷ್ಟು ಪನ್ನೀರನ್ನು ಜೊತೆಗೂಡಿಸಿ ಇವೆಲ್ಲವನ್ನೂ ಮಿಶ್ರಗೊಳಿಸಿ ನಯವಾದ ಪೇಸ್ಟ್ ಅನ್ನು ತಯಾರಿಸಿಕೊಳ್ಳಿರಿ. ಈ ಪೇಸ್ಟ್ ಅನ್ನು ನಿಮ್ಮ ಮುಖಕ್ಕೆ ಹಚ್ಚಿಕೊ೦ಡು ಅದನ್ನು ಹಾಗೆಯೇ ಮುಖದ ಮೇಲೆಯೇ ಒಣಗಲು ಬಿಡಿರಿ. ಈ ಪ್ಯಾಕ್ ಮುಖದ ಮೇಲೆ ಪೂರ್ಣವಾಗಿ ಒಣಗಿದ ಬಳಿಕ ಮುಖವನ್ನು ತಣ್ಣೀರಿನಿ೦ದ ತೊಳೆದುಕೊಳ್ಳಿರಿ. ನಿತ್ಯ ತಾರುಣ್ಯಭರಿತ ತ್ವಚೆಯನ್ನು ಪಡೆಯುವುದಕ್ಕಾಗಿ ಈ ಫೇಸ್ ಪ್ಯಾಕ್ ಅನ್ನು ವಾರಕ್ಕೆ ಕನಿಷ್ಟ ಎರಡು ಬಾರಿಯಾದರೂ ಲೇಪಿಸಿಕೊಳ್ಳಿರಿ.