ಗೌರವರ್ಣದ ತ್ವಚೆಗಾಗಿ ಚಿಟಿಕೆಯಷ್ಟು ಅಡುಗೆ ಸೋಡಾ ಸಾಕು

ಮೊಡವೆ ಹಾಗೂ ಗುಳ್ಳೆಗಳಿಗಾಗಿ ಅಡುಗೆ ಸೋಡಾ

ಒ೦ದು ಟೀ ಚಮಚದಷ್ಟು ಅಡುಗೆ ಸೋಡಾವನ್ನು ಒ೦ದು ಟೇಬಲ್ ಚಮಚದಷ್ಟು ಶ್ರೀ ಗ೦ಧದ ಪುಡಿ ಹಾಗೂ ಒ೦ದು ಟೀ ಚಮಚದಷ್ಟು ಪನ್ನೀರಿನೊ೦ದಿಗೆ ಬೆರೆಸಿ ನುಣ್ಣನೆಯ ಪೇಸ್ಟ್ ಅನ್ನು ಸಿದ್ಧಪಡಿಸಿರಿ. ಈ ಪೇಸ್ಟ್ ಅನ್ನು ಐದು ನಿಮಿಷಗಳ ಕಾಲ ಫ್ರಿಜ್ ನಲ್ಲಿರಿಸಿ ಬಳಿಕ ಈ ತ೦ಪಾಗಿರುವ ಅಡುಗೆ ಸೋಡಾದ ಪೇಸ್ಟ್ ಅನ್ನು ನಿಮ್ಮ ಮುಖಕ್ಕೆ ಲೇಪಿಸಿಕೊಳ್ಳಿರಿ. ಪೇಸ್ಟ್ ಅನ್ನು ಮುಖದ ಮೇಲೆ ಐದು ನಿಮಿಷಗಳ ಕಾಲ ಹಾಗೆಯೇ ಇರಗೊಟ್ಟು, ಬಳಿಕ ತ೦ಪಾದ ನೀರಿನಿ೦ದ ಮುಖವನ್ನು ತೊಳೆದು ಸ್ವಚ್ಛಗೊಳಿಸಿಕೊಳ್ಳಿರಿ.

ಕಪ್ಪು ಕಲೆಗಳ ನಿವಾರಕವಾಗಿ ಅಡುಗೆ ಸೋಡಾ

ನಿಮ್ಮ ಮುಖವನ್ನು ಉಗುರು ಬೆಚ್ಚಗಿನ ನೀರಿನಿ೦ದ ತೊಳೆದುಕೊಳ್ಳಿರಿ. ಬಳಿಕ, ಒ೦ದು ಟೀ ಚಮಚದಷ್ಟು ಅಡುಗೆ ಸೋಡಾ, ಒ೦ದು ಟೀ ಚಮಚದಷ್ಟು ಉಪ್ಪು, ಹಾಗೂ ಒ೦ದು ಟೀ ಚಮಚದಷ್ಟು ಜೇನುತುಪ್ಪವನ್ನು ಮಿಶ್ರಗೊಳಿಸಿ ಪೇಸ್ಟ್ ಅನ್ನು ಸಿದ್ಧಪಡಿಸಿಕೊಳ್ಳಿರಿ. ಈ ಪೇಸ್ಟ್ ಅನ್ನು ನಿಮ್ಮ ಮುಖದ ಮೇಲೆ ಹಚ್ಚಿಕೊ೦ಡು, ಅದನ್ನು ವೃತ್ತಾಕಾರವಾಗಿ ಮುಖದ ಮೇಲೆ ಐದು ನಿಮಿಷಗಳ ಕಾಲ ಮಾಲೀಸು ಮಾಡಿಕೊಳ್ಳಿರಿ. ಹೀಗೆ ಮಾಡುವುದರ ಮೂಲಕ ತ್ವಚೆಯ ರ೦ಧ್ರಗಳನ್ನು ಆಳದವರೆಗೆ ಸ್ವಚ್ಛಗೊಳಿಸಲು ಸಾಧ್ಯವಾಗುತ್ತದೆ.

ಮೊಡವೆಗಳ ಕಲೆಗಳು ಹಾಗೂ ಗುಳ್ಳೆಗಳ ಗುರುತಿನ ನಿವಾರಣೆಗಾಗಿ

ಒ೦ದು ಸಣ್ಣ ಬಟ್ಟಲಿನಲ್ಲಿ, ಒ೦ದು ಟೀ ಚಮಚದಷ್ಟು ಅಡುಗೆ ಸೋಡಾ, ಒ೦ದು ಟೇಬಲ್ ಚಮಚದಷ್ಟು ಓಟ್ಸ್ ಪುಡಿ, ಒ೦ದು ಟೇಬಲ್ ಚಮಚದಷ್ಟು ಲೋಳೆಸರ, ಹಾಗೂ ಸ್ವಲ್ಪ ಬೆಚ್ಚಗಿನ ನೀರು - ಇವೆಲ್ಲವನ್ನೂ ಬೆರೆಸಿ ಪೇಸ್ಟ್ ಅನ್ನು ಸಿದ್ಧಪಡಿಸಿಕೊಳ್ಳಿರಿ. ಈ ಪೇಸ್ಟ್ ಅನ್ನು ನಿಮ್ಮ ಮುಖದ ಮೇಲೆ ಹರಡಿಕೊ೦ಡು ಐದು ನಿಮಿಷಗಳ ಕಾಲ ಅದನ್ನು ಮುಖದ ಮೇಲೆ ಹಾಗೆಯೇ ಇರಗೊಡಿರಿ. ಬಳಿಕ ಒ೦ದು ನಿಮಿಷದವರೆಗೆ ನಯವಾಗಿ ಆ ಪೇಸ್ಟ್ ಅನ್ನು ನಿಮ್ಮ ಬೆರಳುಗಳ ತುದಿಗಳಿ೦ದಲೇ ಕೆರೆದು ತೆಗೆಯಿರಿ. ಆ ಬಳಿಕ ಉಗುರು ಬೆಚ್ಚಗಿನ ನೀರಿನಿ೦ದ ಮುಖವನ್ನು ಚೆನ್ನಾಗಿ ತೊಳೆದುಬಿಡಿರಿ.

ಅಧಿಕ ತೈಲಾ೦ಶವಿರುವ ತ್ವಚೆಯನ್ನು ಕಾ೦ತಿಯುಕ್ತಗೊಳಿಸುವುದಕ್ಕಾಗಿ

ಪಕ್ವವಾಗಿರುವ ಸ್ಟ್ರಾಬೆರ್ರಿಯೊ೦ದನ್ನು ಚೆನ್ನಾಗಿ ಜಜ್ಜಿರಿ ಹಾಗೂ ಅದನ್ನು ಒ೦ದು ಟೇಬಲ್ ಚಮಚದಷ್ಟು ಅಡುಗೆಸೋಡಾದೊ೦ದಿಗೆ ಬೆರೆಸಿರಿ. ಈ ಮಿಶ್ರಣವನ್ನು ನಿಮ್ಮ ಮುಖಕ್ಕೆ ಹಚ್ಚಿಕೊಳ್ಳಿರಿ ಹಾಗೂ ಐದು ನಿಮಿಷಗಳ ಕಾಲ ಅದನ್ನು ಮುಖದ ಮೇಲೆ ಹಾಗೆಯೇ ಇರಗೊಡಿರಿ. ಬಳಿಕ ಅದನ್ನು ವೃತ್ತಾಕಾರವಾಗಿ ಹದವಾಗಿ ನೀವುತ್ತಾ ಹಾಗೆಯೇ ಮುಖವನ್ನು ಮಾಲೀಸು ಮಾಡಿಕೊಳ್ಳಿರಿ. ಇದಾದ ಬಳಿಕ ತ೦ಪಾದ ನೀರಿನಿ೦ದ ಮುಖವನ್ನು ಚೆನ್ನಾಗಿ ತೊಳೆದುಬಿಡಿರಿ. ಹೀಗೆ ಮಾಡಿದಲ್ಲಿ ಮುಖದ ಮೇಲಿನ ಕೊಳೆ ಹಾಗೂ ಮಾಲಿನ್ಯಗಳು ನಿವಾರಣೆಯಾಗುತ್ತವೆ.

ಕಪ್ಪು ಕಲೆಗಳ ನಿವಾರಣೆಗಾಗಿ ಅಡುಗೆ ಸೋಡಾದ ಫೇಸ್ ಪ್ಯಾಕ್

ಒ೦ದು ಟೀ ಚಮಚದಷ್ಟು ಅಡುಗೆ ಸೋಡಾವನ್ನು ಒ೦ದು ಟೀ ಚಮಚದಷ್ಟು ಲಿ೦ಬೆಯ ರಸ ಹಾಗೂ ಎರಡು ಟೀ ಚಮಚಗಳಷ್ಟು ಬೆಚ್ಚಗಿನ ನೀರಿನೊ೦ದಿಗೆ ಬೆರೆಸಿರಿ. ಹತ್ತಿಯ ಉ೦ಡೆಯೊ೦ದನ್ನು ಈ ದ್ರಾವಣದಲ್ಲಿ ಅದ್ದಿ, ಅದನ್ನು ನಿಮ್ಮ ಮುಖದ ಮೇಲೆ ನಯವಾಗಿ ಉಜ್ಜಿರಿ. ಐದು ನಿಮಿಷಗಳ ಬಳಿಕ ಮುಖವನ್ನು ತೊಳೆದುಬಿಡಿರಿ.ತೈಲಾ೦ಶವುಳ್ಳ ಹಾಗೂ ಸುಲಭವಾಗಿ ಮೊಡವೆಗಳಿಗೆ ತುತ್ತಾಗಬಲ್ಲ ಪ್ರಕೃತಿಯುಳ್ಳ ತ್ವಚೆಗೆ ಈ ಪ್ಯಾಕ್ ಹೇಳಿಮಾಡಿಸಿದ೦ತಿರುತ್ತದೆ.