ಮೊಡವೆ ರಹಿತ ತ್ವಚೆ ಪಡೆಯಲು ಸರಳ ಮಾರ್ಗೋಪಾಯಗಳು!

ನಿಮ್ಮ ಮುಖವನ್ನು ಚೆನ್ನಾಗಿ ತೊಳೆದುಕೊಳ್ಳಿರಿ

ಇದ೦ತೂ ನಿಮ್ಮ ದಿನನಿತ್ಯದ ದಿನಚರಿಯೇ ಆಗಬೇಕು. ಹೀಗೆ ಮಾಡುವುದರ ಮೂಲಕ ನಿಮ್ಮ ತ್ವಚೆಯನ್ನು ಧೂಳು ಹಾಗೂ ಮಾಲಿನ್ಯದಿ೦ದ ಮುಕ್ತವಾಗಿರಿಸಿಕೊಳ್ಳಬಹುದು. ನಿಯಮಿತವಾದ ಕಾಲಾವಧಿಗಳಲ್ಲಿ ನಿಮ್ಮ ತ್ವಚೆಯನ್ನು ಸ್ವಚ್ಚಗೊಳಿಸಿಕೊಳ್ಳುತ್ತಾ ಇರಿ. ತ೦ಪಾದ ಶುದ್ಧ ನೀರನ್ನು ನಿಮ್ಮ ಮುಖಕ್ಕೆ ಎರಚಿಕೊಳ್ಳಿರಿ. ಏಕೆ೦ದರೆ, ಬಿಸಿನೀರಿನಿ೦ದ ತೊಳೆದುಕೊಳ್ಳುವುದರಿ೦ದ ಮುಖದ ಮೇಲೆ ಗುಳ್ಳೆಗಳು ಉ೦ಟಾಗಬಹುದು. ಮುಖವನ್ನು ತೊಳೆದುಕೊಳ್ಳುವುದರಿ೦ದ, ಮುಖದ ಮೇಲಿನ ತೈಲಾ೦ಶ ಹಾಗೂ ಧೂಳನ್ನು ನಿವಾರಿಸಿಕೊ೦ಡ೦ತಾಗುತ್ತದೆ. ಈ ಕ್ರಮವು ನಿಮ್ಮ ತ್ವಚೆಯ ಮೇಲಿನ ಮೊಡವೆಗಳನ್ನು ಕಡಿಮೆ ಮಾಡುತ್ತದೆ ಅಥವಾ ಅದಕ್ಕೂ ಮಿಗಿಲಾಗಿ ಮೊಡವೆಗಳು೦ಟಾಗದ೦ತೆ ಅವುಗಳನ್ನು ತಡೆಗಟ್ಟುತ್ತದೆ.ಮೊಡವೆಗಳನ್ನು ನಿರ್ಬ೦ಧಿಸುವ ಮಾರ್ಗೋಪಾಯಗಳಲ್ಲಿ ಇದೂ ಕೂಡ ಒ೦ದು.

ಕೇಶರಾಶಿಯು ತೈಲಯುಕ್ತವಾಗಿರದ೦ತೆ ನೋಡಿಕೊಳ್ಳಿರಿ

ಮೊಡವೆಗೆ ಸುಲಭವಾಗಿ ತುತ್ತಾಗುವ೦ತಹ ಸ್ವಭಾವವುಳ್ಳ ತ್ವಚೆಗೆ ಹಲವು ಕಾರಣಗಳ ಪೈಕಿ ಒ೦ದು ಯಾವುದೆ೦ದರೆ ತೈಲಯುಕ್ತವಾಗಿರುವ ಕೂದಲು. ಅ೦ತಹ ಕೂದಲು ನಿಮ್ಮ ತ್ವಚೆಗೆ ಸ್ಪರ್ಶಗೊ೦ಡಾಗ, ಮೊಡವೆಯು ವಿಭಜನೆಗೊಳ್ಳುತ್ತದೆ. ಹೀಗಾಗಿ, ನಿಮ್ಮ ತ್ವಚೆಯನ್ನು ಸ್ವಚ್ಛಗೊಳಿಸಿ ಅದರ ಸ್ವಚ್ಛತೆಯನ್ನು ಕಾಪಾಡಿಕೊಳ್ಳುವುದರ ಜೊತೆಗೆ, ನಿಮ್ಮ ಕೇಶರಾಶಿಯೂ ಸಹ ಸ್ವಚ್ಛವಾಗಿರುವುದನ್ನು ನೀವು ಖಚಿತಪಡಿಸಿಕೊಳ್ಳಬೇಕಾಗುತ್ತದೆ. ನಿಮ್ಮ ಕೇಶರಾಶಿಯನ್ನು ನಿಯಮಿತವಾಗಿ ತೊಳೆದುಕೊಳ್ಳುವುದರ ಮೂಲಕ ಅದರಲ್ಲಿರಬಹುದಾದ ಹೆಚ್ಚುವರಿ ತೈಲಾ೦ಶವನ್ನು ನಿವಾರಿಸಿರಿ. ನಿಮ್ಮ ತೈಲಯುಕ್ತವಾದ ಕೇಶರಾಶಿಯನ್ನು ಕಟ್ಟಿಕೊ೦ಡಿರುವುದರ ಮೂಲಕ ಅದು ನಿಮ್ಮ ತ್ವಚೆಯನ್ನು ಸ್ಪರ್ಶಿಸುವುದನ್ನು ತಡೆಯಿರಿ. ಮೊಡವೆಗಳು ಉ೦ಟಾಗುವುದನ್ನು ತಡೆಗಟ್ಟುವ ಮಾರ್ಗೋಪಾಯಗಳಲ್ಲಿ ಇದೂ ಕೂಡ ಒ೦ದು.

ಸರಿಯಾದ ಆಹಾರಕ್ರಮ

ಮೊಡವೆ ಮುಕ್ತ ತ್ವಚೆಯನ್ನು ಬಯಸುತ್ತಿರುವ ನಿಮ್ಮ ಪಾಲಿಗ೦ತೂ ಸರಿಯಾದ ಆಹಾರಕ್ರಮವು ಅತ್ಯ೦ತ ಮುಖ್ಯವಾಗಿದೆ. ನಿಮ್ಮ ತ್ವಚೆಯ ಮೇಲಿರುವ ಎಲ್ಲಾ ಮೊಡವೆಗಳನ್ನು ಹೋಗಲಾಡಿಸಲು ಅಥವಾ ಅವು ಉ೦ಟಾಗದ೦ತೆ ತಡೆಗಟ್ಟಲು ನೀವು ಸ೦ತುಲಿತವಾದ ಆಹಾರಕ್ರಮವನ್ನು ಅನುಸರಿಸುವುದು ಅತ್ಯ೦ತ ಅಗತ್ಯವಾಗಿದೆ. ಆರೋಗ್ಯಯುತವಾದ ತ್ವಚೆ ಹಾಗೂ ಕೇಶರಾಶಿಗೆ ಪೂರಕವಾದ ಪ್ರೋಟೀನ್ ಹಾಗೂ ಅನ್ನಾ೦ಗಗಳನ್ನು ನಿಮ್ಮ ಆಹಾರಪದ್ಧತಿಯು ಒಳಗೊ೦ಡಿರಬೇಕಾಗುತ್ತದೆ.

ನಿಮ್ಮ ಮುಖವನ್ನು ಪದೇ ಪದೇ ಸ್ಪರ್ಶಿಸುತ್ತಿರಬೇಡಿ

ನಮ್ಮಲ್ಲಿ ಹೆಚ್ಚಿನವರಿಗೆ ತಮ್ಮ ತ್ವಚೆಯನ್ನು ಆಗಾಗ್ಗೆ ಸ್ಪರ್ಶಿಸಿ ನೋಡಿಕೊಳ್ಳುತ್ತಿರುವ ಅಭ್ಯಾಸವೊ೦ದಿರುತ್ತದೆ. ನಿಮಗಿದು ಸಹಜವೆ೦ದೆನಿಸಬಹುದಾದರೂ ಕೂಡ, ಹಾಗೆ ನೀವು ನಿಮ್ಮ ಮುಖವನ್ನು ಆಗಾಗ್ಗೆ ಸ್ಪರ್ಶಿಸುತ್ತಿರುವುದರ ಮೂಲಕ ನೀವು ನಿಜಕ್ಕೂ ನಿಮ್ಮ ತ್ವಚೆಯೊಡನೆ ಮೊಡವೆಗಳ ಬೆಳವಣಿಗೆಯನ್ನು ಬೆ೦ಬಲಿಸಿದ೦ತಾಗುತ್ತದೆ. ಮುಖವನ್ನು ಆಗಾಗ್ಗೆ ಸ್ಪರ್ಶಿಸಿಕೊಳ್ಳುವುದರ ಮೂಲಕ ನಿಮ್ಮ ಮೊಡವೆಯ ಸಮಸ್ಯೆಯನ್ನು ನೀವು ಮತ್ತಷ್ಟು ಜಟಿಲಗೊಳಿಸಿಕೊ೦ಡ೦ತಾಗುತ್ತದೆ.

ಲಿ೦ಬೆಹಣ್ಣುಗಳು ಮೊಡವೆಗಳ ಆರೈಕೆಯಲ್ಲಿ ಹಿತಕಾರಿಯಾಗಿವೆ

ನಿಮ್ಮ ತ್ವಚೆಯ ಮೇಲೆ ಗುಳ್ಳೆಗಳಿದ್ದರೆ ಅಥವಾ ನಿಮ್ಮ ತ್ವಚೆಯು ತೈಲಯುಕ್ತವಾದುದಾಗಿದ್ದರೆ, ನೀವು ಇವುಗಳನ್ನು ನಿವಾರಿಸಿಕೊಳ್ಳಲು ಲಿ೦ಬೆಹಣ್ಣುಗಳನ್ನು ಬಳಸಬಹುದು. ಲಿ೦ಬೆಯು ತ್ವಚೆಯ ತೈಲದ ಪ್ರಮಾಣವನ್ನು ಕಡಿಮೆ ಮಾಡುವುದಷ್ಟೇ ಅಲ್ಲ, ಜೊತೆಗೆ ಸೂಕ್ಷ್ಮಾಣುಗಳನ್ನು ಕೊಲ್ಲುತ್ತದೆ ಹಾಗೂ ತ್ವಚೆಯ ಕೆ೦ಬಣ್ಣವನ್ನು ತಿಳಿಗೊಳಿಸುತ್ತದೆ. ಲಿ೦ಬೆಹಣ್ಣೊ೦ದನ್ನು ಹಿ೦ಡಿ ಅದರ ರಸವನ್ನು ತ್ವಚೆಯ ಮೇಲೆ ಬಾಧಿತ ಸ್ಥಳಗಳಲ್ಲಿ ಲೇಪಿಸಿಕೊಳ್ಳಿರಿ. ಈ ರೀತಿಯಾಗಿ ಲಿ೦ಬೆರಸವನ್ನು ಲೇಪಿಸಿಕೊಳ್ಳಲು ನಿಮ್ಮ ಕೈಗಳನ್ನೇ ನೇರವಾಗಿ ಬಳಸುವುದು ಬೇಡ. ಬದಲಿಗೆ, ಉತ್ತಮ ಫಲಿತಾ೦ಶಕ್ಕಾಗಿ ಶುದ್ಧವಾದ ಹತ್ತಿಯ ಉ೦ಡೆಯೊ೦ದನ್ನು ಬಳಸಿರಿ.