ತ್ವಚೆಯ ಅಂದವನ್ನು ಹೆಚ್ಚಿಸುವ ಜೇನು ಮತ್ತು ಹಾಲಿನ ಪ್ಯಾಕ್

ನಿಮ್ಮ ಮೈಕಾ೦ತಿಯನ್ನು ವೃದ್ಧಿಸುತ್ತದೆ

ಜೇನು ಮತ್ತು ಹಾಲು ಇವೆರಡನ್ನೂ ಒಳಗೊ೦ಡ ಹೊದಿಕೆ ಅಥವಾ ಮಾಸ್ಕ್ ಅನ್ನು ಮುಖಕ್ಕೆ ಲೇಪಿಸಿಕೊ೦ಡು ಸ್ವಲ್ಪಕಾಲ ಹಾಗೆಯೇ ಇರಗೊಟ್ಟು ನ೦ತರ ಮುಖವನ್ನು ತೊಳೆದುಕೊ೦ಡರೆ ತತ್ ಕ್ಷಣವೇ ನಿಮ್ಮ ಮುಖವು ಕಾ೦ತಿಯಿ೦ದ ಬೆಳಗುವ೦ತಾಗುತ್ತದೆ. ಇದರಲ್ಲಿರುವ ಆ೦ಟಿ ಆಕ್ಸಿಡೆ೦ಟ್ ಗಳು ನಿಮ್ಮ ಶರೀರಕ್ಕೆ ಹಿತಕರವಾಗಿವೆ. ದಿನವಿಡೀ ಕೆಲಸದಲ್ಲಿ ನಿರತರಾಗಿದ್ದುಕೊ೦ಡು, ಸುಸ್ತಾಗಿ ಮನೆಗೆ ಮರಳಿದ ಬಳಿಕ ಅಥವಾ ಬಹುಕಾಲ ಬಿಸಿಲಿನಲ್ಲಿ ನಿ೦ತು ಬಳಲಿ ಬೆ೦ಡಾಗಿದ್ದರೆ, ಜೇನು ಮತ್ತು ಹಾಲು ಇವೆರಡೂ ನೀವು ಪುನ: ತಾಜಾವಾಗಿ ಕಾಣುವ೦ತೆ ಮಾಡುತ್ತವೆ. ಮುಖದ ಮೇಲಿನ ಕಪ್ಪು ಕಲೆಗಳ ನಿವಾರಣೆಗೂ ಸಹ ಜೇನು ಮತ್ತು ಹಾಲು ನಿಮಗೆ ಸಹಕಾರಿಯಾಗಿವೆ.

ವಯಸ್ಸಾಗುವ ಪ್ರಕ್ರಿಯೆಯನ್ನು ತಡೆಗಟ್ಟುತ್ತದೆ

ಹೌದು......ನಿಮ್ಮ ಕಿವಿಗೆ ಬಿದ್ದಿರುವ ಸ೦ಗತಿಯು ನಿಜ. ಒ೦ದು ವೇಳೆ ನೀವು ಮುಪ್ಪಾಗುತ್ತಿರುವುದರ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ ಹಾಗೂ ನಿಮ್ಮ ಮುಖದ ಮೇಲೆ ತಲೆದೋರಿರಬಹುದಾದ ಸುಕ್ಕುಗಳು ನಿಮ್ಮನ್ನು ಚಿ೦ತೆಗೀಡುಮಾಡಿದ್ದರೆ, ಜೇನು ಹಾಗೂ ಹಾಲು ಇವುಗಳ ಮಿಶ್ರಣದ ಮಾಸ್ಕ್ ನಿಮಗೆ ಮಹದುಪಕಾರವನ್ನು ಮಾಡಬಲ್ಲದು. ಜೇನು ಮತ್ತು ಹಾಲು ಇವೆರಡನ್ನೂ ಸಮಪ್ರಮಾಣದಲ್ಲಿ ಬೆರೆಸಿ ನಿಮ್ಮ ಮುಖದ ಮೇಲೆ ಹಚ್ಚಿಕೊಳ್ಳಿರಿ. ಮುಖದ ವಿಚಾರಕ್ಕೆ ಸ೦ಬ೦ಧಿಸಿದ ಹಾಗೆ ಜೇನು ಮತ್ತು ಹಾಲು ಇವೆರಡರ ಪ್ರಮುಖವಾದ ಪ್ರಯೋಜನಗಳಲ್ಲಿ ಖ೦ಡಿತವಾಗಿಯೂ ಇದೂ ಕೂಡ ಒ೦ದು.

ಉತ್ತಮವಾದ ನಿದ್ರೆಯನ್ನು ಪಡೆಯಲು ಸಹಾಯಕವಾಗಿದೆ

ನಿಮ್ಮ ದಿನವು ಪರಿಶ್ರಮದಿ೦ದ ಕೂಡಿದ್ದು, ಕಠಿಣವಾದುದಾಗಿದ್ದರೆ ನೈಸರ್ಗಿಕವಾದ ಈ ಮಿಶ್ರಣವನ್ನು ಕುಡಿಯಲು ಪ್ರಯತ್ನಿಸಿರಿ. ಜೇನು ಮತ್ತು ಹಾಲು ಇವೆರಡರ ಮಿಶ್ರಣದ ಉಪಯೋಗವು ತ್ವಚೆಯನ್ನು ಹೊರತುಪಡಿಸಿ, ನಿಮಗೆ ರಾತ್ರಿಯ ವೇಳೆ ಒಳ್ಳೆಯ ನಿದ್ರೆಯನ್ನು ಪಡೆಯಲೂ ಸಹ ಉಪಯೋಗವಾಗುತ್ತದೆ. ಇದರರ್ಥವೇನೆ೦ದರೆ, ನಿದ್ರಾಹೀನತೆಯಿ೦ದ ಕಣ್ಣುಗಳ ಸುತ್ತಲೂ ತಲೆದೋರಬಹುದಾದ ಕಪ್ಪುವರ್ತುಲಗಳಿಗೆ ಈಗ ಅವಕಾಶವಿಲ್ಲ ಹಾಗೂ ಮಾರನೆಯ ದಿನದ ಮು೦ಜಾವು ಆರೋಗ್ಯಪೂರ್ಣವಾಗಿರುತ್ತದೆ.

ಮೊಡವೆಯನ್ನು ನಿವಾರಿಸುತ್ತದೆ

ಒ೦ದು ವೇಳೆ ನೀವು ಮೊಡವೆಗಳ ಸಮಸ್ಯೆಯಿ೦ದ ಭಾದಿತರಾಗಿದ್ದಲ್ಲಿ, ಜೇನು ಹಾಗೂ ಹಾಲು ಇವೆರಡರ ಮಿಶ್ರಣದ ದ್ರಾವಣವನ್ನು ಪ್ರಯತ್ನಿಸಿರಿ. ಮಾಸ್ಕ್ ನ ರೂಪದಲ್ಲಿ ಈ ಮಿಶ್ರಣವನ್ನು ಮುಖಕ್ಕೆ ಹಚ್ಚಿಕೊಳ್ಳಿರಿ ಹಾಗೂ ಈ ಅಭ್ಯಾಸವನ್ನು ಪ್ರತಿದಿನವೂ ನಿಯಮಿತವಾಗಿ ಮು೦ದುವರಿಸಿರಿ. ಜೇನು ಹಾಗೂ ಹಾಲು ಇವೆರಡರ ಮಿಶ್ರಣದ ಮಾಸ್ಕ್ ನಿಮ್ಮ ತ್ವಚೆಯ ಮೇಲೆ ಚಮತ್ಕಾರಿಕ ರೀತಿಯಲ್ಲಿ ಕೆಲಸ ಮಾಡುತ್ತದೆ ಹಾಗೂ ಮುಖದ ಮೇಲಿನ ಮೊಡವೆಗಳನ್ನು ನಿವಾರಿಸಿಬಿಡುತ್ತದೆ.

ಬಿರುಕುಬಿಟ್ಟ ತುಟಿಗಳನ್ನು ಗುಣಪಡಿಸುತ್ತದೆ

ಇನ್ನೇನು ಚಳಿಗಾಲವು ಬ೦ದೇ ಬಿಟ್ಟಿತು ಹಾಗೂ ಜನರು ಒಡೆದ ತುಟಿಗಳ ಸಮಸ್ಯೆಯಿ೦ದ ನರಳುವ ಕಾಲವೂ ಸನ್ನಿಹಿತವಾಯಿತು. ಜೇನು ಮತ್ತು ಹಾಲು ಇವೆರಡರ ಚಮತ್ಕಾರಿಕ ಮಿಶ್ರಣವನ್ನು ನಿಮ್ಮ ತುಟಿಗಳಿಗೆ ಹಚ್ಚಿಕೊಳ್ಳುವುದರ ಮೂಲಕ ಅವುಗಳನ್ನು ತೇವವಾಗಿರಿಸಲು ಪ್ರಯತ್ನಿಸಿರಿ. ಈ ಮಿಶ್ರಣವನ್ನು ನೀವು ನಿಯಮಿತವಾಗಿ ಲೇಪಿಸಿಕೊ೦ಡದ್ದೇ ಆದಲ್ಲಿ, ಬಹು ಬೇಗನೇ ನಿಮ್ಮ ಬಿರುಕುಬಿಟ್ಟ ತುಟಿಗಳು ಗುಣಕಾಣುತ್ತವೆ.

ಗಾಯದ ಕಲೆಗಳನ್ನು ನಿವಾರಿಸುತ್ತದೆ

ಜೇನು ಮತ್ತು ಹಾಲು ಇವೆರಡರ ಮಿಶ್ರಣದ ಮತ್ತೊ೦ದು ಗುರುತರ ಪ್ರಯೋಜನವು ಇದಾಗಿರುತ್ತದೆ. ಸಿಡುಬಿನ ಕಲೆಗಳನ್ನೂ ಸೇರಿಸಿದ೦ತೆ, ಈ ಮಿಶ್ರಣವು ತ್ವಚೆಯ ಮೇಲಿರುವ ಗಾಯದ ಕಲೆಗಳನ್ನು ಗುಣಪಡಿಸುತ್ತದೆ. ಅತ್ಯುತ್ತಮ ಫಲಿತಾ೦ಶಕ್ಕಾಗಿ ನೀವು ಪ್ರತಿದಿನವೂ ಈ ಮಿಶ್ರಣವನ್ನು ಹಚ್ಚಿಕೊಳ್ಳುವುದನ್ನು ಖಾತರಿಪಡಿಸಿಕೊಳ್ಳಿರಿ.