ಮೊಡವೆಗಳ ನಿವಾರಣೆಗೆ ಜ್ಯೂಸುಗಳು

| Published: Friday, December 20, 2013, 13:00 [IST]

ಮುಖದ ಮೇಲೆ ಮೊಡವೆಯೆದ್ದರೆ ನೋವು ಕೊಡುವುದರೊಂದಿಗೆ ಮುಜುಗರ ಉಂಟುಮಾಡುತ್ತದೆ. ನೀವು ಯಾವುದೋ ಸಮಾರಂಭಕ್ಕೆ ಹೋಗಬೇಕು ಮುಖದ ಮೇಲೆ ದೊಡ್ಡ ಮೊಡವೆಯೆದ್ದಿದೆ ಎಂದರೆ ನಿಮ್ಮ ಸ್ಥಿತಿ ಏನಾಗುತ್ತದೆ ಊಹಿಸಿಕೊಳ್ಳಿ. ನೀವು ಅದನ್ನು ಮುಚ್ಚಿಡಲು ಹರಸಾಹಸ ಪಟ್ಟರೂ ಸಫಲರಾಗುವುದಿಲ್ಲ. ಮೊಡವೆಗಳು ನಿಧಾನವಾಗಿ ವಾಸಿಯಾಗುತ್ತವೆ. ಆದರೆ ಕಲೆಗಳು ಹಾಗೆ ಉಳಿದುಬಿಡುತ್ತವೆ. ಈ ಕಲೆಗಳು ನಿಮ್ಮ ಅಂದವನ್ನು ಮತ್ತಷ್ಟು ಕೆಡಿಸುತ್ತವೆ.

ಇದಕ್ಕೆ ಹಲವು ಮನೆಮದ್ದುಗಳಿವೆ. ಇವು ಚಮತ್ಕಾರಿಕ ರೀತಿಯಲ್ಲಿ ಪರಿಣಾಮ ಬೀರುತ್ತವೆ. ಆದರೆ ಇವು ಪ್ರಭಾವ ಬೀರುವುದು ಬಹಳ ನಿಧಾನವಾಗಿ. ಕ್ರೀಮುಗಳನ್ನು ಹಚ್ಚಿಕೊಳ್ಳುವುದು ಇದರ ನಿವಾರಣೆಗೆ ಮತ್ತೊಂದು ವಿಧಾನ. ಅದೇನೆ ಇರಲಿ ನೀವು ಮೊಡವೆಗಳ ನಿವಾರಿಸಲು ಜ್ಯೂಸುಗಳನ್ನು ಬಳಸಿ ಪ್ರಯತ್ನಿಸಬಹುದು. ಟೊಮೊಟೊವನ್ನು ರುಬ್ಬಿ ಅದರ ರಸವನ್ನು ಬಳಸಬಹುದು ಅಥವ ಅದನ್ನು ಕತ್ತರಿಸಿದಾಗ ಬರುವ ರಸವನ್ನು ಕೂಡ ಮೊಡವೆಗಳಿಗೆ ಹಚ್ಚಬಹುದು.

ಮೊಡವೆಗಳ ನಿವಾರಣೆಗೆ ಜ್ಯೂಸ್ ಗಳು

ಟೊಮೊಟೊ ಜ್ಯೂಸ್

ಟೊಮೊಟೊ ಜ್ಯೂಸ್ ಹಲವು ರೀತಿಯಲ್ಲಿ ಚರ್ಮಕ್ಕೆ ಒಳ್ಳೆಯದು. ಇದು ನಿಮ್ಮ ಚರ್ಮವನ್ನು ಶುಚಿಗೊಳಿಸುವುದಲ್ಲದೆ ಕಲೆಗಳು ಮತ್ತು ಮೊಡವೆಗಳನ್ನು ಕೂಡ ನಿವಾರಿಸುತ್ತದೆ. ಟೊಮೊಟೊ ಜ್ಯೂಸ್ ಸುಲಭವಾಗಿ ಸಿಗುವುದರಿಂದ ಇದನ್ನು ನಿಮ್ಮ ಚರ್ಮದ ಆರೈಕೆಗೆ ಬಳಸಬಹುದು.

ಕ್ಯಾರೆಟ್ ಜ್ಯೂಸ್

ಕ್ಯಾರೆಟ್ ಜ್ಯೂಸ್ ಕೂಡ ಮೊಡವೆಗಳ ನಿವಾರಣೆಗೆ ಪ್ರಯೋಜನಕಾರಿ. ಇದು ಚರ್ಮದ ಕಾಂತಿ ಕೂಡ ಹೆಚ್ಚಿಸುತ್ತದೆ. ನೀವು ಕ್ಯಾರೆಟ್ ಜ್ಯೂಸನ್ನು ಪ್ರತಿ ಮುಂಜಾನೆ ಖಾಲಿ ಹೊಟ್ಟೆಯಲ್ಲಿ ಕುಡಿಯಬಹುದು ಅಥವ ಈ ಜ್ಯೂಸನ್ನು ಮೊಡವೆಗಳ ಮೇಲೆ ಹಚ್ಚಬಹುದು.

ನಿಂಬೆ ಹಣ್ಣಿನ ಜ್ಯೂಸ್

ನಿಂಬೆ ಹಣ್ಣು ನೈಸರ್ಗಿಕವಾಗಿ ಬ್ಲೀಚಿಂಗ್ ಗುಣವನ್ನು ಹೊಂದಿದ್ದು ಇದು ಚರ್ಮವನ್ನು ಶುಚಿಗೊಳಿಸುತ್ತದೆ. ನಿಂಬೆ ಹಣ್ಣಿನ ಜ್ಯೂಸನ್ನು ನಿಮ್ಮ ಮುಖಕ್ಕೆ ಹಚ್ಚಿ ಇದರ ಪ್ರಯೋಜನಗಳನ್ನು ಪಡೆದುಕೊಳ್ಳಿ.

ಅಲೊವೆರ ಜ್ಯೂಸ್

ಇದು ಕೂಡ ಮೊಡವೆಗಳನ್ನು ಮತ್ತು ಕಲೆಗಳನ್ನು ತೆಗೆಯುತ್ತದೆ. ಅಲೊವೆರ ಮೊಡವೆಗಳನ್ನು ನಿವಾರಿಸುವುದಲ್ಲದೆ ಚರ್ಮದ ಮೃದುತ್ವ ಮತ್ತು ಕಾಂತಿಯನ್ನು ಹೆಚ್ಚಿಸುತ್ತದೆ.

ಕರಬೂಜದ ಹಣ್ಣಿ ಜ್ಯೂಸ್

ಇದರಲ್ಲಿ ವಿಟಮಿನ್ ಎ ಹೆಚ್ಚಿರುತ್ತದೆ. ಇದು ನಿಮ್ಮ ಆರೋಗ್ಯ ಮತ್ತು ಚರ್ಮಕ್ಕೆ ಬಹಳ ಒಳ್ಳೆಯದು. ಈ ಹಣ್ನಿನ ರಸವನ್ನು ಮೊಡವೆಗಳಿಗೆ ಹಚ್ಚುವುದರಿಂದ ಮೊಡವೆಗಳು ನಿವಾರಣೆಯಾಗುತ್ತದೆ.

ಕಿತ್ತಳೆ ಹಣ್ಣಿನ ಜ್ಯೂಸ್

ಇದರಲ್ಲಿ ವಿಟಮಿನ್ ಸಿ ಮತ್ತು ಆ್ಯಂಟಿಆ್ಯಕ್ಸಿಡೆಂಟ್ ಗಳು ಹೆಚ್ಚಿರುತ್ತದೆ. ಇದು ಚರ್ಮಕ್ಕೆ ಬಹಳ ಒಳ್ಳೆಯದು. ಇದನ್ನು ಕುಡಿಯಬಹುದು ಜೊತೆಗೆ ಮುಖಕ್ಕೆ ಕೂಡ ಹಚ್ಚಿಕೊಳ್ಳಬಹುದು. ಇದರಿಂದ ಮೊಡವೆಗಳಿಂದ ಮುಕ್ತರಾಗಬಹುದು.