ಕಪ್ಪು ತುಟಿಯ ಬದಲು ಕೆಂಪು ತುಟಿ ನಿಮ್ಮದಾಗಬೇಕೆ?

Skin Care

oi-Reena

By Hema S

| Updated: Monday, August 20, 2012, 13:55 [IST]

ಮುಖದ ಅಂದಕ್ಕೂ ಮತ್ತು ತುಟಿಗೂ ತುಂಬಾ ನಿಕಟ ಸಂಬಂಧವಿದೆ. ಆಕರ್ಷವಾದ ತುಟಿ ನಿಮ್ಮನ್ನು ಆಕರ್ಷಕವಾಗಿ ಕಾಣುವಂತೆ ಮಾಡುತ್ತದೆ. ತುಟಿ ಕಪ್ಪು ಬಣ್ಣವನ್ನು ಹೊಂದಿದ್ದರೆ ಮುಖ ಕಲೆರಹಿತವಾಗಿದ್ದು, ತುಂಬಾ ನಯವಾದ ತ್ವಚೆಯಿದ್ದರೂ ಆಕರ್ಷಕವಾಗಿ ಕಾಣಲು ಸಾಧ್ಯವಿಲ್ಲ! ಕಪ್ಪು ತುಟಿಯನ್ನು ಮರೆಮಾಚಲು ಲಿಪ್ ಸ್ಟಿಕ್ ಹಚ್ಚಿ ತುಟಿಯನ್ನು ಮತ್ತಷ್ಟು ಕಪ್ಪಾಗಿಸುವ ಬದಲು ಆರ್ಯುವೇದ ವಿಧಾನವನ್ನು ಬಳಸಿದರೆ ಗುಲಾಬಿ ತುಟಿಯ ಚೆಲುವು ನಿಮ್ಮದಾಗುವುದು.

ಕೆಂಪಾದ ತುಟಿಗೆ ಆರ್ಯುವೇದ ವಿಧಾನ ತಿಳಿಯುವ ಮೊದಲು ತುಟಿ ಕಪ್ಪಾಗಲು ಕಾರಣವೇನು ಎಂದು ತಿಳಿಯೋಣ:
1. ಧೂಮಪಾನ
2. ಕಡಿಮೆ ರಕ್ತ ಸಂಚಾರ
3. ಒತ್ತಡ ಮತ್ತು ಸುಸ್ತು
4. ಬಿಸಿಲಿನಲ್ಲಿ ತುಂಬಾ ಹೊತ್ತು ನಿಲ್ಲುವುದು
4. ಕಡಿಮೆ ಬೆಲೆಯ ಸೌಂದರ್ಯವರ್ಧಕಗಳು ಮತ್ತು ಲಿಪ್ ಸ್ಟಿಕ್ ಬಳಸುವುದು

ತುಟಿ ಈ ಮೇಲಿನ ಕಾರಣಗಳಿಂದ ಕಪ್ಪಾಗಿದ್ದರೆ ಈ ಕೆಳಗಿನ ಆರ್ಯುವೇದ ವಿಧಾನ ಬಳಸಿದರೆ ಪಿಂಕ್ ತುಟಿಯ ಚೆಲುವು ಪಡೆಯಬಹುದು:

1. ಸಕ್ಕರೆ ಮತ್ತು ಆಲೀವ್ ಎಣ್ಣೆಯನ್ನು ಮಿಶ್ರಣ ಮಾಡಿ ಅದನ್ನು ತುಟಿಗೆ ಹಾಕಿ ವೃತ್ತಾಕಾರವಾಗಿ ಉಜ್ಜಬೇಕು. ಈ ರೀತಿ ವಾರದಲ್ಲಿ ಎರಡು ಬಾರಿ ಮಾಡಿದರೆ ತುಟಿ ನೈಸರ್ಗಿಕವಾಗಿ ಪಿಂಕ್ ಬಣ್ಣವನ್ನು ಪಡೆಯುವುದರಿಂದ ಆಕರ್ಷಕ ತುಟಿ ನಿಮ್ಮದಾಗುವುದು.

2. ಹಾಲಿನ ಕೆನೆ, ತುಪ್ಪ ಅಥವಾ ಬೆಣ್ಣೆಯನ್ನು ಪ್ರತಿ ದಿನ ಮಲಗುವಾಗ ತುಟಿಗೆ ಹಚ್ಚಿದರೆ ತುಟಿ ನಯವಾಗುವುದು ಮತ್ತು ಅಕರ್ಷಕವಾಗಿ ಕಾಣುವುದು.

3. ಕಾಫಿ ಮತ್ತು ಧೂಮಪಾನದ ಚಟವನ್ನು ಬಿಡುವುದು ಒಳ್ಳೆಯದು.

4. ಸ್ವಲ್ಪ ಒಣದ್ರಾಕ್ಷಿಯನ್ನು ನೀರಿನಲ್ಲಿ ನೆನೆ ಹಾಕಿ ಅವುಗಳನ್ನು ಬೆಳಗ್ಗೆ ಎದ್ದು ಹಲ್ಲುಜ್ಜಿ ಖಾಲಿ ಹೊಟ್ಟೆಯಲ್ಲಿ ತಿನ್ನಬೇಕು. ಈ ರೀತಿ ಮಾಡುತ್ತಾ ಬಂದರೆ ಪಿಂಕ್ ತುಟಿಯನ್ನು ಪಡೆಯಬಹುದು.

5. ಆಲೀವ್ ಎಣ್ಣೆ ಅಥವಾ ಬಾದಾಮಿ ಎಣ್ಣೆಯನ್ನು ತುಟಿಗೆ ಹಚ್ಚುವುದರಿಂದ ಆಕರ್ಷಕವಾದ ತುಟಿಯನ್ನು ಪಡೆಯಬಹುದು.

6. ಒಳ್ಳೆಯ ಆಹಾರಕ್ರಮ ಪಾಲಿಸಬೇಕು.

7. ಬೀಟ್ ರೂಟ್ ಅನ್ನು ತುಟಿಗೆ ಹಚ್ಚಿದರೆ ತುಟಿ ಕೆಂಪಾಗುತ್ತದೆ.

8. ತುಟಿಗೆ ಆರ್ಯುವೇದ ಕ್ರೀಮ್ ಗಳನ್ನು ಬಳಸಿ.