ಸನ್‌ಸ್ಕ್ರೀನ್ ಲೋಷನ್ ನ ಗುಣ ಮತ್ತು ಅವಗುಣಗಳು

Skin Care

oi-Reena

By Hema S

| Updated: Friday, October 12, 2012, 12:38 [IST]

ಬಿಸಿಲಿಗೆ ಹೋಗುವಾಗ ತ್ವಚೆಗೆ ಹಾನಿಯಾಗದಿರಲಿ ಎಂದು ಸನ್‌ಸ್ಕ್ರೀನ್ ಲೋಷನ್ ಬಳಸುತ್ತೇವೆ. ನಾವು ಕೂಡ ಈ ಹಿಂದೆ ಬರೆದಂತಹ ಲೇಖನದಲ್ಲಿ ಸನ್ ಸ್ಕ್ರೀನ್ ಬಳಸಿದರೆ ಸನ್ ಟ್ಯಾನ್ ತಡೆಗಟ್ಟಬಹುದೆಂದು ಎಂದು ಹೇಳಿದ್ದೇವೆ. ಇವತ್ತು ನಾವು ಸನ್‌ಸ್ಕ್ರೀನ್ ನ ಒಳಿತು ಹಾಗೂ ಕೆಡುಕು ಎರಡರ ಬಗ್ಗೆಯೂ ತಿಳಿಯೋಣ. ಇದರಿಂದ ಯಾವ ರೀತಿಯ ಸನ್‌ಸ್ಕ್ರೀನ್ ಲೋಷನ್ ಒಳ್ಳೆಯದು ಎಂಬ ವಿಷಯ ಕೂಡ ತಿಳಿದು ಬರುತ್ತದೆ.

ಯಾವ ಬಗೆಯ ಸನ್‌ಸ್ಕ್ರೀನ್ ಲೋಷನ್ ಒಳ್ಳೆಯದಲ್ಲ?

ಸನ್‌ಸ್ಕ್ರೀನ್ ನ SPF ಪ್ರಮಾಣ 30ಕ್ಕಿಂತ ಕಡಿಮೆಯಿದ್ದರೆ ಅಂತಹ ಸನ್‌ಸ್ಕ್ರೀನ್ ಬಳಸುವುದು ಒಳ್ಳೆಯದಲ್ಲ, ಅಲ್ಲದೆ ಇಂತಹ ಸನ್‌ಸ್ಕ್ರೀನ್ ಲೋಷನ್ ಅನ್ನು ಚಳಿಗಾಲದಲ್ಲಿ ಬಳಸಲು ಕೂಡ ಸೂಕ್ತವಲ್ಲ. ಆದ್ದರಿಂದ ಸನ್‌ಸ್ಕ್ರೀನ್ ಲೋಷನ್ ಕೊಳ್ಳುವಾಗ ಸರಿಯಾದ ಸನ್‌ಸ್ಕ್ರೀನ್ ಅನ್ನು ನೋಡಿ ಕೊಳ್ಳಬೇಕು.

ಸನ್‌ಸ್ಕ್ರೀನ್ ಬಳಸಿದರೆ ಪಡೆಯಬಹುದಾದ ಪ್ರಯೋಜನಳು:

1. ಸನ್‌ಸ್ಕ್ರೀನ್ ಬಳಸಿದರೆ ಸೂರ್ಯನ ಕಿರಣಗಳಿಂದ ತ್ವಚೆ ಹಾಳಾಗುವುದನ್ನು ತಡೆಯುತ್ತದೆ ಹಾಗೂ ಸನ್ ಟ್ಯಾನ್ ಉಂಟಾಗಿದ್ದರೆ ಅದನ್ನು ಹೋಗಲಾಡಿಸುತ್ತದೆ.
2. ಬಿಸಿಲಿನಲ್ಲಿ ಹೋಗುವಾಗ ಸನ್‌ಸ್ಕ್ರೀನ್ ಹಚ್ಚಿದರೆ ಮುಖದ ಹೊಳಪು ಕಡಿಮೆಯಾಗುವುದಿಲ್ಲ, ಇದನ್ನು ಕೈ ಕಾಲುಗಳಿಗೂ ಹಚ್ಚಬಹುದು.
3. ನೈಸರ್ಗಿಕವಾದ ವಸ್ತುಗಳಿಂದ ತಯಾರಿಸಿದ ಸನ್‌ಸ್ಕ್ರೀನ್ ಬಳಸಿದರೆ ತ್ವಚೆಗೆ ತುಂಬಾ ಒಳ್ಳೆಯದು.
4. ಸೂರ್ಯನ ನೇರಳಾತೀತ ಕಿರಣಗಳು ಚರ್ಮದ ಮೇಲೆ ಬೀಳುವುದನ್ನು ತಡೆದು ಚರ್ಮದ ಕ್ಯಾನ್ಸರ್ ಅನ್ನು ತಡೆಗಟ್ಟುತ್ತದೆ.
5. ತುಂಬಾ ಬಿಸಿಲಿಗೆ ಹೋದಾಗ ಅಲರ್ಜಿ ಉಂಟಾಗುವುದಾದರೆ ಇದನ್ನು ಬಳಸುವುದು ಒಳ್ಳೆಯದು.

ಸನ್‌ಸ್ಕ್ರೀನ್ ತರಬಹುದಾದ ಸಮಸ್ಯೆಗಳು:

1. ಸೂರ್ಯನ ಕಿರಣಗಳಿಂದ ತ್ವಚೆಯನ್ನು ರಕ್ಷಣೆ ಮಾಡುವಂತಹ ರಾಸಾಯನಿಕವನ್ನು ಸನ್ ಸ್ಕ್ರಿನ್ ನಲ್ಲಿ ಬಳಸಲಾಗಿರುತ್ತದೆ ಆದರೆ ಈ ರಾಸಾಯನಿಕಗಳು ಕೆಲವೊಮ್ಮೆ ತ್ವಚೆಯನ್ನು ಒರಟಾಗಿಸುತ್ತದೆ. ಆದ್ದರಿಂದ ಇದನ್ನು ತ್ವಚೆಗೆ ತುಂಬಾ ಒಳ್ಳೆಯದು ಎಂದು ಹೇಳಲು ಸಾಧ್ಯವಿಲ್ಲ.

2. ಇದು ದೇಹದ ಹಾರ್ಮೋನ್ ಗಳಲ್ಲಿ ವ್ಯತ್ಯಾಸ ಉಂಟು ಮಾಡಬಹುದು. ಇದರಿಂದ ತ್ವಚೆ ಅಲರ್ಜಿ, ಅಲಜೈಮರ್ಸ್ ಮುಂತಾದ ಸಮಸ್ಯೆ ಕೂಡ ಕಂಡು ಬರಬಹುದು.

3. ಸನ್‌ಸ್ಕ್ರೀನ್ ಹಚ್ಚಿದಾಗ ಸೂರ್ಯನ ಕಿರಣದಲ್ಲಿರುವ ವಿಟಮಿನ್ ಡಿಯನ್ನು ತ್ವಚೆಗೆ ಹೀರಿಕೊಳ್ಳಲು ಸಾಧ್ಯವಾಗುವುದಿಲ್ಲ.