Just In
Don't Miss
- Movies ನೀಲಿ ಪ್ರಪಂಚದ ಕರಾಳ ಸತ್ಯವನ್ನ ಹೇಳಿದ ಲಾನಾ ರೋಡ್ಸ್
- Sports DC vs GT IPL 2024: ಅಕ್ಷರ್, ರಿಷಭ್ ಶೈನಿಂಗ್; ಗುಜರಾತ್ ವಿರುದ್ಧ ಡೆಲ್ಲಿ ಜಯಭೇರಿ
- News ದ್ವೇಷ ಉತ್ತೇಜಿಸುವ ಪೋಸ್ಟ್: ಕರ್ನಾಟಕ ಬಿಜೆಪಿ ವಿರುದ್ಧ ದೂರು ದಾಖಲಿಸಿದ ಚುನಾವಣಾ ಆಯೋಗ
- Technology ಒಪ್ಪೋ ಫೈಂಡ್ X7 ಅಲ್ಟ್ರಾ ಕ್ಯಾಮೆರಾ: ಮೊಬೈಲ್ ಫೋಟೋಗ್ರಫಿಗೆ ಅತ್ಯುತ್ತಮ ಫೋನ್!
- Automobiles ಸ್ವಂತ ದುಡಿಮೆಯಲ್ಲಿ ಹೊಸ ಕಾರು ಖರೀದಿಸಿ ಯುವ ನಟಿಯ ಭಾವನಾತ್ಮಕ ಪೋಸ್ಟ್
- Finance ರಿಲಯನ್ಸ್ಗೆ 28,607 ಕೋಟಿ ನಷ್ಟ, ಕಾರಣ ಏನು ಗೊತ್ತೆ?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಕೂದಲಿನ ಸೌಂದರ್ಯಕ್ಕೆ ಸರಳ ಟಿಪ್ಸ್-ತ್ವರಿತ ಫಲಿತಾಂಶ
ನಾರಿಗೆ ಉದ್ದನೆಯ ಕೂದಲು ಇದ್ದರೆ ಚಂದ. ರೇಷ್ಮೆಯಂತಹ ಹೊಳೆಯುವ ಕೂದಲು ಇದ್ದರೆ ಆಗ ಸೌಂದರ್ಯ ವೃದ್ಧಿಯಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ... ಅದಕ್ಕೆಂದೇ ಕೆಲವೊಂದು ಸಿಂಪಲ್ ಮನೆಮದ್ದನ್ನು ನೀಡಿದ್ದೇವೆ ಮುಂದೆ ಓದಿ...
ನೀಳವಾದ, ಕಪ್ಪು ಮತ್ತು ಸೊಂಪಾದ ಕೂದಲಿರಬೇಕು ಎಂಬುದು ಪ್ರತಿ ಮಹಿಳೆಯ ಕನಸಾಗಿರುತ್ತದೆ. ಆದರೆ ಪ್ರತಿದಿನ ಗಾಳಿಯಲ್ಲಿರುವ ಧೂಳು, ಪ್ರದೂಷಣೆ, ಪ್ರಖರ ಬಿಸಿಲಿನ ಝಳ, ಪರಾಗ ಮೊದಲಾದವು ಕೂದಲಿನ ಸಹಜ ಸೌಂದರ್ಯವನ್ನು ಕಳೆಯುತ್ತದೆ. ಸುಂದರ ಕೂದಲನ್ನು ತೋರಿಸಿ ಭರ್ಜರಿಯಾಗಿ ಮಾರಾಟವಾಗುವ ಪ್ರಸಾಧನಗಳಲ್ಲಿ ಅಪಾಯಕಾರಿ ರಾಸಾಯನಿಕಗಳಿವೆ. ಕೂದಲಿನ ಸರ್ವ ಸಮಸ್ಯೆಗೂ ಅಂಗೈಯಲ್ಲಿಯೇ ಇದೆ ಮದ್ದು!
ಇವುಗಳ ಬಳಕೆಯಿಂದ ತಾತ್ಕಾಲಿಕವಾಗಿ ಪರಿಣಾಮ ಉತ್ತಮ ಎಂದು ಅನ್ನಿಸಿದರೂ ದೀರ್ಘಕಾಲದ ಬಳಕೆಯಿಂದ ಕೂದಲಿಗೆ ಹಾನಿಯಾಗುವುದೇ ಹಚ್ಚು. ಹಾಗಾದರೆ ಕೂದಲಿನ ನೈಸರ್ಗಿಕ ಆರೈಕೆ ಹೇಗೆ? ಇದಕ್ಕೆ ಉತ್ತರವನ್ನು ನಿಸರ್ಗವೇ ನೀಡುತ್ತದೆ. ಬನ್ನಿ, ನಿಸರ್ಗದ ಸುಲಭ ಸಾಮಾಗ್ರಿಗಳನ್ನು ಬಳಸಿ ಆರೈಕೆಯನ್ನು ಹೇಗೆ ಪಡೆಯಬಹುದು ಎಂಬುದನ್ನು ನೋಡೋಣ....
ತುರಿಕೆಭರಿತ ತಲೆಗಾಗಿ: ಲಿಂಬೆರಸ ಮತ್ತು ಆಲಿವ್ ಎಣ್ಣೆ
ತಲೆಯಲ್ಲಿ ತುರಿಕೆಗೆ ಹೇನುಗಳು ಮಾತ್ರ ಕಾರಣವಲ್ಲ, ಒಣಗಿದ ಹೊರಚರ್ಮವೂ ಒಂದು ಕಾರಣ. ಇದಕ್ಕೆ ಅನಾರೋಗ್ಯಕರ ಆಹಾರ ಕ್ರಮ, ಒತ್ತಡ, ಪ್ರದೂಷಣೆ ಮೊದಲಾದವು ಕಾರಣವಾಗಿವೆ. ಇದಕ್ಕಾಗಿ ಎರಡು ದೊಡ್ಡ ಚಮಚ ಈಗತಾನೇ ಹಿಂಡಿದ ಲಿಂಬೆರಸ, ಸಮಪ್ರಮಾಣದ ಆಲಿವೆ ಎಣ್ಣೆ ಮತ್ತು ಕೊಂಚ ನೀರು ಬೆರೆಸಿ ಈ ಮಿಶ್ರಣವನ್ನು ತಲೆಗೂದಲ ಬುಡಕ್ಕೆ ತಗಲುವಂತೆ ಹಚ್ಚಿ ಸುಮಾರು ಇಪ್ಪತ್ತು ನಿಮಿಷ ಹಾಗೇ ಇರಲು ಬಿಡಿ. ತೆಂಗಿನ ಎಣ್ಣೆ+ಲಿಂಬೆರಸ, ಬಿಳಿ ಕೂದಲಿನ ಸಮಸ್ಯೆಗೆ ರಾಮಬಾಣ
ತುರಿಕೆಭರಿತ ತಲೆಗಾಗಿ: ಲಿಂಬೆರಸ ಮತ್ತು ಆಲಿವ್ ಎಣ್ಣೆ
ಬಳಿಕ ನಿತ್ಯದ ಸೌಮ್ಯ ಶಾಂಪೂ ಬಳಸಿ ತಲೆಯನ್ನು ತೊಳೆದುಕೊಳ್ಳಿ. ಲಿಂಬೆರಸ ತಲೆಯ ಒಣಗಿದ ಚರ್ಮಕ್ಕೆ ಆರ್ದ್ರತೆ ನೀಡುವ ಮೂಲಕ ತಲೆಯ ತುರಿಕೆಯನ್ನು ನಿವಾರಿಸುತ್ತದೆ. ಆಲಿವ್ ಎಣ್ಣೆ ಹೆಚ್ಚಿನ ಆರ್ದ್ರತೆ ನೀಡುವ ಮೂಲಕ ಚರ್ಮ ಮತ್ತೆ ಹಿಂದಿನ ಆರೋಗ್ಯವನ್ನು ಪಡೆಯುತ್ತದೆ.
ಕೂದಲಿಗೆ ಅತ್ಯುತ್ತಮ ಕಂಡೀಶನಿಂಗ್ಗಾಗಿ ಮೊಟ್ಟೆಯ ಬಳಕೆ
ಮೊಟ್ಟೆ ಹೊಟ್ಟೆಗೆ ಮಾತ್ರವಲ್ಲ, ಕೂದಲಿಗೂ ಒಳ್ಳೆಯದು. ಇದರ ಬಿಳಿಭಾಗದಲ್ಲಿ ಉತ್ತಮ ಪ್ರಮಾಣದ ಪ್ರೋಟೀನು ಮತ್ತು ಕೊಬ್ಬುಗಳಿದ್ದು ಚರ್ಮಕ್ಕೆ ಆರ್ದ್ರತೆ ನೀಡುವ ಜೊತೆಗೇ ಅನಗತ್ಯ ಎಣ್ಣೆಜಿಡ್ಡು ಮತ್ತು ಚರ್ಮದ ರಂಧ್ರಗಳಲ್ಲಿ ಸಿಲುಕಿದ್ದ ಕೊಳೆಯನ್ನು ನಿವಾರಿಸಲು ನೆರವಾಗುತ್ತದೆ. ಮೊಟ್ಟೆಯಲ್ಲಿ ಅಡಗಿದೆ ಕೂದಲಿನ ಸಕಲ ಸೌಂದರ್ಯದ ರಹಸ್ಯ!
ಕೂದಲಿಗೆ ಅತ್ಯುತ್ತಮ ಕಂಡೀಶನಿಂಗ್ಗಾಗಿ ಮೊಟ್ಟೆಯ ಬಳಕೆ
ಎಣ್ಣೆಯ ಚರ್ಮದವರು ಮೊಟ್ಟೆಯ ಬಿಳಿಭಾಗವನ್ನು ಕಂಡೀಶನರ್ ರೂಪದಲ್ಲಿ ಬಳಸಿದರೆ ಉತ್ತಮ ಪರಿಣಾಮವನ್ನು ಪಡೆಯಬಹುದು. ಒಣ ಚರ್ಮದವರು ಮೊಟ್ಟೆಯ ಹಳದಿ ಭಾಗವನ್ನು ಬಳಸಬೇಕು. ಆದರೆ ತೊಳೆದುಕೊಳ್ಳಲು ಉಗುರುಬೆಚ್ಚನೆಯ ನೀರನ್ನು ಮಾತ್ರ ಬಳಸಬೇಕು.
ಕೂದಲು ಉದುರುವುದನ್ನು ನಿಲ್ಲಿಸಲು ಲೋಳೆಸರದ ಬಳಕೆ
ಒಂದು ಮಧ್ಯಮ ಗಾತ್ರದ ಲೋಳೆಸರದ ಕೋಡನ್ನು ಅರೆದು ಇದಕ್ಕೆ ಅರ್ಧ ಚಿಕ್ಕ ಚಮಚ ಲಿಂಬೆರಸ ಮತ್ತು ಎರಡು ದೊಡ್ಡಚಮಚ ಕೊಬ್ಬರಿ ಎಣ್ಣೆ ಬೆರೆಸಿ. ಈ ಮಿಶ್ರಣವನ್ನು ತಲೆಗೆ ಹಚ್ಚಿ ನಯವಾದ ಮಸಾಜ್ ಮೂಲಕ ಎಲ್ಲೆಡೆ ಆವರಿಸುವಂತೆ ಮಾಡಿ.
ಕೂದಲು ಉದುರುವುದನ್ನು ನಿಲ್ಲಿಸಲು ಲೋಳೆಸರದ ಬಳಕೆ
ಸುಮಾರು ಇಪ್ಪತ್ತು ನಿಮಿಷಗಳ ಬಳಿಕ ನಿಮ್ಮ ನಿತ್ಯದ ಶಾಂಪೂ ಬಳಸಿ ಸ್ನಾನ ಮಾಡಿ.ಪಪ್ಪಾಯಿ-ಲೋಳೆ ಸರ ಫೇಸ್ ಪ್ಯಾಕ್: ಕಡಿಮೆ ವೆಚ್ಚ, ಅಧಿಕ ಲಾಭ!
ತಲೆಹೊಟ್ಟು ನಿವಾರಿಸಲು ಸಕ್ಕರೆಯೇ ಸಾಕು
ಯುವತಿಯರ ಸಾಮಾನ್ಯ ತೊಂದರೆಯೆಂದರೆ ತಲೆಹೊಟ್ಟು. ಇದನ್ನು ಸಮರ್ಥವಾಗಿ ನಿವಾರಿಸಲು ಎರಡು ಭಾಗ ಕಂದು ಸಕ್ಕರೆ ಮತ್ತು ಒಂದು ಭಾಗ ನಿಮ್ಮ ನೆಚ್ಚಿನ ಕಂಡೀಶನರ್ ಬೆರೆಸಿ ಈ ಲೇಪನವನ್ನು ತಲೆಗೆ ನಯವಾದ ಮಸಾಜ್ ಮೂಲಕ ಹಚ್ಚಿಕೊಳ್ಳಿ.
ತಲೆಹೊಟ್ಟು ನಿವಾರಿಸಲು ಸಕ್ಕರೆಯೇ ಸಾಕು
ಕೊಂಚ ಹೊತ್ತಿನ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.ಬರೀ ಒಂದೇ ವಾರದಲ್ಲಿ 'ತಲೆಹೊಟ್ಟು ಸಮಸ್ಯೆ' ಮಂಗಮಾಯ!