Just In
Don't Miss
- Finance 2.3 ಲಕ್ಷ ರೂಪಾಯಿಗೆ 9 ನಿಂಬೆಹಣ್ಣು ಹರಾಜು, ಏನಿದರ ವಿಶೇಷತೆ ತಿಳಿಯಿರಿ
- News ಡಿಕೆ ಸುರೇಶ್ ನಿದ್ದೆಗೆಡಿಸಿದ ಡಾಕ್ಟರ್; ಕಾಂಗ್ರೆಸ್ ಅಭ್ಯರ್ಥಿ ನೂರಕ್ಕೆ ನೂರು ಈ ಬಾರಿಯೂ ಗೆಲ್ತಾರೆ: ಭವಿಷ್ಯ ನುಡಿದ ಸಿದ್ದರಾಮ
- Movies 'ಉಳಿದವರು ಕಂಡಂತೆ' ದಶಕದ ಸಂಭ್ರಮ; ಟ್ವೀಟ್ ಮಾಡಿ 'ರಿಚರ್ಡ್ ಆಂಟನಿ' ಬಗ್ಗೆ ಮೌನ ಮುರಿದ ರಕ್ಷಿತ್
- Sports RR vs DC: ಐಪಿಎಲ್ನಲ್ಲಿ ಇತಿಹಾಸ ನಿರ್ಮಿಸಲು ಸಜ್ಜಾದ ರಿಷಭ್ ಪಂತ್
- Technology ಮತ್ತೊಂದು ಅಗ್ಗದ 5G ಫೋನ್ ಲಾಂಚ್ ಮಾಡಲು ಸಜ್ಜಾದ ರಿಯಲ್ಮಿ!..ಫೀಚರ್ಸ್ ಏನು?
- Automobiles ಬುಕ್ ಮಾಡಿದ ರೈಲಿನ ಸೀಟಿನಲ್ಲಿ ಬೇರೆಯವರು ಕೂತಿದ್ರೆ ಏನ್ ಮಾಡಬೇಕು ಗೊತ್ತಾ? ಸಿಂಪಲ್ ಪರಿಹಾರ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ತಲೆಯಲ್ಲಿ ತುರಿಕೆಯೇ? ಕರಿಬೇವಿನ ಹೇರ್ ಪ್ಯಾಕ್ ಪ್ರಯತ್ನಿಸಿ
’ಕರಿಬೇವಿನ ಎಲೆಗಳನ್ನು' ಅರೆದು ತಯಾರಿಸಿದ ಲೇಪವನ್ನು ಹಚ್ಚಿಕೊಳ್ಳುವ ಮೂಲಕ ತಲೆಯ ತುರಿಕೆ, ತಲೆಹೊಟ್ಟು ಹಾಗೂ ಇತರ ಕೂದಲು ಸಂಬಂಧಿತ ತೊಂದರೆಗಳೆಲ್ಲಾ ಸುಲಭವಾಗಿ ನಿವಾರಣೆಯಾಗುತ್ತವೆ.
ತಲೆಯಲ್ಲಿ ತುರಿಕೆಯುಂಟಾಗಲು ಪ್ರಮುಖ ಕಾರಣ ತಲೆಯ ಚರ್ಮ ಒಣಗಿದ್ದು ಹೊರಪದರದ ಚರ್ಮ ಒಣಗಿ ಪಕಳೆಯಂತೆ ಏಳುವುದು. ಇದು ಅರ್ಧಭಾಗ ಚರ್ಮಕ್ಕೆ ಅಂಟಿಕೊಂಡು ನಿಧಾನವಾಗಿ ಪಕಳೆಯೇಳುತ್ತಾ ಹೋಗುವಾಗ ಚರ್ಮಕ್ಕೆ ನೀಡುವ ಸಂವೇದನೆಯೇ ತುರಿಕೆ. ವಿಶೇಷವಾಗಿ ಚಳಿಗಾಲದಲ್ಲಿ ಅಥವಾ ವಾತಾವರಣವನ್ನು ಅತಿ ಹೆಚ್ಚು ತಂಪಾಗಿಸಿರುವ ಸ್ಥಳಗಳಲ್ಲಿ ಹೆಚ್ಚು ಹೊತ್ತು ಕಳೆಯುವವರಿಗೆ ಈ ತೊಂದರೆ ಸಾಮಾನ್ಯವಾಗಿ ಕಾಡುತ್ತದೆ.
ಇದಕ್ಕೆ ಸೂಕ್ತ ಪರಿಹಾರವೆಂದರೆ ಲೇಪವನ್ನು ಹಚ್ಚಿಕೊಂಡು ಸಡಿಲವಾಗಿ ಅಂಟಿಕೊಂಡಿರುವ ಒಣ ಪಕಳೆಗಳನ್ನು ನಿವಾರಿಸುವುದು. ಅತಿ ಹೆಚ್ಚು ಒಣಗಿದ ಚರ್ಮದಲ್ಲಿ ಈ ಪಕಳೆಗಳು ಪುಡಿಯಂತೆ ಉದುರಿ ತಲೆಹೊಟ್ಟಿಗೂ ಕಾರಣವಾಗುತ್ತವೆ. ಅಬ್ಬಬ್ಬಾ..! ಕರಿಬೇವಿನ ಸೊಪ್ಪಿನಿ೦ದ ಏನೆಲ್ಲಾ ಪ್ರಯೋಜನಗಳಿವೆ ನೋಡಿ?
ಹಾಗಾದರೆ ಯಾವುದರಿಂದ ಲೇಪ ತಯಾರಿಸಬೇಕು? ಇದಕ್ಕೆ ತಕ್ಕ ಉತ್ತವೆಂದರೆ 'ಕರಿಬೇವಿನ ಎಲೆ'. ಈ ಎಲೆಗಳನ್ನು ಅರೆದು ತಯಾರಿಸಿದ ಲೇಪವನ್ನು ಹಚ್ಚಿಕೊಳ್ಳುವ ಮೂಲಕ ತಲೆಯ ತುರಿಕೆ, ತಲೆಹೊಟ್ಟು ಹಾಗೂ ಇತರ ಕೂದಲು ಸಂಬಂಧಿತ ತೊಂದರೆಗಳೆಲ್ಲಾ ಸುಲಭವಾಗಿ ನಿವಾರಣೆಯಾಗುತ್ತವೆ. ಬನ್ನಿ, ಈ ಲೇಪವನ್ನು ತಯಾರಿಸುವುದು ಹೇಗೆ ಎಂಬುದನ್ನು ನೋಡೋಣ...
ಅಗತ್ಯವಿರುವ ಸಾಮಾಗ್ರಿಗಳು
*10-15 ಕರಿಬೇವಿನ ಎಲೆಗಳು
*2 ಚಿಕ್ಕ ಚಮಚ ಕಡ್ಲೆಹಿಟ್ಟು
*2 ಚಿಕ್ಕ ಚಮಚ ಮೊಸರು
*1 ಚಿಕ್ಕ ಚಮಚ ಗ್ಲಿಸರಿನ್
ವಿಧಾನ
* ಮೊದಲು ಕರಿಬೇವಿನ ಎಲೆಗಳನ್ನು ಚೆನ್ನಾಗಿ ತೊಳೆದುಕೊಳ್ಳಿ
* ಬಳಿಕ ಮಿಕ್ಸಿಯ ಚಿಕ್ಕ ಜಾರ್ನಲ್ಲಿ ಹಾಕಿ
* ಇನ್ನು ಇದಕ್ಕೆ ಕಡ್ಲೆ ಹಿಟ್ಟು ಮತ್ತು ಮೊಸರನ್ನು ಸೇರಿಸಿ ಮಿಶ್ರಣ ಮಾಡಿ
ವಿಧಾನ
* ಬಳಿಕ ಈ ಮಿಶ್ರಣವನ್ನು ನುಣ್ಣಗೆ ಅರೆಯಿರಿ
* ನಂತರ ಗ್ಲಿಸರಿನ್ ಸೇರಿಸಿ ಮಿಶ್ರಣ ಮಾಡಿ.
* ಈ ಲೇಪನವನ್ನು ಕೂದಲ ಬುಡಕ್ಕೆ ತಲುಪುವಂತೆ ಬೆರಳುಗಳಿಂದ ನಯವಾಗಿ ಮಸಾಜ್ ಮಾಡುತ್ತಾ ಹಚ್ಚಿ
* ಕೊಂಚ ಹೊತ್ತು ಕಳೆದ ಬಳಿಕ ಉಗುರುಬೆಚ್ಚನೆಯ ನೀರಿನಿಂದ ತೊಳೆದುಕೊಳ್ಳಿ.
ಕರಿಬೇವಿನ ಎಲೆಗಳ ಪ್ರಯೋಜನಗಳು
* ಇದರಲ್ಲಿರುವ ಆಂಟಿ ಆಕ್ಸಿಡೆಂಟುಗಳು ತಲೆಯಲ್ಲಿ ತುರಿಕೆ ಬರುವುದರಿಂದ ರಕ್ಷಿಸುತ್ತದೆ.
* ಇದರಲ್ಲಿರುವ ಅವಶ್ಯಕ ವಿಟಮಿನ್ನುಗಳು ಮತ್ತು ಪ್ರೋಟೀನುಗಳು ಕೂದಲು ಅಕಾಲವಾಗಿ ನೆರೆಯುವುದನ್ನು ತಡೆಯುತ್ತದೆ.
* ನಿಯಮಿತವಾಗಿ ಹಚ್ಚಿಕೊಳ್ಳುತ್ತಾ ಬರುವ ಮೂಲಕ ಕೂದಲ ಬುಡದಲ್ಲಿ ಹೆಚ್ಚಿನ ಪ್ರಚೋದನೆ ದೊರೆತು ಕೂದಲ ಬುಡ ಹೆಚ್ಚು ದೃಢಗೊಳ್ಳುವ ಮೂಲಕ ಕೂದಲ ಬೆಳವಣಿಗೆ ಉತ್ತಮವಾಗುತ್ತದೆ ಹಾಗೂ ಕೂದಲು ಇನ್ನಷ್ಟು ಗಾಢವಾಗುತ್ತದೆ.
ಕೂದಲಿಗೆ ಕಡ್ಲೆಹಿಟ್ಟಿನಿಂದ ಲಭ್ಯವಾಗುವ ಪ್ರಯೋಜನಗಳು
* ಕಡ್ಲೆಹಿಟ್ಟಿನಲ್ಲಿರುವ ಶಮನಕಾರಕ ಗುಣ ಕೂದಲ ಬುಡದಲ್ಲಿ ತುರಿಕೆಗೆ ಕಾರಣವಾದ ಉರಿಯೂತವನ್ನು ಕಡಿಮೆಗೊಳಿಸುತ್ತದೆ ಹಾಗೂ ಉರಿಯೂತದ ಪರಿಣಾಮವಾಗಿ ಕೆಂಪಗಾಗಿದ್ದ ಚರ್ಮವನ್ನು ಶಾಂತಗೊಳಿಸಿ ಉರಿಯನ್ನು ಕಡಿಮೆ ಮಾಡುತ್ತದೆ.
* ಪಕಳೆಗಳ ಕಾರಣ ತಲೆಯ ಚರ್ಮದಲ್ಲಿ ಸಂಗ್ರಹವಾಗಿದ್ದ ವಿಷಕಾರಿ ಕಣಗಳನ್ನು ನಿವಾರಿಸಲು ಕಡ್ಲೆಹಿಟ್ಟು ನೆರವಾಗುತ್ತದೆ.
* ಕೂದಲು ಹೆಚ್ಚು ಉದ್ದವಾಗಲು ನೆರವಾಗುವ ಪೋಷಕಾಂಶಗಳನ್ನು ಕಡ್ಲೆಹಿಟ್ಟು ಪೂರೈಸುತ್ತದೆ.
ಕೂದಲಿಗೆ ಮೊಸರಿನಿಂದ ಲಭ್ಯವಾಗುವ ಪ್ರಯೋಜನಗಳು
* ಮೊಸರಿನಲ್ಲಿರುವ ಅಮೈನೋ ಆಮ್ಲಗಳು ಕೂದಲಿಗೆ ಹೆಚ್ಚಿನ ಬಲ ನೀಡುತ್ತದೆ ಹಾಗೂ ಕೂದಲಿನ ರಚನೆಯಲ್ಲಿ ಹೆಚ್ಚಿನ ಪ್ರೋಟೀನು ಅಡಕಗೊಳ್ಳುವಂತೆ ಮಾಡಿ ಕೂದಲ ಸೊಂಪನ್ನು ಹೆಚ್ಚಿಸುತ್ತದೆ.
* ಮೊಸರಿನ ಬಳಕೆಯಿಂದ ಕೂದಲ ಬುಡಗಳು ಹೆಚ್ಚು ದೃಢಗೊಳ್ಳುವ ಮೂಲಕ ಕೂದಲು ಉದುರುವ ಸಾಧ್ಯತೆಯನ್ನು ಕಡಿಮೆ ಮಾಡಬಹುದು