For Quick Alerts
ALLOW NOTIFICATIONS  
For Daily Alerts

ಮೊಸರಿನಿಂದ ನಿಮ್ಮ ಕೂದಲ ಹೊಳಪು ಹೆಚ್ಚಿಸಿ!

|

ಮೊಸರನ್ನು ಅನೇಕ ವಿಧವಾಗಿ ಬೇರೆ ಬೇರೆ ಸಾಮಾಗ್ರಿಗಳೊಂದಿಗೆ ಬಳಸಬಹುದು. ಮೊಡವೆ, ಸನ್ ಟ್ಯಾನ್ ಮೊದಲಾದ ತೊಂದರೆಗಳನ್ನು ನಿವಾರಿಸುವ ಮೊಸರು ನಿಮ್ಮ ಕೂದಲಿನ ಹೊಳಪಿಗೂ ಸೌಂದರ್ಯಕ್ಕೂ ಸಹಕಾರಿಯಾಗಿದೆ.

ಹೊಟ್ಟನ್ನು ನಿವಾರಿಸಿ ಕೂದಲನ್ನು ಸ್ವಾಭಾವಿಕವಾಗಿ ಕಂಡೀಷನ್ ಮಾಡುವ ಗುಣ ಮೊಸರಿಗಿದೆ. ಮೊಸರನ್ನು ಹಲವಾರು ಸಾಮಾಗ್ರಿಗಳೊಂದಿಗೆ ಮಿಶ್ರ ಮಾಡಿ ಕೂದಲಿನ ಹಲವಾರು ಸಮಸ್ಯೆಗಳನ್ನು ದೂರೀಕರಿಸಬಹುದು.

ನೈಸರ್ಗಿವಾಗಿ ಮೊಸರನ್ನು ಬಳಸಿಕೊಂಡು ಹೇರ್ ಪ್ಯಾಕ್ ಅನ್ನು ಮಾಡುವ ವಿಧಾನವನ್ನು ಈ ಲೇಖನದಲ್ಲಿ ನಿಮಗೆ ತಿಳಿಸಲಾಗಿದೆ. ಬನ್ನಿ ಹಾಗಿದ್ದರೆ ಆ ಹೇರ್ ಪ್ಯಾಕ್‌ಗಳು ಯಾವುವು ಅವುಗಳನ್ನು ಬಳಸುವ ವಿಧಾನಗಳು ಯಾವುವು ಎಂಬುದನ್ನು ತಿಳಿದುಕೊಳ್ಳೋಣ.

Recipes To Use Curd In Your Hair

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ: ಪುರುಷರ ಕೂದಲಿನ ಸುರಕ್ಷತೆಗೆ 20 ಮನೆಮದ್ದುಗಳು

ಮೊಸರು ಹಾಗೂ ಲಿಂಬೆ ರಸ:

ದೊಡ್ಡ ಪಾತ್ರೆಯಲ್ಲಿ ಮೊಸರನ್ನು ಕರಗಿಸಿಕೊಳ್ಳಿ. ಅದಕ್ಕೆ ಲಿಂಬೆ ರಸವನ್ನು ಸೇರಿಸಿ ಮಿಶ್ರ ಮಾಡಿ. ನಿಮ್ಮ ಕೂದಲು ಮತ್ತು ತಲೆಬುಡಕ್ಕೆ ಈ ಪ್ಯಾಕ್ ಅನ್ನು ಹಾಕಿ. ನಿಮ್ಮ ತಲೆಬುಡಕ್ಕೆ ಈ ಮಿಶ್ರಣವನ್ನು ಹಾಕಿ. 10 ರಿಂದ 15 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ಉಗುರು ಬೆಚ್ಚನೆಯ ನೀರಿನಲ್ಲಿ ಮತ್ತು ಹಾಲು ಮಿಶ್ರಿತ ಆಂಟಿ ಡಾಂಡ್ರಫ್ ಶ್ಯಾಂಪೂವನ್ನು ಬಳಸಿ. ಡ್ಯಾಂಡ್ರಫ್ ಅನ್ನು ನಿವಾರಿಸಲು ಇದು ಒಂದು ನೈಸರ್ಗಿಕ ವಿಧಾನವಾಗಿದೆ.

ಮೊಸರು ಮತ್ತು ಈರುಳ್ಳಿ ರಸ:
ಈರುಳ್ಳಿಯನ್ನು ಗ್ರೈಂಡ್ ಮಾಡಿಕೊಳ್ಳಿ. ಚೆನ್ನಾಗಿ ಈರುಳ್ಳಿಯ ರಸ ಹಿಂಡಿಕೊಳ್ಳಿ. ಒಂದು ಬೌಲ್‌ನಷ್ಟು ಮೊಸರಿಗೆ ಈ ರಸವನ್ನು ಬೆರೆಸಿಕೊಳ್ಳಿ. ಈಗ ಮೊಸರು ಮಿಶ್ರಣವನ್ನು 10 ನಿಮಿಷಗಳ ಕಾಲ ಹಚ್ಚಿಕೊಳ್ಳಿ. ನಂತರ

ಮೈಲ್ಡ್ ಶ್ಯಾಂಪೂ ಬಳಸಿ ಕೂದಲನ್ನು ತೊಳೆದುಕೊಳ್ಳಿ:

ಮೊಸರು ಮೆಂತೆ ಸೊಪ್ಪು ಮೆಂತೆ ಸೊಪ್ಪನ್ನು ನುಣ್ಣಗೆ ಪೇಸ್ಟ್‌ನಂತೆ ರುಬ್ಬಿಕೊಳ್ಳಿ. ನಂತರ ಮೊಸರಿಗೆ ಈ ಪೇಸ್ಟ್ ಅನ್ನು ಮಿಶ್ರ ಮಾಡಿ ತಲೆಗೆ ಹಚ್ಚಿಕೊಳ್ಳಿ. ಹೊಟ್ಟನ್ನು ನಿವಾರಿಸಿ ಕೂದಲನ್ನು ಗಟ್ಟಿ ಮಾಡುವ ಸಾಮರ್ಥ್ಯ ಮೊಸರು ಮತ್ತು ಮೆಂತೆ ಸೊಪ್ಪಿಗಿದೆ.

ಇನ್ನಷ್ಟು ಮಾಹಿತಿಗಾಗಿ ಈ ಲಿಂಕ್ ಕ್ಲಿಕ್ ಮಾಡಿ: 10 ದಿನಗಳಲ್ಲಿ ಸುಂದರ ತ್ವಚೆ ಪಡೆಯಿರಿ!

ಮೊಸರು ಮತ್ತು ಮೆಹೆಂದಿ:

ಮೊಸರು ನಿಮ್ಮ ಕೂದಲಿಗೆ ಒಳ್ಳೆಯ ಕಂಡೀಷನರ್ ಆಗಿ ಕಾರ್ಯನಿರ್ವಹಿಸುತ್ತದೆ. ನೆನೆಸಿದ ಮೆಹೆಂದಿ ಎಲೆಗಳನ್ನು ರುಬ್ಬಿಕೊಂಡು ಅದನ್ನು ಮೊಸರಿನೊಂದಿಗೆ ಮಿಶ್ರ ಮಾಡಿ ತಲೆಗೆ ಹಚ್ಚಿಕೊಳ್ಳಿ. ನಿಮ್ಮ ಕೂದಲು ಸಿಲ್ಕಿ ಮತ್ತು ಹೊಳಪಿನಿಂದ ಕೂಡಿರುವುದು ಖಂಡಿತ.

ನಿಮ್ಮ ಕೂದಲಿನಲ್ಲಿ ಮೊಸರು ಹೇರ್ ಪ್ಯಾಕ್ ಅನ್ನು ತುಂಬಾ ಹೊತ್ತು ಇಟ್ಟುಕೊಳ್ಳಬೇಡಿ. ಇದು ತಣ್ಣನೆಯ ಗುಣವನ್ನು ಹೊಂದಿರುವುದರಿಂದ ಮೊಸರು ಹೆಚ್ಚು ಸಮಯ ನಿಮ್ಮ ತಲೆಯಲ್ಲಿ ಇದ್ದರೆ ನಿಮಗೆ ನೆಗಡಿ ಉಂಟಾಗಬಹುದು.

Story first published: Monday, April 14, 2014, 14:18 [IST]
X
Desktop Bottom Promotion