Just In
Don't Miss
- Movies ಮಾನ್ವಿತಾ ಮದುವೆಯಾಗ್ತಿರೋ ಆ ಅದೃಷ್ಟವಂತ ಇವ್ರೇ; ಟಗರು ಪುಟ್ಟಿ ಲೈಫ್ ಪಾರ್ಟನರ್ ಫುಲ್ ಡೀಟೆಲ್ಸ್
- News ಆಕ್ಸಿಸ್ ಬ್ಯಾಂಕ್ಗೆ ಬರೋಬ್ಬರಿ 7,129 ಕೋಟಿ ರೂಪಾಯಿ ಲಾಭ!
- Sports IPL 2024: ಆರ್ಸಿಬಿಗೆ ವಿರಾಟ್, ಪಾಟಿದಾರ್ ಆಸರೆ: ಹೈದರಾಬಾದ್ಗೆ ಸವಾಲಿನ ಟಾರ್ಗೆಟ್
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸೌಂದರ್ಯವನ್ನು ವೃದ್ಧಿಸುವ ಅದ್ಭುತ ಗುಣ ಲಿಂಬೆ ಹಣ್ಣಿನಲ್ಲಿದೆ!
ನೈಸರ್ಗಿಕವಾಗಿ ದೊರೆಯುವ ತರಕಾರಿ ಹಣ್ಣುಗಳು ಒಂದಿಲ್ಲೊಂದು ವಿಸ್ಮಯಕಾರಿ ಅಂಶಗಳಿಂದ ಸಮ್ಮಿಳಿತವಾಗಿದೆ. ಬರೀ ಸಿಹಿಯಾದ ಹಣ್ಣು ಮತ್ತು ತರಕಾರಿಯಿಂದ ಮಾತ್ರ ಆರೋಗ್ಯವಲ್ಲ. ಹುಳಿ, ಒಗರು, ಕಹಿ ಇರುವ ತರಕಾರಿ ಹಣ್ಣುಗಳೂ ನಮ್ಮ ಆರೋಗ್ಯವನ್ನು ಕಾಪಾಡುವ ಜೊತೆಗೆ ಸೌಂದರ್ಯವನ್ನು ವೃದ್ಧಿಸುವಲ್ಲಿಯೂ ಕೂಡ ಮಹತ್ವದ ಪಾತ್ರ ವಹಿಸುತ್ತದೆ.
ಇಂತಹ ತರಕಾರಿ ಹಣ್ಣುಗಳ ದಿನನಿತ್ಯದ ಸೇವನೆಯಿಂದ ನಮಗೆ ಲಾಭವೇ ಹೆಚ್ಚು ಹೊರತು ನಷ್ಟವಲ್ಲ. ಇಂದು ನಾವು ಹೇಳಹೊರಟಿರುವ ಅಂತಹ ತರಕಾರಿ ಹಣ್ಣು ಲಿಂಬೆ ಹಣ್ಣಾಗಿದೆ. ಇದು ಸಿಹಿ ಅಂಶದಿಂದ ಕೂಡಿಲ್ಲದಿದ್ದರೂ ತನ್ನ ಚಮತ್ಕಾರಿ ಆರೋಗ್ಯ ಸುಧಾರಕ ಅಂಶಗಳಿಂದ ಶ್ರೀಮಂತವಾಗಿದೆ.
ಸೌಂದರ್ಯ ಸಮಸ್ಯೆಗಳನ್ನು ಹೋಗಲಾಡಿಸಲು ಸುಲಭದಲ್ಲಿ ಸಿಗುವ ನಿಂಬೆ ಹಣ್ಣನ್ನು ಬಿಟ್ಟು ಕೆಮಿಕಲ್ ಇರುವ ಬ್ಯೂಟಿ ಪ್ರಾಡಕ್ಟ್ ಮೇಲೆ ದುಡ್ಡು ಸುರಿಯುತ್ತೇವೆ. ನಿಂಬೆ ಹಣ್ಣಿನಲ್ಲಿ 10 ಕ್ಕಿಂತ ಹೆಚ್ಚಿನ ಸೌಂದರ್ಯವರ್ಧಕ ಗುಣಗಳಿವೆ, ಅಂದ ಮೇಲೆ ನಿಮ್ಮ ಸಾಕಷ್ಟು ಸೌಂದರ್ಯ ಸಮಸ್ಯೆಗೆ ಪರಿಹಾರ ಇದರಲ್ಲಿಯೇ ಇದೆ ಎಂದಾಯುತ್ತಲ್ಲವೇ? ನಿಂಬೆ ಹಣ್ಣನ್ನು ಬಳಸಿ ನಿಮ್ಮ ಸೌಂದರ್ಯವನ್ನು ಹೇಗೆ ವೃದ್ಧಿಸಬಹುದು ಎಂದು ನೋಡೋಣ ಬನ್ನಿ:
ತ್ವಚೆಯ ಎಣ್ಣೆ ಅಂಶವನ್ನು ಹೋಗಲಾಡಿಸಲು
ಎಣ್ಣೆ ತ್ವಚೆ ಹೋಗಲಾಡಿಸಲು ಮುಖದಲ್ಲಿರುವ ಎಣ್ಣೆಯಂಶವಿರುವವರಿಗೆ ಯಾವ ಮೇಕಪ್ ತುಂಬಾ ಹೊತ್ತು ನಿಲ್ಲುವುದಿಲ್ಲ. ಆದ್ದರಿಂದ ಎಣ್ಣೆ ತ್ವಚೆಯವರು ಮೇಕಪ್ಗೆ ಮುಂಚೆ ನಿಂಬೆ ರಸ ಹಚ್ಚಿ 5 ನಿಮಿಷ ಬಿಟ್ಟು ಮುಖ ತೊಳೆದು ನಂತರ ಮೇಕಪ್ ಮಾಡಿದರೆ ಮೇಕಪ್ ತುಂಬಾ ಹೊತ್ತಿನವರೆಗೆ ಇರುತ್ತದೆ.
ಕೂದಲು ಸುವಾಸನೆಯಿಂದ ಕೂಡಿರುತ್ತದೆ
ಕೂದಲು ಬೆವರಿದರೆ ಅಥವಾ ಸರಿಯಾಗಿ ಒಣಗಿದ್ದರೆ ಕೆಟ್ಟ ವಾಸನೆ ಬೀರುತ್ತದೆ. ನಿಂಬೆ ರಸ ಕೂದಲು ಸುವಾಸನೆಯಿಂದ ಕೂಡಿರುವಂತೆ ಮಾಡುತ್ತದೆ. ಲಿಂಬೆ ಹಣ್ಣಿನ 16 ಅದ್ಭುತ ಆರೋಗ್ಯ ಸೂತ್ರಗಳು
ಮೊಡವೆ
ಮೊಡವೆ ಸಮಸ್ಯೆಯನ್ನು ಸಂಪೂರ್ಣವಾಗಿ ಹೋಗಲಾಡಿಸಲು ಪ್ರತೀ ದಿನ ನಿಂಬೆ ರಸ ಹಚ್ಚಿ 5 ನಿಮಿಷ ಬಳಿಕ ಮುಖ ತೊಳೆಯಬೇಕು. ಈ ರೀತಿ ಮಾಡಿದರೆ ಕೆಲವೇ ದಿನಗಳಲ್ಲಿ ಉತ್ತಮ ಫಲಿತಾಂಶ ದೊರೆಯುತ್ತದೆ.
ಮೃದುವಾದ ಕೂದಲಿಗಾಗಿ
ಕೂದಲು ತುಂಬಾ ಒರಟಾಗಿದ್ದು, ಮೃದು ಕೂದಲು ಬೇಕೆಂದು ಬಯಸುವುದಾದರೆ ನಿಂಬೆ ರಸವನ್ನು ಶ್ಯಾಂಪೂ ಜೊತೆ ಮಿಶ್ರಣ ಮಾಡಿ ತಲೆ ತೊಳೆಯಿರಿ. ಈ ರೀತಿ ಮಾಡಿದರೆ ಕೂದಲು ಮೃದುವಾಗುವುದು.
ಉಗುರಿನ ಅಂದ ಹೆಚ್ಚಿಸಲು
ಉಗುರು ಬೆಳ್ಳಗಿದ್ದರೆ ಕೈ, ಕಾಲುಗಳು ತುಂಬಾ ಆಕರ್ಷಕವಾಗಿ ಕಾಣುತ್ತದೆ. ನಿಂಬೆ ಹಣ್ಣಿನಿಂದ ಉಗುರನ್ನು ತಿಕ್ಕಿದರೆ ಉಗುರು ಬೆಳ್ಳಗಾಗುತ್ತದೆ.